Kidung Agung
5 ”Sayangku, calon bojoku,
Aku wis teka ing kebonku.+
Aku wis methik mur* lan tanduran sing wangi.+
Aku wis mangan madu saka sarang tawonku.
Aku wis ngombé susu lan anggurku.”+
”Kanca-kanca, ayo mangan.
Ayo padha ngombé lan dadi mabuk merga rasa sayang.”+
2 ”Aku turu tapi atiku tangi.+
Aku krungu kekasihku dhodhog-dhodhog lawang.”
”Sayangku, tulung bukakké lawang.
Kowé kaya manuk dara, kowé ora ana cacadé.
Sirahku teles merga kena embun.
Rambutku teles merga kena embun pas bengi.”+
3 ”’Aku wis nyopot klambi njabaku,
Mosok kudu tak enggo manèh?
Sikilku wis tak wisuhi,
Apa kudu tak regedi manèh?’
4 Kekasihku narik tangané saka lubang kunci.
Atiku dheg-dhegan merga dhèwèké.
5 Aku tangi, terus mbukakké lawang kanggo kekasihku.
6 Aku mbukakké lawang kanggo kekasihku,
Ning dhèwèké wis lunga, dhèwèké ora ana manèh.
Sedhih banget rasané atiku wektu dhèwèké lunga.*
Aku kangen, ning dhèwèké ora ana ing kéné.+
Aku ngundang* dhèwèké, ning dhèwèké ora njawab.
7 Para penjaga sing ngubengi kutha weruh aku.
Wong-wong kuwi ngantemi* aku lan nggawé aku luka.
Para penjaga témbok kutha ngrampas seléndhangku.*
8 Wong-wong wédok ing Yérusalèm, kowé kudu nggawé sumpah,
Nèk kowé weruh kekasihku,
Tulung dhèwèké mbok kandhani nèk aku lagi jatuh cinta.”
9 ”Kowé, wong wédok sing ayu,
Apa buktiné nèk kekasihmu luwih apik timbang wong lanang liya?
Apa kelebihané kekasihmu timbang wong lanang liya,
Nganti aku dikongkon sumpah kaya ngéné?”
10 ”Kekasihku kuwi nggantheng lan kuwat.*
Dhèwèké paling unggul ing antarané wong lanang 10.000.
11 Sirahé kaya emas murni.
Rambuté ireng kaya manuk gagak
Lan ngombak kaya godhong palem.*
12 Mripaté kaya manuk dara sing ana ing cedhaké aliran banyu,
Sing lagi adus nganggo susu,
Sing lagi ménclok ing pinggiré kolam.
13 Pipiné kaya taman sing ditanduri tanduran wangi,+
Tumpukan tanduran wangi.
Lambéné kaya kembang lili sing ngetokké minyak mur.*+
14 Driji ing tangané kaya emas sing dihiasi watu krisolit.
Wetengé kaya gadhing mengkilap sing dihiasi watu safir.*
15 Sikilé kaya cagak marmer sing alasé emas murni.
Awaké apik kaya wilayah ing Lébanon, lan dhèwèké dhuwur kaya wit aras.*+
16 Lambéné legi kaya madu,
Kabèh soal dhèwèké kuwi nggawé aku seneng karo dhèwèké.+
Wong-wong wédok Yérusalèm, ya kaya ngono kuwi kekasihku, wong sing tak sayangi.”