• Piyé Bèn Isa Terus Sinau Alkitab?
    Bahagia Saklawasé—Pelajaran Alkitab
    • Pelajaran 12. Ibu-ibu karo anaké loro sinau Alkitab karo Seksi-Seksi Yéhuwah.

      PELAJARAN 12

      Piyé Bèn Isa Terus Sinau Alkitab?

      Awaké dhéwé kudu berusaha sinau Alkitab soalé kuwi akèh manfaaté. Apa waé manfaaté? Piyé bèn isa terus sinau Alkitab meskipun ana sing ora seneng utawa angèl ngetrapkéné?

      1. Apa waé manfaaté sinau Alkitab?

      ”Omongané Gusti Allah kuwi urip lan nduwé kuwasa sing gedhé banget.” (Ibrani 4:​12) Saka Alkitab, awaké dhéwé isa ngerti pikirané Gusti Allah lan ngerti nèk Dhèwèké sayang karo awaké dhéwé. Awaké dhéwé ya isa éntuk naséhat lan nduwé harapan. Sifat lan tingkah lakuné awaké dhéwé ya dadi luwih apik. Sing paling penting, awaké dhéwé isa dadi kancané Yéhuwah.

      2. Apa buktiné nèk awaké dhéwé nganggep isiné Alkitab berharga?

      Isiné Alkitab kaya harta karun, makané ’kuwi kabèh aja diculké’. (Wulang Bebasan 23:23) Nèk nganggep isiné Alkitab berharga kaya harta karun, awaké dhéwé mesthi berusaha bèn isa ngerti isiné.​—Wacanen Wulang Bebasan 2:​4, 5.

      3. Piyé Yéhuwah mbantu awaké dhéwé bèn isa terus sinau Alkitab?

      Yéhuwah kuwi kanca lan sing nyiptakké awaké dhéwé. Yéhuwah péngin awaké dhéwé kenal karo Dhèwèké. Dhèwèké isa ngekèki ”kepénginan lan kekuwatan kanggo nindakké kuwi”. (Wacanen Filipi 2:​13.) Awaké dhéwé kudu njaluk bantuané Yéhuwah bèn isa semangat sinau lan isa ngetrapké sing dipelajari. Yéhuwah ya isa mbantu bèn awaké dhéwé terus sinau Alkitab meskipun ana sing ora seneng. Kuwi berarti awaké dhéwé kudu teratur ndonga njaluk bantuané Yéhuwah bèn isa terus sinau Alkitab.​—1 Tésalonika 5:​17.

      SINAU LUWIH AKÈH

      Ana keterangan soal piyé bèn isa terus sinau Alkitab meskipun sibuk utawa ana sing ora seneng. Terus, ya ana keterangan soal piyé Yéhuwah mbantu awaké dhéwé bèn isa terus sinau Alkitab.

      4. Luwih mentingké sinau Alkitab

      Saking sibuké, kadhang awaké dhéwé nganti ora nduwé wektu sinau Alkitab. Terus piyé? Wacanen Filipi 1:​10, terus rembugen pertanyaan-pertanyaan iki:

      • Menurut njenengan, ”sing luwih penting” kuwi apa waé?

      • Apa buktiné nèk njenengan luwih mentingké sinau Alkitab?

      A. Gambar: Wadhah sing isiné pasir karo watu. 1. Pasir karo watu. 2. Pasiré mèh kebak. 3. Wadhah sing diisèni pasir sik, lagi watu. Wadhahé ora cukup nganti watuné tiba ing lemah. B. Gambar: 1. Pasir karo watu. 2. Watuné mèh kebak. 3. Wadhah sing diisèni watu sik, lagi pasir. Pasiré mung wutah sithik.

      1. Nèk sing dilebokké pasiré sik, ora kabèh watuné isa mlebu

      2. Nèk sing dilebokké watuné sik, mèh kabèh pasiré isa mlebu. Nèk wektuné dienggo ”sing luwih penting” sik, mesthi isih ana wektu dienggo liyané

      Sinau Alkitab kuwi bukti nèk awaké dhéwé butuh tuntunané Gusti Allah. Wacanen Matius 5:​3, terus rembugen pertanyaan iki:

      • Apa manfaaté nèk luwih mentingké sinau Alkitab?

