• Ngati-ati Wektu Milih Kanca
    Bahagia Saklawasé—Pelajaran Alkitab
    • Pelajaran 48. Cah enom sèlfie karo kanca-kancané.

      PELAJARAN 48

      Ngati-ati Wektu Milih Kanca

      Nduwé kanca kuwi nyenengké, soalé ana sing isa dijak seneng-seneng, terus nèk pas sedhih ya ana sing nyemangati. Tapi, menurut Alkitab ora kabèh isa dadi kanca sing apik. Piyé carané nggolèk kanca sing apik? Kuwi bakal dirembug ing pelajaran iki.

      1. Ngapa kok kudu ngati-ati milih kanca?

      Awaké dhéwé isa niru pandhangan lan tingkah lakuné wong liya nèk kerep bergaul, embuh kuwi ketemu langsung utawa liwat internèt. Ing Alkitab disebutké, ”Wong sing bergaul karo wong sing wicaksana bakal dadi wicaksana, ning wong sing dadi kancané wong bodho [sing ora sayang Yéhuwah] bakal cilaka.” (Wulang Bebasan 13:20) Menurut Alkitab kudu ngati-ati milih kanca. Soalé nèk kekancan karo sing ora sayang Yéhuwah, awaké dhéwé ya isa mèlu-mèlu kaya ngono. Tapi nèk kekancan karo sing sayang Yéhuwah, awaké dhéwé dadi tambah akrab karo Yéhuwah lan isa nggawé keputusan sing bener. Malah sing éntuk manfaat ora mung awaké dhéwé, tapi ya dhèwèké isa tambah akrab karo Yéhuwah. Awaké dhéwé ”kudu terus nguwatké lan mbantu liyané”.​—1 Tésalonika 5:​11.

      2. Ngapa kok Yéhuwah péngin awaké dhéwé ngati-ati milih kanca?

      Yéhuwah ora nggolèk kanca sak-saké. Menurut Alkitab, ”Dhèwèké akrab karo wong sing bener.” (Wulang Bebasan 3:​32) Nèk milih kanca sing ora sayang Yéhuwah, Yéhuwah isa kecéwa banget. (Wacanen Yakobus 4:4.) Tapi, nèk akrab karo Yéhuwah lan mung kekancan karo sing sayang Yéhuwah, Yéhuwah seneng lan gelem kekancan karo awaké dhéwé.​—Mazmur 15:​1-4.

      SINAU LUWIH AKÈH

      Ayo ngrembug ngapa kok kudu milih kanca sing apik, lan piyé bèn nduwé kanca sing apik.

      3. Aja bergaul karo kanca sing ora apik

      Kanca sing ora apik kuwi nèk ora sayang Yéhuwah lan ora ngetrapké pathokané. Setèlen VIDÉONÉ, terus rembugen pertanyaan iki:

      VIDÉO: Ora Bergaul karo sing Ora Manut Yéhuwah (6:​17)

      • Isa waé, jebulé awaké dhéwé bergaul karo kanca sing ora apik. Piyé contoné?

      Wacanen 1 Korintus 15:​33, terus rembugen pertanyaan-pertanyaan iki:

      • Menurut njenengan, kanca sing ora apik kuwi sing kaya apa? Lha ngapa njenengan njawab ngono?

      Wacanen Mazmur 119:​63, terus rembugen pertanyaan iki:

      • Menurut ayat kuwi, njenengan kuduné nggolèk kanca sing piyé?

      Apel sak mangkok, tapi bosok siji. Apel kuwi dirubung laler lan marahi apel liyané mèlu bosok.

      Apel bosok isa marahi apel liyané dadi mèlu bosok. Apa akibaté nèk nduwé kanca sing ora apik?

      4. Kanca sing apik ora kudu sing sak umuran utawa sing padha latar belakangé

      Ing Alkitab ana kisahé Daud karo Yonatan. Yonatan luwih tuwa timbang Daud, terus dhèwèké kuwi ya anaké raja. Tapi wong loro kuwi isa dadi sahabat. Wacanen 1 Samuèl 18:​1, terus rembugen pertanyaan iki:

      • Ngapa kok kancané awaké dhéwé ora kudu sing sak umuran utawa sing padha latar belakangé?

      Wacanen Roma 1:​11, 12, terus rembugen pertanyaan iki:

      • Apa waé carané bèn isa padha-padha nguwatké?

