Apa Maksudé Ora Mihak?

Yésus ngongkon murid-muridé bèn ”ora padha kaya wong-wong ing donya iki”. (Yohanes 15:19) Kuwi termasuk ora mihak, maksudé ora éntuk mèlu urusan politik lan ya ora mèlu perang. Kuwi ora gampang soalé isa waé awaké dhéwé diécé. Piyé bèn ora mihak lan bèn isa terus setya karo Yéhuwah?

1. Nèk karo pemerintah, muridé Yésus kudu piyé?

Muridé Yésus kudu ngajèni pemerintah. Awaké dhéwé kudu ’mènèhké marang Kaisar apa sing dadi duwèké Kaisar’. Kuwi maksudé kudu manut hukumé pemerintah, misalé soal mbayar pajeg. (Markus 12:17) Menurut Alkitab, pemerintah kuwi sing ngijinké Yéhuwah. (Roma 13:1) Dadi, wewenangé Gusti Allah luwih gedhé timbang pemerintahané manungsa. Mung Kerajaané Gusti Allah sing isa ngatasi kabèh masalah ing donya.

2. Apa waé buktiné nèk ora mèlu-mèlu politik?

Bar ndelok mukjijaté Yésus, wong-wong péngin bèn Yésus dadi raja. Tapi, Yésus ora gelem. (Yohanes 6:​15) Soalé, Yésus ngomong, ”Kerajaanku ora padha kaya pamréntahan-pamréntahan sing ana ing donya.” (Yohanes 18:36) Kaya Yésus, awaké dhéwé ya ora mèlu-mèlu politik. Misalé, ora mèlu perang. (Wacanen Mikha 4:3.) Mémang, awaké dhéwé ora ngrèmèhké lambang negara, misalé bendéra. Tapi ya ora hormat bendéra soalé kuwi padha karo nyembah. (1 Yohanes 5:​21) Awaké dhéwé ora ndhukung pejabat utawa partai politik, ning ya ora nglawan. Kuwi kabèh bukti nèk awaké dhéwé mung ndhukung Kerajaané Gusti Allah.

SINAU LUWIH AKÈH

3. Wong Kristen ora mihak

Yésus lan murid-muridé ngekèki conto soal ora mèlu-mèlu urusan politik. Wacanen Roma 13:​1, 5-7 lan 1 Pétrus 2:​13, 14. Terus, setèlen VIDÉONÉ lan rembugen pertanyaan-pertanyaan iki:

VIDÉO: Wong Kristen Ora Mèlu-Mèlu Politik ​—Bagian 1 (4:​28)

• Ngapa kok kudu ngajèni pemerintah?

• Apa waé buktiné nèk manut karo pemerintah?

Pas perang, ana negara sing ngomongé ora mihak, tapi malah mbantu negara-negara sing perang kuwi. Dadi, ora mihak kuwi kuduné piyé? Wacanen Yohanes 17:16. Terus, setèlen VIDÉONÉ lan rembugen pertanyaan iki:

VIDÉO: Wong Kristen Ora Mèlu-Mèlu Politik ​—Bagian 2 (3:​11)

• Apa maksudé ora mihak?

Piyé nèk pemerintah ngongkon nglanggar hukumé Gusti Allah? Wacanen Kisah 5:​28, 29. Terus, setèlen VIDÉONÉ lan rembugen pertanyaan-pertanyaan iki:

VIDÉO: Wong Kristen Ora Mèlu-Mèlu Politik ​—Bagian 3 (1:​18)

• Nèk hukumé pemerintah ora sesuai karo hukumé Gusti Allah, kudu luwih manut karo sapa?

• Menurut njenengan, ora manut karo pemerintah kuwi nèk misalé dikon ngapa?

4. Bukti nèk ora mihak

Wacanen 1 Yohanes 5:​21. Terus, setèlen VIDÉONÉ lan rembugen pertanyaan-pertanyaan iki:

VIDÉO: Kenapa Wong Kristen Sejati Kudu Kendel​—Supaya Tetep Nétral (2:​49)

• Ngapa kok Ayenge ora gelem mèlu partai politik, lan ora gelem hormat bendéra?

• Menurut njenengan, apa keputusané bener?

Ora mihak kuwi termasuk apa manèh? Setèlen VIDÉONÉ, terus rembugen pertanyaan-pertanyaan iki:

VIDÉO: Penerapan saka Warta Penting​—Tetep Nétral (5:​16)

• Piyé bèn ora mihak pas lagi nonton pertandingan olahraga internasional?

• Ora soal pemerintah nggawé keputusan sing nguntungké utawa nyusahké awaké dhéwé, piyé bèn tetep ora mihak?