      5. Tetep sinau Alkitab meskipun ana sing ora seneng

      Kadhang ana sing péngin awaké dhéwé ora sinau Alkitab manèh. Deloken pengalamané Francesco. Setèlen VIDÉONÉ, terus rembugen pertanyaan-pertanyaan iki:

      VIDÉO: Hasilé Merga Tetep Sinau Alkitab (5:​22)

      Gambar saka vidéo ’Hasilé Merga Tetep Sinau Alkitab’. Francesco lunga sakwisé ngomong karo kanca-kancané nèk wegah bergaul manèh karo kanca-kancané kuwi.

      • Piyé tanggepané keluarga lan kanca-kancané Francesco pas dhèwèké nyritakké sing dipelajari?

      • Apa hasilé merga dhèwèké tetep sinau Alkitab?

      Wacanen 2 Timotius 2:​24, 25, terus rembugen pertanyaan-pertanyaan iki:

      • Piyé tanggepané keluarga lan kanca-kancané njenengan pas ngerti njenengan sinau Alkitab?

      • Menurut ayat-ayat kuwi, njenengan kudu piyé nèk ana sing ora seneng njenengan sinau Alkitab? Lha ngapa njenengan njawab ngono?

      6. Njaluk bantuané Yéhuwah

      Nèk akrab karo Yéhuwah, awaké dhéwé dadi saya péngin nyenengké Dhèwèké. Tapi, kadhang angèl ngetrapké pathokané. Nèk ngrasa ngono, awaké dhéwé isa njaluk bantuané Yéhuwah. Setèlen VIDÉONÉ, terus rembugen pertanyaan-pertanyaan iki:

      VIDÉO: Yéhuwah Mbantu Wong sing Péngin Nyenengké Dhèwèké (3:​56)

      • Piyé Jim berusaha nyenengké Yéhuwah?

      • Piyé kesané njenengan bar nonton vidéo kuwi?

      Wacanen Ibrani 11:​6, terus rembugen pertanyaan-pertanyaan iki:

      • Yéhuwah bakal ngekèki apa karo wong sing ”tenanan nggolèki Dhèwèké”, yaiku sing berusaha kenal lan nyenengké Dhèwèké?

      • Piyé perasaané Yéhuwah wektu ndelok njenengan terus sinau Alkitab?

      NÈK ANA SING TAKON: ”Ngapa kowé sinau Alkitab?”

      • Njenengan njawab apa?

      KESIMPULAN

      Nèk terus berusaha sinau Alkitab, awaké dhéwé isa bahagia saklawasé. Nèk awaké dhéwé njaluk bantuané Yéhuwah, Dhèwèké ya mesthi mbantu.

      Jawaben

      • Apa waé manfaaté sinau Alkitab kanggo njenengan?

      • Piyé carané ”mastèkké endi sing luwih penting”?

      • Bèn isa terus sinau Alkitab, ngapa kok kudu njaluk bantuané Yéhuwah?

      Rencana

      BAHAN TAMBAHAN

      Piyé carané ngatur wektu?

      ”Carané Ngatur Wektu” (Gatèkna! Februari 2014)

      Deloken piyé Yéhuwah mbantu wong wédok bèn dhèwèké terus sinau Alkitab meskipun bojoné ora seneng.

      Yéhuwah Nggawé Aku Kuwat Nanggung Bebanku (5:​05)

      Deloken pengalamané wong lanang sing akhiré gelem sinau Alkitab merga bojoné terus sinau Alkitab.

      Akhiré Aku Gelem Sinau Alkitab (6:​30)

      Apa Seksi-Seksi Yéhuwah nggawé keluarga berantakan?

      ”Apa Seksi-Seksi Yéhuwah Marakaké Keluarga Bubrah utawa Malah Ayem Tentrem?” (Artikel ing jw.org)

  • Carané Nggawé Keputusan sing Bener
    Bahagia Saklawasé—Pelajaran Alkitab
    • Lesson 35. A husband researches cars advertised on a website as his wife and children look on.