      Ing vidéo iki, ana cah lanang sing ora nyangka akhiré isa éntuk kanca ing jemaat. Setèlen VIDÉONÉ, terus rembugen pertanyaan-pertanyaan iki:

      VIDÉO: Éntuk Kanca sing Ora Dinyana (5:​06)

      • Ngapa kok wong tuwané Akil kuwatir nèk Akil akrab karo kanca sekolahé?

      • Ngapa kok Akil seneng bergaul karo kanca sekolahé?

      • Piyé akhiré Akil wis ora kesepian manèh?

      5. Carané bèn nduwé kanca sing apik

      Piyé bèn isa nduwé kanca sing apik? Piyé bèn isa dadi kanca sing apik? Setèlen VIDÉONÉ.

      VIDÉO: Kaya Apa Kanca Sejati Kuwi? (4:​14)

      Gambar saka vidéo ’Kaya Apa Kanca Sejati Kuwi?’ Cah enom karo kanca-kancané sing umuré, bangsané, lan bakaté béda-béda.

      Wacanen Wulang Bebasan 18:24 lan 27:17. Terus, rembugen pertanyaan-pertanyaan iki:

      • Apa waé buktiné nèk kanca sing apik padha-padha seneng mbantu?

      • Apa njenengan nduwé kanca sing apik kaya ngono? Nèk ora, njenengan kudu piyé?

      Wacanen Filipi 2:​4, terus rembugen pertanyaan iki:

      • Bèn isa nduwé kanca sing apik, njenengan kudu dadi kanca sing apik. Piyé carané?

      Gambar: Cah enom karo sahabat-sahabaté. 1. Télpon-télponan. 2. Ngobrol karo sedulur lansia ing Balé Ibadah. 3. Menghibur kancané sing lagi sedhih.

      Bèn isa nduwé kanca sing apik, kudu dadi kanca sing apik

      NÈK ANA SING NGOMONG: ”Aku gelem kekancan karo sapa waé, sing penting wongé apik karo aku.”

      • Njenengan arep njelaské piyé?

      KESIMPULAN

      Nèk ngati-ati milih kanca, awaké dhéwé isa éntuk manfaat lan isa nggawé Yéhuwah seneng.

      Jawaben

      • Ngapa kok Yéhuwah péngin awaké dhéwé ngati-ati milih kanca?

      • Kanca sing ora apik kuwi sing kaya apa?

      • Piyé bèn isa nduwé kanca sing apik?

      Rencana

      BAHAN TAMBAHAN

      Apa buktiné nèk kanca sing apik isa mbantu pas awaké dhéwé susah?

      ”Terus Akrab karo Para Sedulur” (Warta Penting November 2019)

      Ana saran-saran bèn isa nduwé kanca sing apik.

      ”Piyé Bèn Aku Isa Nduwé Kanca sing Apik?” (Jawaban Pertanyaané Cah Enom, Jilid 1, bab 8)

      Piyé bèn isa tetep ngati-ati wektu bergaul liwat internèt?

      Cara Aman Nggunakké Jejaring Sosial (4:​12)

      Ana wong lanang sing akhiré ngerti nèk kudu nggolèk kanca sing apik. Wacanen pengalamané ing crita sing judhulé ”Aku Péngin Banget Nduwé Bapak sing Sayang Aku”.

      ”Kuwasané Alkitab” (Warta Penting 1 April 2012)

  • Milih Hiburan sing Isa Nggawé Yéhuwah Seneng
    Bahagia Saklawasé—Pelajaran Alkitab

    • 1. Menurut Alkitab, awaké dhéwé kudu milih hiburan sing kaya apa?

      Nèk pas santai, ana sing senengé ing omah waé maca buku, ngrungokké musik, nonton film, utawa internètan. Ana sing senengé ngumpul karo kanca-kancané kanggo munggah gunung, renang, utawa sepédaan. Embuh senengé sing endi, sing penting kudu milih hiburan ”sing nggawé Gusti Allah seneng”. (Éfésus 5:​10) Kuwi penting, soalé saiki akèh sing seneng karo hiburan sing isiné soal kekerasan, hubungan sèks sing ora pantes, lan ilmu gaib, padahal kuwi disengiti Yéhuwah. (Wacanen Mazmur 11:5.) Piyé bèn isa milih hiburan sing padha karo karepé Yéhuwah?

      Bèn isa milih hiburan sing apik, kudu bergaul karo sing sayang Yéhuwah. Kaya sing wis dirembug ing pelajaran 48, ”wong sing bergaul karo wong sing wicaksana bakal dadi wicaksana”. Tapi, nèk bergaul karo sing ora sayang Yéhuwah, awaké dhéwé ”bakal cilaka”.​—Wulang Bebasan 13:20.