Tuntunan ing Alkitab Isa Dipercaya
Nèk nggawé keputusan mung berdasarkan pandhangané dhéwé utawa wong liya, ora bakal ngerti hasilé mengko piyé. Ing Alkitab dijelaské ngapa kok awaké dhéwé butuh tuntunan. Saka Alkitab awaké dhéwé ya dadi ngerti soal apa sing bener lan sing salah. Nèk wis ngerti kuwi, mesthi isa nggawé keputusan sing apik lan sing hasilé marakké bahagia.
AWAKÉ DHÉWÉ BUTUH TUNTUNANÉ GUSTI ALLAH
Ing Alkitab ana keterangan nèk Gusti Allah Yéhuwaha pénginé manungsa njaluk tuntunané wektu arep nggawé keputusan, ora mutuské sak karepé dhéwé. (Yérémia 10:23) Mulané Yéhuwah ngèki tuntunan ing Alkitab. Dhèwèké sayang karo manungsa lan ora péngin awaké dhéwé nggawé keputusan sing salah lan ngrasakké akibaté. (Pangandharing Torèt 5:29; 1 Yohanes 4:8) Yéhuwah kuwi kan sing nyiptakké awaké dhéwé. Dadi Dhèwèké luwih ngerti soal sing bener lan sing salah. (Mazmur 100:3; 104:24) Tapi Dhèwèké ora tau meksa awaké dhéwé manut tuntunané.
Wektu nyiptakké manungsa pertama, Adam lan Hawa, Yéhuwah nyedhiakké sing meréka butuhké bèn bahagia. (Purwaning Dumadi 1:28, 29; 2:8, 15) Yéhuwah ya ngèki tuntunan sing sederhana lan péngin meréka manut. Tapi Yéhuwah ora meksa. Meréka isa milih arep manut apa ora. (Purwaning Dumadi 2:9, 16, 17) Sayangé, Adam karo Hawa milih mutuské sak karepé dhéwé lan ora manut tuntunané Gusti Allah. (Purwaning Dumadi 3:6) Hasilé piyé? Apa nèk mutuské dhéwé soal sing bener lan sing salah hasilé apik? Ora. Kenyataané nèk ora manut tuntunané Gusti Allah, ora bakal bahagia.—Pengkhotbah 8:9.
Ing Alkitab ana tuntunan kanggo kabèh wong bèn ngerti sing bener lan sing salah lan akhiré isa nggawé keputusan sing apik. (2 Timotius 3:16, 17; deloken kothak ”Buku kanggo Kabèh Wong”.) Nah tuntunané kaya apa?
Golèka keterangan luwih akèh soal ngapa kok Alkitab disebut ”omongané Gusti Allah”.—1 Tésalonika 2:13. Deloken vidéo Sapa sing Ngarang Alkitab? ing jw.org/jv.
TUNTUNAN SAKA GUSTI ALLAH ING ALKITAB
Ing Alkitab ana keterangan soal piyé Yéhuwah wektu urusan karo manungsa. Saka kono awaké dhéwé dadi ngerti apa sing bener lan sing salah menurut Yéhuwah, lan endi sing ana manfaaté utawa akibaté. (Mazmur 19:7, 11) Keterangan ing Alkitab bermanfaat nganti saiki. Nèk mempelajari kuwi, awaké dhéwé isa ngerti sing bener lan sing salah lan isa nggawé keputusan sing apik.
Salah siji tuntunan ing Alkitab ana ing Wulang Bebasan 13:20 sing isiné, ”Wong sing bergaul karo wong sing wicaksana bakal dadi wicaksana, ning wong sing dadi kancané wong bodho bakal cilaka.” Kata-kata kuwi isih cocog kanggo jaman saiki. Isih ana akèh tuntunan liyané ing Alkitab.—Deloken kothak ”Tuntunan ing Alkitab Isih Cocog Nganti Saiki”.
Tapi mungkin njenengan isih ragu apa nèk manut tuntunané Alkitab hasilé mesthi apik. Ing artikel berikuté bakal dibahas pengalamané wong-wong sing nduduhké nèk tuntunané Alkitab isa dipercaya.
a Yéhuwah kuwi jenengé Gusti Allah.—Mazmur 83:18.