• Umat sing Martakké—Para Penginjil sing Lila Digunakké
    Kratoné Allah Wis Mréntah
    • Wong lanang sing nemokké raja brana kependhem nèng njero lemah

      Kaya wong lanang sing seneng banget merga nemokké raja brana kependhem, wong Kristen uga seneng merga ngerti wulangan sing bener bab Kraton (Deloken paragraf 20)

      20. Apa piwulang kanggo muridé Yésus saiki saka umpama bab raja brana kependhem?

      20 Yésus ngerti nèk para muridé bakal ngetrapké naséhat kanggo ngutamakké Kratoné Allah. Gatèkna umpama bab raja brana sing kependhem. (Wacanen Matéus 13:44.) Ing umpama kuwi, wong sing nyambut gawé ing pategalan nemokké raja brana sing kependhem lan langsung ngerti nèk kuwi aji banget. Piyé tanggepané? ”Marga saka bungahé, dhèwèké banjur lunga ngedoli barang darbèké kabèh, pategalan mau tumuli dituku.” Apa piwulangé? Wektu ngerti wulangan sing bener bab Kratoné Allah lan ngerti nèk kuwi aji banget, awaké dhéwé dadi bungah lan lila ngurbanké apa waé kanggo ngutamakké kepentingané Yéhuwah ing urip saben dina.d

  • Umat sing Martakké—Para Penginjil sing Lila Digunakké
    Kratoné Allah Wis Mréntah

    • d Wulangan sing padha, diterangké Yésus nganggo umpama bab wong dagang sing njlajah nèng ngendi-endi kanggo nggolèk mutyara sing larang regané. Sakwisé nemokké, dhèwèké ngedol kabèh sing diduwèni kanggo tuku mutyara kuwi. (Mt. 13:45, 46) Rong umpama iki mulang nèk awaké dhéwé isa ngerti wulangan sing bener bab Kraton nganggo akèh cara. Ana sing langsung nemokké, ning liyané kudu nggolèk dhisik. Embuh piyé carané, sakwisé ngerti bab sing bener, awaké dhéwé gelem nggawé pangurbanan bèn isa ngutamakké Kraton kuwi.