• Dadi Kancané Yéhuwah
    Bahagia Saklawasé—Pelajaran Alkitab

    • 5. Kanca sing disayang Yéhuwah

      Awaké dhéwé mesthi ora nggolèk kanca sak-saké.

      • Njenengan péngin nduwé kanca sing kaya apa?

      Wacanen 1 Yohanes 5:​3, terus rembugen pertanyaan iki:

      • Yéhuwah péngin kanca-kancané piyé?

      Manut karo Yéhuwah ya berarti kudu berusaha bèn sifat lan tingkah lakuné sesuai karo sing dikarepké Yéhuwah. Wacanen Yésaya 48:​17, 18, terus rembugen pertanyaan iki:

      • Ngapa kok Yéhuwah péngin kancané manut préntahé?

      Wong sing ngekèki helm kancané.

      Yéhuwah kaya kanca sing sayang karo awaké dhéwé, sing ngandhani bèn awaké dhéwé ora cilaka

  • Buktiné Nèk Sayang Yéhuwah
    Bahagia Saklawasé—Pelajaran Alkitab
    • Pelajaran 34. Wong lanang lagi mikir.

      PELAJARAN 34

      Buktiné Nèk Sayang Yéhuwah

      Kèt pertama belajar nganti saiki, apa njenengan ngrasa tambah cedhak karo Gusti Allah? Apa njenengan péngin tambah cedhak manèh? Nèk njenengan tambah sayang karo Yéhuwah, Yéhuwah ya bakal tambah sayang karo njenengan. Apa buktiné nèk sayang Yéhuwah?

      1. Apa buktiné nèk sayang Yéhuwah?

      Nèk sayang Yéhuwah, awaké dhéwé mesthi manut karo Dhèwèké. (Wacanen 1 Yohanes 5:3.) Yéhuwah ora tau meksa awaké dhéwé bèn manut, tapi arep manut apa ora kuwi terserah awaké dhéwé. Yéhuwah péngin awaké dhéwé manut ”saktulusé ati”. (Roma 6:​17) Maksudé manut ora merga kepeksa, tapi merga sayang. Nèk sayang karo Yéhuwah, awaké dhéwé mesthi berusaha bèn Yéhuwah seneng. Kuwi sing bakal dirembug ing bagian 3 karo 4.

      2. Ngapa kok manut Yéhuwah kuwi ora mesthi gampang?

      Menurut Alkitab, ”Wong sing bener ngalami akèh kesusahan.” (Mazmur 34:19) Awaké dhéwé isih ora sampurna, terus ya mungkin ngadhepi akèh masalah. Nèk masalahé abot, isa waé dadi ngrasa nèk nglakoni sing dikarepké Yéhuwah kuwi ora gampang. Tapi nèk tetep manut karo Yéhuwah, kuwi berarti awaké dhéwé sayang banget lan setya karo Yéhuwah. Yéhuwah ya bakal setya lan ora bakal ninggalké awaké dhéwé.​—Wacanen Mazmur 4:3.

      SINAU LUWIH AKÈH

      Ayo ngrembug ngapa kok Yéhuwah seneng nèk awaké dhéwé manut, lan piyé bèn awaké dhéwé isa terus manut karo Dhèwèké.

      3. Sétan nudhuh njenengan

      Ing buku Ayub ditulis nèk Sétan ora mung nudhuh Ayub, tapi ya kabèh sing péngin nyembah Yéhuwah. Wacanen Ayub 1:​1, 6–​2:​10, terus rembugen pertanyaan-pertanyaan iki:

      • Menurut Sétan, ngapa Ayub gelem manut Yéhuwah? ​—Deloken Ayub 1:​9-​11.

      • Kabèh wong, termasuk njenengan, ditudhuh apa karo Sétan?​—Deloken Ayub 2:4.

      Wacanen Ayub 27:5b, terus rembugen pertanyaan iki:

      • Apa buktiné nèk Ayub bener-bener sayang Yéhuwah?

