9, 10. (a) Dawud lan anak buahé manggon ing dhaérah sing kaya apa? (b) Apa sebabé Nabal sakjané kudu matur nuwun marang Dawud lan prajurité? (Deloken uga cathetan ing ngisor kanggo paragraf 10.)

⁹ Nabal manggon ing Maon, nanging kerja ing cedhak Karmèl lan mungkin nduwé tanah ing kana.a Kutha-kutha kuwi ana ing tengah dataran tinggi sing akèh suketé, sing cocog kanggo angon wedhus. Nabal nduwé 3.000 wedhus. Dhaérah ing cedhak kono durung dinggoni. Ing sisih kidul ana ara-ara Paran sing amba banget. Sisih wétané ana dalan menyang Laut Garam sing ngliwati dataran tandhus, akèh jurang lan guwa. Dawud lan prajurité manggon ing dhaérah sing kaya ngono kuwi. Dawud lan prajurité kudu mburu kéwan kanggo nggolèk pangan lan ngadhepi akèh kasusahan, uga kerep ketemu wong enom sing angon wedhusé Nabal.