Cathetan Ngisor

c Ana penulis sing mikir nèk kétoké wong-wong lanang kuwi nggawé janji khusus arep dadi wong Nazir. (Wi. 6:1-21) Ya mémang Hukum Musa sing ngatur soal janji dadi wong Nazir wis ora berlaku manèh, tapi menurut Paulus ora salah nèk wong-wong lanang kuwi nepati janjiné karo Yéhuwah. Mula, Paulus gelem ngancani meréka lan setuju mbayar biaya sing ditokké wong-wong kuwi. Awaké dhéwé ora ngerti pastiné janji apa sing digawé wong-wong kuwi. Tapi Paulus kétoké ora setuju lan ora gelem nèk kudu ngorbanké kéwan (kaya sing biasané dilakoni wong Nazir), bèn dosané diampuni. Paulus ngerti nèk saiki mung korban tebusané Yésus sing sampurna sing isa nebus dosané manungsa. Dadi ngorbanké kéwan wis ora isa dienggo nebus dosa manèh. Awaké dhéwé mémang ora ngerti Paulus ngapa waé, tapi awaké dhéwé isa yakin apa waé sing dilakoni Paulus ora nglanggar pathokané Yéhuwah dadi hati nuraniné isa tetep resik.