      PELAJARAN 35

      Carané Nggawé Keputusan sing Bener

      Ana akèh keputusan sing kudu digawé. Misalé, arep manggon ing endi, kerja apa, utawa nikah apa ora. Nèk nggawé keputusan sing bener, awaké dhéwé isa bahagia lan nggawé Yéhuwah seneng.

      1. Piyé carané nggawé keputusan nganggo Alkitab?

      Nèk mèh nggawé keputusan, kudu ndonga sik njaluk tuntunané Yéhuwah lan maca Alkitab bèn ngerti pandhangané Yéhuwah. (Wacanen Wulang Bebasan 2:​3-6.) Kadhang-kadhang préntahé Yéhuwah jelas kudu piyé. Nèk ngono, sing paling apik manut waé.

      Tapi, piyé nèk ora ana préntah sing jelas ing Alkitab? Yéhuwah tetep nuntun awaké dhéwé bèn ’ngerti apa sing kudu ditindakké’. (Yésaya 48:17) Carané nuntun, liwat pathokané ing Alkitab. Saka pathokan ing Alkitab, awaké dhéwé isa ngerti pikiran lan perasaané Yéhuwah. Nèk péngin ngerti pathokané Yéhuwah, kudu maca kisah ing Alkitab. Nèk ngerti piyé perasaané Yéhuwah, awaké dhéwé isa nggawé keputusan sing bener.

      2. Apa waé sing kudu dipikirké sakdurungé nggawé keputusan?

      Menurut Alkitab, ”Wong sing pinter mikirké tenanan apa sing bakal ditindakké.” (Wulang Bebasan 14:15) Kuwi berarti sakdurungé nggawé keputusan, kudu dipikir sik, ’Pathokané ing Alkitab apa? Apa akibaté kanggo aku? Apa akibaté kanggo wong liya? Sing paling penting, apa kuwi nggawé Yéhuwah seneng?’​—Pangandharing Torèt 32:29.

      Sing paling ngerti endi sing salah lan sing bener kuwi Yéhuwah. Mulané, Yéhuwah ngekèki préntah lan pathokan ing Alkitab. Nèk gelem manut, awaké dhéwé isa nduwé hati nurani sing apik. Hati nurani kuwi perasaan sing isa mbantu awaké dhéwé mbédakké sing bener lan sing salah. (Roma 2:​14, 15) Nèk nduwé hati nurani sing apik, ya mesthi isa nggawé keputusan sing bener.

      SINAU LUWIH AKÈH

      Ayo ngrembug apa manfaaté pathokan ing Alkitab lan hati nurani pas nggawé keputusan.

      3. Tuntunan ing Alkitab

      Apa manfaaté pathokan ing Alkitab wektu nggawé keputusan? Setèlen VIDÉONÉ, terus rembugen pertanyaan-pertanyaan iki:

      VIDÉO: Manut karo Pathokané Alkitab (5:​54)

      • Bébas milih kuwi maksudé apa?

      • Ngapa kok manungsa éntuk bébas milih?

      • Yéhuwah ngekèki tuntunan apa bèn awaké dhéwé isa nggawé keputusan sing bener?

      Pathokan ing Alkitab kuwi contoné apa? Wacanen Éfésus 5:​15, 16, terus rembugen piyé bèn ’wektuné’ isa dienggo . . .

      • maca Alkitab saben dina.

      • berusaha dadi anggota keluarga sing sifat-sifaté tambah apik.

      • teka ing pertemuan ibadah.

      4. Berusaha bèn hati nurani sesuai karo pathokan ing Alkitab

      Nggawé keputusan kuwi luwih gampang nèk ana préntah sing jelas ing Alkitab. Tapi, piyé nèk ora ana? Setèlen VIDÉONÉ, terus rembugen pertanyaan iki:

      VIDÉO: Jaganen Hati Nuranimu Tetep Apik (5:​13)

      • Piyé carané sedulur kuwi berusaha bèn hati nuraniné sesuai karo pathokan ing Alkitab lan bèn isa nggawé keputusan sing bener?

      Awaké dhéwé sing kudu nggawé keputusan dhéwé, dudu wong liya. Wacanen Ibrani 5:​14, terus rembugen pertanyaan-pertanyaan iki:

      • Kétoké, mémang luwih pénak nèk digawèkké keputusan karo wong liya. Tapi menurut ayat kuwi, awaké dhéwé kuduné isa mbédakké apa?

