15. Saka wahyu sing pertama, Yèhèzkièl isa ngerti soal apa?

¹⁵ Saka wahyu sing pertama iki, Yèhèzkièl isa sinau sesuatu sing penting soal hubungané karo Yéhuwah. Apa kuwi? Ing awal buku Yèhèzkièl, dhèwèké nulis nèk dhèwèké ana ”ing tanahé wong Khaldéa”. Terus, dhèwèké kandha, ”Ing kono, aku ngrasakké kekuwatané Yéhuwah.” (Yèh. 1:3) Yèhèzkièl kandha nèk dhèwèké nampa wahyu ing kono, yaiku ing Babilon, dudu Yérusalèm.c Dadi, Yèhèzkièl ngerti soal apa? Senajan Yèhèzkièl kuwi mung tawanan sing manggon adoh saka Yérusalèm lan baité Gusti Allah, Yéhuwah ora ninggalké dhèwèké. Ora soal kedudukané apa lan manggon ing endi, Yèhèzkièl tetep isa ngibadah marang Yéhuwah. Sing penting dhèwèké tulus lan péngin nyembah Yéhuwah.