Paus Berparuh Cuvier Isa Nyelem Jero Banget

Paus berparuh Cuvier isa nyelem nganti 2.992 mèter, padahal ing kedalaman kuwi tekanané 30.300 kilopascal (4.390 psi). Paus iki ya isa nyelem suwé banget. Ana sing isa nyelem nganti 3 jam 42 menit. Kok isa paus kuwi nyelem jero banget lan suwé?

Kaya mamalia laut liyané, tulang rusuk paus iki flèksibel. Pas nyelem, paru-paruné mengecil, terus detak jantungé melambat. Dadi, ora perlu oksigén akèh-akèh. Darahé ya mung dialirké ing otak, jantung, karo otot-otot.

Mamalia laut nganggo protéin sing ana ing ototé, sing jenengé mioglobin, kanggo nyimpen oksigén. Pas nyelem, meréka éntuk oksigén saka kono. Nah, mioglobiné mamalia laut jumlahé luwih akèh timbang manungsa utawa kéwan-kéwan darat.

Ana peneliti sing ngomong, ”Paus berparuh Cuvier iki mamalia sing isa nyelem paling jero lan paling suwé. Manungsa wis mempelajari cara kerja tubuhé mamalia laut, tapi kami isih durung paham kenapa paus berparuh Cuvier isa nyelem luwih jero lan luwih suwé timbang mamalia laut liyané.” Para ilmuwan péngin mempelajari luwih akèh soal paus iki bèn ngerti cara sing paling apik kanggo ngrawat pasièn sing lara paru-paru.

Piyé nurut njenengan? Apa kemampuané paus berparuh Cuvier iki hasil évolusi? Utawa, apa iki dirancang?