      Sétan nantang Yéhuwah. Dhèwèké nudhuh Ayub lan kabèh umaté Yéhuwah saiki.

      Ayub tetep setya merga sayang Yéhuwah

      Awaké dhéwé tetep setya merga sayang Yéhuwah

      4. Nggawé Yéhuwah seneng

      Wacanen Wulang Bebasan 27:​11, terus rembugen pertanyaan-pertanyaan iki:

      • Piyé perasaané Yéhuwah nèk njenengan wicaksana lan manut Dhèwèké? Lha ngapa?

      5. Setya karo Yéhuwah

      Merga sayang lan setya karo Yéhuwah, awaké dhéwé gelem crita soal Dhèwèké meskipun kuwi ora gampang. Setèlen VIDÉONÉ, terus rembugen pertanyaan-pertanyaan iki:

      VIDÉO: Mbéla Iman Wektu Ditentang (5:​09)

      • Menurut njenengan, gampang apa ora crita soal Yéhuwah?

      • Ing vidéo kuwi, apa sing nggawé Grayson akhiré dadi ora wedi manèh?

      Bèn isa setya, awaké dhéwé kudu nduwé pandhangan sing padha karo Yéhuwah soal sing Dhèwèké senengi lan ora. Wacanen Mazmur 97:​10, terus rembugen pertanyaan-pertanyaan iki:

      • Saka sing wis njenengan pelajari, apa waé sing nggawé Yéhuwah seneng? Apa waé sing nggawé Dhèwèké ora seneng?

      • Piyé carané bèn nduwé pandhangan sing padha karo Yéhuwah?

      6. Manut karo Yéhuwah kuwi akèh berkahé

      Sing paling pénak kuwi nèk manut Yéhuwah. Wacanen Yésaya 48:​17, 18, terus rembugen pertanyaan-pertanyaan iki:

      • Menurut njenengan, apa mémang Yéhuwah ngerti sing paling apik kanggo awaké dhéwé? Ngapa kok njenengan njawab ngono?

      • Selama njenengan sinau Alkitab lan kenal karo Yéhuwah, apa waé berkahé?

      NÈK ANA SING NGOMONG: ”Mosok tingkah lakuku isa nggawé Gusti Allah seneng utawa sedhih?”

      • Ayat endi sing isa dienggo njelaské nèk tingkah lakuné awaké dhéwé isa nggawé Gusti Allah seneng utawa sedhih?

      KESIMPULAN

      Bukti sayang karo Yéhuwah kuwi nèk manut lan tetep setya meskipun ora gampang.

      Jawaben

      • Apa sing isa ditiru saka Ayub?

      • Apa buktiné nèk njenengan sayang Yéhuwah?

      • Bèn isa setya karo Yéhuwah, njenengan kudu piyé?

      Rencana

      BAHAN TAMBAHAN

      Apa buktiné nèk setya karo Yéhuwah lan organisasiné?

      ”Njenengan Setya karo Wong sing Setya” (16:44)

      Ana keterangan luwih akèh soal piyé Sétan nudhuh manungsa.

      ”Ayub Tetep Setya” (Apa Isiné Alkitab? bagian 6)

      Piyé cah cilik ya isa sayang karo Yéhuwah? Deloken vidéoné.

      Nyenengké Atiné Yéhuwah (8:​16)

      Piyé cah-cah enom isa tetep setya karo Yéhuwah meskipun diojok-ojoki kancané?

      Aja Gelem Dijak Nakal (4:​00)

  • Carané Nggawé Keputusan sing Bener
    Bahagia Saklawasé—Pelajaran Alkitab
    • Lesson 35. A husband researches cars advertised on a website as his wife and children look on.

      PELAJARAN 35

      Carané Nggawé Keputusan sing Bener

      Ana akèh keputusan sing kudu digawé. Misalé, arep manggon ing endi, kerja apa, utawa nikah apa ora. Nèk nggawé keputusan sing bener, awaké dhéwé isa bahagia lan nggawé Yéhuwah seneng.

