Maria Magdaléna Kuwi Sapa?
Jawabané Alkitab
Maria Magdaléna kuwi pengikuté Yésus Kristus sing setya. Jeneng Magdaléna kethoké dijupuk saka jeneng kutha Magdala utawa Magadan sing ana ing cedhak Laut Galiléa. Maria mungkin tau manggon ing kana.
Maria Magdaléna kuwi termasuk saka beberapa wong wédok sing tau mèlu martakké kabar apik karo Yésus lan para muridé. Maria Magdaléna ya mènèhi Yésus lan para muridé bantuan matèri. (Lukas 8:1-3) Dhèwèké ya ndelok Yésus dihukum mati lan Maria ya dadi wong pertama sing ndelok Yésus dibangkitké.—Markus 15:40; Yohanes 20:11-18.
Apa Maria Magdaléna kuwi pelacur?
Alkitab ora tau kandha nèk Maria Magdaléna kuwi pelacur. Ing Alkitab, mung ana katrangan nèk Yésus tau mbébaské dhèwèké saka roh jahat pitu.—Lukas 8:2.
Dadi, saka ngendi anggepan nèk Maria Magdaléna tau dadi pelacur? Atusan taun sakwisé Maria mati, ana sing nduwé anggepan nèk dhèwèké kuwi pelacur sing tau nyuci sikilé Yésus nganggo air matané lan ngusapi nganggo rambuté. (Lukas 7:36-38) Ning, apa sing dipercaya wong-wong kuwi dhasaré dudu saka Alkitab.
Apa Maria Magdaléna kuwi ”rasul saka para rasul”?
Ora. Gréja Katolik nyebut Maria ”Santa Maria Magdalena” lan ”rasul saka para rasul” merga dhèwèké wong pertama sing mènèhi ngerti para rasul nèk Yésus wis dibangkitké. (Yohanes 20:18) Ning, iki ora berarti nèk Maria kuwi rasul. Alkitab ya ora tau nyebut Maria kuwi rasul.—Lukas 6:12-16.
Alkitab rampung ditulis ing akhir abad pertama M. Ning, para pemimpin gréja lagi waé mènèhi Maria kedudukan ”santa” utawa wong suci ing abad enem. Ana tulisan-tulisan sing digawé ing abad keloro lan ketelu kandha nèk beberapa rasulé Yésus mèri karo Maria. Ning, tulisan-tulisan kuwi dhasaré dudu saka Alkitab lan crita kuwi mung digawé-gawé.
Apa Maria Magdaléna kuwi bojoné Yésus Kristus?
Ora. Alkitab ora tau nyathet nèk Yésus tau nikah.a
a Deloken artikel ”Apakah Yesus Menikah? Apakah Yesus Punya Adik-Adik?”