Hasil sing Apik Merga Senyuman

ANA wong wédok loro sing lagi mlaku ing dhaérah bisnis ing kutha Baguio, Filipina. Pas wong loro kuwi ngliwati gerai, Helen, sedulur wédok sing lagi jaga gerai, senyum karo wong loro kuwi. Wong loro kuwi kagum karo sikapé Hélen sing ramah.

Terus, pas numpak bis, wong loro kuwi ndelok ana tulisan jw.org sing ana ing Balé Ibadah. Wong loro kuwi kèlingan nèk mau ya ndelok tulisan jw.org pas ngliwati gerai. Mula, wong loro kuwi mudhun saka bis lan ndelok jadwal pakumpulan ibadah sing ana ing ngarepé Balé Ibadah kuwi.

Wong loro kuwi akhiré teka ing pakumpulan ibadah. Pas mlebu ing Balé Ibadah, wong loro kuwi ndelok Helen. Wong loro kuwi langsung éling nèk Helen kuwi wong sing tau senyum karo wong loro kuwi. Helen kandha, ”Pas wong loro kuwi marani aku, aku rada wedi. Tak pikir aku tau salah karo wong loro kuwi.” Ning, wong loro kuwi njelaské nèk tau ndelok Helen pas Helen jaga gerai.

Wong loro kuwi seneng isa teka ing pakumpulan ibadah lan bergaul karo sedulur-sedulur. Wektu wong loro kuwi ndelok sedulur-sedulur ngresiki Balé Ibadah, wong loro kuwi péngin mbantu. Salah siji saka wong wédok loro kuwi ora manggon manèh ing Filipina. Ning, sing sijiné akhiré mulai teka ing pakumpulan ibadah lan mulai sinau Alkitab. Kuwi kabèh merga senyuman.