      1. Piyé carané nggawé keputusan nganggo Alkitab?

      Nèk mèh nggawé keputusan, kudu ndonga sik njaluk tuntunané Yéhuwah lan maca Alkitab bèn ngerti pandhangané Yéhuwah. (Wacanen Wulang Bebasan 2:​3-6.) Kadhang-kadhang préntahé Yéhuwah jelas kudu piyé. Nèk ngono, sing paling apik manut waé.

      Tapi, piyé nèk ora ana préntah sing jelas ing Alkitab? Yéhuwah tetep nuntun awaké dhéwé bèn ’ngerti apa sing kudu ditindakké’. (Yésaya 48:17) Carané nuntun, liwat pathokané ing Alkitab. Saka pathokan ing Alkitab, awaké dhéwé isa ngerti pikiran lan perasaané Yéhuwah. Nèk péngin ngerti pathokané Yéhuwah, kudu maca kisah ing Alkitab. Nèk ngerti piyé perasaané Yéhuwah, awaké dhéwé isa nggawé keputusan sing bener.

      2. Apa waé sing kudu dipikirké sakdurungé nggawé keputusan?

      Menurut Alkitab, ”Wong sing pinter mikirké tenanan apa sing bakal ditindakké.” (Wulang Bebasan 14:15) Kuwi berarti sakdurungé nggawé keputusan, kudu dipikir sik, ’Pathokané ing Alkitab apa? Apa akibaté kanggo aku? Apa akibaté kanggo wong liya? Sing paling penting, apa kuwi nggawé Yéhuwah seneng?’​—Pangandharing Torèt 32:29.

      Sing paling ngerti endi sing salah lan sing bener kuwi Yéhuwah. Mulané, Yéhuwah ngekèki préntah lan pathokan ing Alkitab. Nèk gelem manut, awaké dhéwé isa nduwé hati nurani sing apik. Hati nurani kuwi perasaan sing isa mbantu awaké dhéwé mbédakké sing bener lan sing salah. (Roma 2:​14, 15) Nèk nduwé hati nurani sing apik, ya mesthi isa nggawé keputusan sing bener.

      SINAU LUWIH AKÈH

      Ayo ngrembug apa manfaaté pathokan ing Alkitab lan hati nurani pas nggawé keputusan.

      3. Tuntunan ing Alkitab

      Apa manfaaté pathokan ing Alkitab wektu nggawé keputusan? Setèlen VIDÉONÉ, terus rembugen pertanyaan-pertanyaan iki:

      VIDÉO: Manut karo Pathokané Alkitab (5:​54)

      • Bébas milih kuwi maksudé apa?

      • Ngapa kok manungsa éntuk bébas milih?

      • Yéhuwah ngekèki tuntunan apa bèn awaké dhéwé isa nggawé keputusan sing bener?

      Pathokan ing Alkitab kuwi contoné apa? Wacanen Éfésus 5:​15, 16, terus rembugen piyé bèn ’wektuné’ isa dienggo . . .

      • maca Alkitab saben dina.

      • berusaha dadi anggota keluarga sing sifat-sifaté tambah apik.

      • teka ing pertemuan ibadah.

      4. Berusaha bèn hati nurani sesuai karo pathokan ing Alkitab

      Nggawé keputusan kuwi luwih gampang nèk ana préntah sing jelas ing Alkitab. Tapi, piyé nèk ora ana? Setèlen VIDÉONÉ, terus rembugen pertanyaan iki:

      VIDÉO: Jaganen Hati Nuranimu Tetep Apik (5:​13)

      • Piyé carané sedulur kuwi berusaha bèn hati nuraniné sesuai karo pathokan ing Alkitab lan bèn isa nggawé keputusan sing bener?

      Awaké dhéwé sing kudu nggawé keputusan dhéwé, dudu wong liya. Wacanen Ibrani 5:​14, terus rembugen pertanyaan-pertanyaan iki:

      • Kétoké, mémang luwih pénak nèk digawèkké keputusan karo wong liya. Tapi menurut ayat kuwi, awaké dhéwé kuduné isa mbédakké apa?

