4. Ora nglakoni kebiasaan sing salah manèh

Meskipun wis biasa ngrokok utawa nganggo narkoba, njenengan mesthi isa ora kaya ngono manèh. Carané yaiku, kudu mikirké akibaté. Wacanen Matius 22:​37-​39, terus rembugen nèk ngrokok lan nganggo narkoba . . .

• hubungané awaké dhéwé karo Yéhuwah dadi piyé?

• keluarga lan kancané awaké dhéwé dadi piyé?

Piyé bèn ora nglakoni kebiasaan sing salah manèh?b Setèlen VIDÉONÉ.

VIDÉO: Kudu Ngendhalèni Dhiri (2:​47)

Wacanen Filipi 4:​13, terus rembugen pertanyaan iki:

• Ngapa kok nèk rajin ndonga, maca Alkitab, lan teka ngibadah kuwi isa nggawé awaké dhéwé ora nglakoni kebiasaan sing salah manèh?

5. Berjuang bèn pikiran lan tingkah laku tetep bener

Wacanen Kolose 3:​5, terus rembugen pertanyaan-pertanyaan iki:

• Apa buktiné Yéhuwah ora seneng nèk awaké dhéwé masturbasi, sexting,c utawa ndelok sing saru-saru?

• Menurut njenengan, isa apa ora pikiran lan tingkah lakuné awaké dhéwé kaya sing dikarepké Yéhuwah? Lha ngapa njenengan njawab ngono?

Piyé bèn ora mikir sing saru-saru? Setèlen VIDÉONÉ.

VIDÉO: Ora Gelem Mikirké sing Salah (1:​51)

Menurut Yésus, awaké dhéwé kudu berjuang bèn tingkah lakuné tetep bener. Wacanen Matius 5:​29, 30, terus rembugen pertanyaan iki:

• Maksudé Yésus kuwi dudu ngongkon nglarani badan, tapi gelem nglakoni apa waé bèn pikiran lan tingkah lakuné awaké dhéwé tetep bener. Contoné, gelem nglakoni apa waé?d

Yéhuwah ngerti lan menghargai upayané awaké dhéwé bèn ora mikir sing saru-saru. Wacanen Mazmur 103:​13, 14, terus rembugen pertanyaan iki:

• Nèk lagi berjuang bèn ora nglakoni kebiasaan sing salah manèh, piyé perasaané njenengan bar maca ayat kuwi?

Aja putus asa

Piyé nèk kambuh wektu lagi berjuang bèn ora nglakoni kebiasaan sing salah? Apa kudu putus asa? Nèk pelari kesandhung terus tiba, kuwi ora berarti dhèwèké kalah utawa kudu mbalèni manèh saka ngarep. Nèk kambuh, kuwi ora berarti awaké dhéwé gagal utawa upayané selama iki ora ana gunané. Kambuh kuwi biasa, dadi aja putus asa. Yéhuwah mesthi isa mbantu bèn njenengan ora nglakoni kebiasaan sing salah manèh.

6. Carané bèn ora kecanduan manèh

VIDÉO: ’Aku Gething karo Uripku’ (6:​32)

• Pas mabuk, Dmitry dadi piyé?

• Apa kecanduané langsung isa mari?

• Piyé critané kok dhèwèké akhiré bener-bener dadi ora kecanduan manèh?

Wacanen 1 Korintus 6:​10, 11, terus rembugen pertanyaan-pertanyaan iki:

• Apa pandhangané Gusti Allah soal mabuk-mabukan?

• Apa buktiné nèk sing mauné kecanduan isa dadi ora kecanduan manèh?

Wacanen Matius 5:​30, terus rembugen pertanyaan iki:

• Nugel tangan kuwi maksudé gelem berkorban bèn isa nggawé Yéhuwah seneng. Nèk saiki lagi berusaha bèn ora kecanduan manèh, njenengan kuduné piyé?a

Wacanen 1 Korintus 15:​33, terus rembugen pertanyaan iki:

• Apa akibaté nèk bergaul karo wong sing senengané mabuk?