1, 2. (a) Gawéan apa sing dilakoni Rut? (b) Bab apik apa sing disinaoni Rut saka Hukumé Yéhuwah lan wong-wong sing nyembah Yéhuwah?

RUT jèngkèng ing jèjèré tumpukan barli sing wis ditalèni lan diklumpukké dina kuwi. Wektu kuwi wis soré, lan wong-wong sing nyambut gawé ing ladhang sakiwa-tengené Bètléhèm akèh sing mlaku karo lemes menyang gapura kutha cilik sing ana ing pucuk lèrèng bukit. Awaké Rut mesthi wis kesel banget merga wis sedina muput nyambut gawé. Nanging, dhèwèké tetep nggepuk-nggepuk barli mau nganggo kayu bèn wijiné prothol. Senajan gawéané abot, nanging dina kuwi Rut seneng, merga éntuk hasil sing luwih akèh ketimbang sing diarep-arep.

5, 6. (a) Ing dina kapisan nggolèk wiji barli ing ladhangé Boas, Rut éntuk apa waé? (b) Piyé tanggepané Naomi wektu ndelok Rut?

⁵ Wektu Rut wis rampung nggepuk-nggepuk lan nglumpukké wiji-wiji kuwi, jebulé Rut éntuk sak éfa utawa 22 liter barli, sing aboté kira-kira 14 kilogram. Wiji-wiji kuwi dibungkus nganggo kain banjur disunggi, lan Rut bali menyang Bètléhèm wektu wis surup.​—Rt. 2:17.