      • Bèn hati nurani isa sesuai karo pathokan ing Alkitab, lan awaké dhéwé isa nggawé keputusan sing bener, awaké dhéwé isa nggolèk keterangan luwih akèh ing endi?

      Wong lagi numpak mobil karo ndelok GPS bèn ngerti dalané.

      Kaya péta, hati nurani isa dadi tuntunan kanggo awaké dhéwé

      5. Mikirké hati nuraniné wong liya

      Isa waé saben wong keputusané béda-béda, tapi kudu tetep mikirké hati nuraniné wong liya. Misalé pas apa?

      Situasi 1: Ana sedulur wédok sing senengané dandan, pindhah ing jemaat sing wong-wongé padha risi karo penampilané.

      Wacanen Roma 15:1 lan 1 Korintus 10:​23, 24, terus rembugen pertanyaan-pertanyaan iki:

      • Bar maca ayat-ayat mau, kira-kira sedulur kuwi bakal ngapa? Nèk hati nuraniné njenengan ora masalah, tapi hati nuraniné wong liya dadi ngrasa ora pénak, njenengan kuduné piyé?

      Situasi 2: Ana sedulur lanang sing milih ora ngombé minuman keras, meskipun ngerti nèk menurut Alkitab ngombé minuman keras kuwi ora salah. Dhèwèké diundang ing acara, terus ndelok sedulur liya ngombé minuman keras.

      Wacanen Pengkhotbah 7:​16 lan Roma 14:​1, 10, terus rembugen pertanyaan-pertanyaan iki:

      • Bar maca ayat-ayat mau, kira-kira sedulur kuwi bakal ngapa? Nèk hati nuraniné wong liya ora masalah, tapi hati nuraniné njenengan ngrasa ora pénak, njenengan kuduné piyé?

      Carané nggawé keputusan sing bener:

      Wong wédok ndonga.

      1. Ndonga njaluk tuntunané Yéhuwah.​—Yakobus 1:5.

      Wong wédok kuwi lagi nggolèk keterangan luwih akèh saka Alkitab lan bacaan saka organisasi ing komputeré.

      2. Nggolèk keterangan luwih akèh ing Alkitab lan bacaan saka organisasi bèn ngerti pathokan soal kuwi. Njenengan ya isa takon karo sedulur seiman sing kuwat imané.

      Wong wédok kuwi lagi mikir.

      3. Mikirké apa akibaté kanggo njenengan lan wong liya.

      NÈK ANA SING NGOMONG: ”Kowé bébas mèh ngapa waé, ora usah mikirké wong liya.”

      • Ngapa kok awaké dhéwé kudu mikirké perasaané Gusti Allah lan wong liya?

      KESIMPULAN

      Bèn isa nggawé keputusan sing bener, kudu mikirké pandhangané Yéhuwah soal kuwi lan mikirké akibaté kanggo wong liya.

      Jawaben

      • Piyé carané nggawé keputusan sing bener?

      • Piyé carané berusaha bèn hati nurani sesuai karo pathokan ing Alkitab?

      • Apa buktiné nèk mikirké hati nuraniné wong liya?

      Rencana

      BAHAN TAMBAHAN

      Piyé carané nggawé keputusan sing marahi Yéhuwah seneng?

      ”Nggawé Keputusan sing Bener Menurut Alkitab” (Warta Penting 15 April 2011)

      Apa waé carané Yéhuwah mènèhi tuntunan kanggo awaké dhéwé? Deloken vidéoné.

      Yéhuwah Nuntun Umaté (9:​50)

      Apa sing nggawé sedulur iki akhiré isa nggawé keputusan sing bener? Deloken vidéoné.

      Nglayani Yéhuwah Isa Nggawé Aku Bahagia (5:​46)

      Piyé bèn isa nggawé keputusan sing marahi Yéhuwah seneng meskipun ora ana préntah sing jelas ing Alkitab?

      ”Apa Kabèh Kudu Ana Préntah sing Jelas ing Alkitab?” (Warta Penting 1 Desember 2003)