      • Bèn hati nurani isa sesuai karo pathokan ing Alkitab, lan awaké dhéwé isa nggawé keputusan sing bener, awaké dhéwé isa nggolèk keterangan luwih akèh ing endi?

      Wong lagi numpak mobil karo ndelok GPS bèn ngerti dalané.

      Kaya péta, hati nurani isa dadi tuntunan kanggo awaké dhéwé

      5. Mikirké hati nuraniné wong liya

      Isa waé saben wong keputusané béda-béda, tapi kudu tetep mikirké hati nuraniné wong liya. Misalé pas apa?

      Situasi 1: Ana sedulur wédok sing senengané dandan, pindhah ing jemaat sing wong-wongé padha risi karo penampilané.

      Wacanen Roma 15:1 lan 1 Korintus 10:​23, 24, terus rembugen pertanyaan-pertanyaan iki:

      • Bar maca ayat-ayat mau, kira-kira sedulur kuwi bakal ngapa? Nèk hati nuraniné njenengan ora masalah, tapi hati nuraniné wong liya dadi ngrasa ora pénak, njenengan kuduné piyé?

      Situasi 2: Ana sedulur lanang sing milih ora ngombé minuman keras, meskipun ngerti nèk menurut Alkitab ngombé minuman keras kuwi ora salah. Dhèwèké diundang ing acara, terus ndelok sedulur liya ngombé minuman keras.

      Wacanen Pengkhotbah 7:​16 lan Roma 14:​1, 10, terus rembugen pertanyaan-pertanyaan iki:

      • Bar maca ayat-ayat mau, kira-kira sedulur kuwi bakal ngapa? Nèk hati nuraniné wong liya ora masalah, tapi hati nuraniné njenengan ngrasa ora pénak, njenengan kuduné piyé?

      Carané nggawé keputusan sing bener:

      Wong wédok ndonga.

      1. Ndonga njaluk tuntunané Yéhuwah.​—Yakobus 1:5.

      Wong wédok kuwi lagi nggolèk keterangan luwih akèh saka Alkitab lan bacaan saka organisasi ing komputeré.

      2. Nggolèk keterangan luwih akèh ing Alkitab lan bacaan saka organisasi bèn ngerti pathokan soal kuwi. Njenengan ya isa takon karo sedulur seiman sing kuwat imané.

      Wong wédok kuwi lagi mikir.

      3. Mikirké apa akibaté kanggo njenengan lan wong liya.

      NÈK ANA SING NGOMONG: ”Kowé bébas mèh ngapa waé, ora usah mikirké wong liya.”

      • Ngapa kok awaké dhéwé kudu mikirké perasaané Gusti Allah lan wong liya?

      KESIMPULAN

      Bèn isa nggawé keputusan sing bener, kudu mikirké pandhangané Yéhuwah soal kuwi lan mikirké akibaté kanggo wong liya.

      Jawaben

      • Piyé carané nggawé keputusan sing bener?

      • Piyé carané berusaha bèn hati nurani sesuai karo pathokan ing Alkitab?

      • Apa buktiné nèk mikirké hati nuraniné wong liya?

      Rencana

      BAHAN TAMBAHAN

      Piyé carané nggawé keputusan sing marahi Yéhuwah seneng?

      ”Nggawé Keputusan sing Bener Menurut Alkitab” (Warta Penting 15 April 2011)

      Apa waé carané Yéhuwah mènèhi tuntunan kanggo awaké dhéwé? Deloken vidéoné.

      Yéhuwah Nuntun Umaté (9:​50)

      Apa sing nggawé sedulur iki akhiré isa nggawé keputusan sing bener? Deloken vidéoné.

      Nglayani Yéhuwah Isa Nggawé Aku Bahagia (5:​46)

      Piyé bèn isa nggawé keputusan sing marahi Yéhuwah seneng meskipun ora ana préntah sing jelas ing Alkitab?

      ”Apa Kabèh Kudu Ana Préntah sing Jelas ing Alkitab?” (Warta Penting 1 Desember 2003)