URIPÉ WONG KRISTEN

Mbantu Wong sing Ora Nduwé Agama Kenal karo Penciptané

Isa waé njenengan ora gelem crita soal kabar apik karo wong sing ora nduwé agama merga nganggep nèk meréka ora bakal berminat. Tapi élinga, akèh wong sing awalé ora nduwé agama, malah ya ana sing atéis, akhiré dadi umaté Yéhuwah. Biasané, meréka mung butuh dikandhani bukti-bukti nèk Gusti Allah kuwi ana.—Rm 1:20; 10:14.

DELOKEN VIDÉO WONG SING ORA NDUWÉ IMAN ISA NDUWÉ IMAN—WONG SING ORA PERDULI KARO AGAMA, TERUS JAWABEN PERTANYAAN IKI:

Saka pengalamané Tommaso, njenengan ora perlu ragu-ragu nèk arep nginjil karo wong sing ora nduwé agama. Lha ngapa?

Jawabané njenengan

Piyé carané?

Nèk wongé ngomong ora percaya karo Gusti Allah, aja dibantah. Kudu tetep alus. Njenengan isa takon ngapa kok dhèwèké nduwé pendapat kaya ngono. Rungokna tenanan. (2Tim 2:24) Terus, rembugen topik-topik sing menarik kanggo dhèwèké. Nèk dhèwèké gelem dikandhani bukti-bukti soal Gusti Allah, rembugen wacan utawa vidéo sing khusus digawé kanggo kuwi, misalé brosur Benarkah Kehidupan Diciptakan? lan Asal Mula Kehidupan—Lima Pertanyaan yang Patut Direnungkan. Loro brosur kuwi wis ditambahké ing Alat-Alat kanggo Mulang basa Indonesia bèn gampang nggolèkiné.

Awalé, njenengan mungkin ragu-ragu ngrembug Alkitab karo wong sing ora percaya Gusti Allah. Njenengan isa njaluk sarané penginjil liya sing wis berpengalaman. Terus élinga nèk Yéhuwah mesthi mbantu awaké dhéwé. Dhèwèké isa nggerakké atiné wong-wong bèn gelem nampa kabar apik, meskipun awalé meréka ora percaya nèk Gusti Allah kuwi ana.—Kis 13:48.