URIP LAN NGINJILÉ WONG KRISTEN
Nginjil lan Mulang Kuwi Penting kanggo Ndadèkké Murid
Yésus mréntahké para muridé bèn ndadèkké murid. (Mat 28:19) Iki klebu nginjil lan mulang. Kita kudu terus mikirké pitakonan iki, ’Piyé bèn aku isa luwih trampil nginjil lan mulang?’
NGINJIL
Timbang ngentèni wong teka, kita kudu nggolèki wong-wong ”sing gelem nampa”. (Mat 10:11) Wektu nginjil, apa kita nggolèk kesempatan kanggo ngomong karo wong-wong sing kita temoni? (Kis 17:17) Lidia dadi murid merga Paulus sregep nginjil.—Kis 16:13-15.
”Wijimu sebaren ing wanci ésuk, lan tanganmu aja koklèrènaké ing wanci soré” (Ko 11:6)
DELOKEN VIDEO TERUS NGINJIL ”TANPA MANDHEG”—ORA RESMI LAN ING OMAH-OMAH, LAN JAWABEN PITAKONAN-PITAKONAN IKI:
Piyé saben dina Heri nduduhké nèk dhèwèké terus nggolèk kesempatan kanggo nginjil?
Apa sebabé kita kudu nyoba kabèh cara-cara kanggo nginjil?
Ing saben dina, marang sapa waé panjenengan isa nginjil?
MULANG
Bèn isa ndadèkké murid, aja mung mènèhké wacan-wacan Alkitab. Kita kudu marani manèh wongé lan mulang Alkitab bèn wongé isa nggawé kemajuan. (1Kor 3:6-9) Terus, piyé nèk kita wis ngupaya mulang wong ning hasilé mung sithik? (Mat 13:19-22) Kita kudu terus nggolèki wong-wong sing atiné kaya ”lemah sing subur”.—Mat 13:23; Kis 13:48.
”Aku sing nandur, Apolos sing nyirami, nanging Gusti Allah sing nukulké” (1Kor 3:6)
DELOKEN VIDEO TERUS NGINJIL ”TANPA MANDHEG”—ING PANGGONAN UMUM LAN NDADÈKKÉ MURID, LAN JAWABEN PITAKONAN-PITAKONAN IKI:
Piyé Aji lan Reni nyiram winih, yaiku wulangan sing bener, ing atiné Andri lan Putri?
Wektu nggunakké akèh cara nginjil, klebu nginjil ing panggonan umum, apa kuduné tujuan kita?
Piyé bèn kita luwih trampil mulang Alkitab marang wong-wong?