Yusuf lan Maria nggawa Yésus ing kutha iki wektu Yésus kira-kira umuré rong taun. Wektu kuwi, kayané Yusuf lan Maria durung nduwé anak liya. Nanging, sakwisé kuwi, adhi-adhiné tiri Yésus padha lair, yaiku Yakobus, Yusuf, Simon, lan Yudas. Yusuf lan Maria uga nduwé anak-anak wadon. Dadi, paling ora Yésus nduwé enem adhi tiri.

Yusuf kudu nyambut gawé mempeng dadi tukang kayu kanggo nyukupi kebutuhan keluargané sing saya akèh. Yusuf nggedhèkké Yésus kaya anaké dhéwé, mula Yésus disebut ”anaké tukang kayu”. (Matius 13:55) Yusuf uga nglatih Yésus dadi tukang kayu lan Yésus cepet isa wektu dilatih. Akiré Yésus uga disebut ”tukang kayu”.​—Markus 6:3.