Cathetan Ngisor

a Wektu kandha bab tandha pungkasané jaman, Yésus ngandhani para muridé nganggo crita. Sing sepisanan bab ”abdi kang setya lan pinter”, yaiku kelompok sing dipilih munggah swarga sing bakal nuntun umaté Gusti Allah. (Mt. 24:45-47) Yésus uga nduwé crita liya sing nduduhké kelompok sing padha. (Mt. 25:1-30) Lan akhiré, Yésus crita bab wong-wong sing bakal ndhukung para seduluré lan urip saklawasé ing bumi. (Mt. 25:31-46) Semono uga, ramalané Yéheskièl kelakon ing jaman saiki. Sing sepisanan, kuwi dialami wong-wong sing bakal munggah swarga. Senajan kraton Israèl sepuluh suku ora mesthi dadi lambangé wong-wong sing bakal urip saklawasé ing bumi, kahanan rukun ing ramalan kuwi ngandhani nèk wong-wong sing bakal urip ing bumi rukun karo sing bakal munggah swarga.