• Ngapa kok awaké dhéwé isa dadi mèlu-mèlu mihak nèk maca berita utawa ngrungokké pendapaté wong liya?

KESIMPULAN

Awaké dhéwé berusaha bèn ora mèlu-mèlu urusan politik. Kuwi kétok saka pikiran, omongan, lan sikapé awaké dhéwé.

Jawaben

• Nèk karo pemerintah, awaké dhéwé kuduné piyé?

• Ngapa kok ora mèlu-mèlu urusan politik?

• Keadaan apa waé sing isa marahi dadi mèlu-mèlu mihak?

BAHAN TAMBAHAN

Awaké dhéwé mungkin kudu nggawé pengorbanan apa bèn tetep ora mèlu-mèlu politik?

Yéhuwah Tetep Ngopèni Keluargaku (3:​14)

Piyé bèn sak keluarga isa tetep ora mihak?

Tetep Nétral ing Kabèh Acara (4:​25)

Ana pengalamané wong sing mauné bangga banget merga isa mbéla negara, tapi akhiré ngerti nèk luwih bangga nglayani Gusti Allah. Deloken vidéoné.

”Kanggoné Gusti Allah Ora Ana sing Mustahil” (5:​19)

Ana keterangan piyé bèn wektu milih gawéan awaké dhéwé ora mung mèlu-mèlu wong liya.

”Saben Wong Bakal Mikul Tanggung Jawabé Dhéwé-Dhéwé” (Warta Penting 15 Maret 2006)

Embuh saiki apa sukmbèn, mesthi ana sing ora seneng nèk awaké dhéwé nglayani Yéhuwah. Malah, awaké dhéwé isa dianiaya. Apa perlu wedi?

1. Ngapa kok ora perlu kagèt nèk dianiaya?

Menurut Alkitab, ”Kabèh wong sing dadi muridé Kristus Yésus lan ngabdi marang Gusti Allah ya bakal dianiaya.” (2 Timotius 3:​12) Yésus ora padha kaya wong-wong ing donya, mulané dianiaya. Awaké dhéwé ya kaya ngono, mulané ya bakal dianiaya karo pemerintah lan wong-wong sing agamané palsu.​—Yohanes 15:​18, 19.

2. Apa waé carané bèn tetep setya pas dianiaya?

Bèn isa tetep setya wektu dianiaya, meskipun sing nganiaya kuwi keluarga, mulai saiki kudu nduwé iman sing kuwat karo Yéhuwah. Carané, ndonga lan maca Alkitab saben dina. Terus ya rajin teka ing pertemuan ibadah. Rasul Paulus ya kerep dianiaya. Tapi dhèwèké ngomong, ”Yéhuwah kuwi sing nulungi aku, aku ora bakal wedi.”​—Ibrani 13:6.

Nèk kerep nginjil ya dadi tambah kendel, luwih percaya karo Yéhuwah, lan ora wedi karo manungsa. (Wulang Bebasan 29:25) Nèk saiki kendel nginjil, sukmbèn nèk pemerintah nglarang gawéan nginjil, awaké dhéwé ora bakal wedi.​—1 Tésalonika 2:2.

3. Apa manfaaté nèk tetep setya wektu dianiaya?

Mémang, dianiaya kuwi ora pénak lan kuwi isa nggawé awaké dhéwé ngrasa ora kuwat manèh. Tapi nèk tetep setya, imané isa dadi luwih kuwat lan dadi luwih cedhak karo Yéhuwah, soalé isa ngrasakké dhéwé nèk Yéhuwah nguwatké. (Wacanen Yakobus 1:​2-4.) Yéhuwah sedhih nèk awaké dhéwé dianiaya. Tapi nèk awaké dhéwé tetep setya, Dhèwèké seneng. Ing Alkitab disebutké, ”Gusti Allah seneng karo kowé nèk kowé sabar wektu ngalami kesusahan merga nindakké apa sing apik.” (1 Pétrus 2:​20) Nèk tetep setya, mengko berkahé isa urip saklawasé ing donya anyar. Ing kono, kabèh nglayani Yéhuwah lan ora ana sing dianiaya.​—Matius 24:13.

SINAU LUWIH AKÈH

4. Tetep setya meskipun keluarga ora seneng

Yésus ngerti nèk awaké dhéwé nglayani Yéhuwah, isa waé ana anggota keluarga sing ora seneng. Wacanen Matius 10:​34-​36, terus rembugen pertanyaan iki:

• Nèk ana sing akhiré milih nglayani Yéhuwah, isa waé keluargané dadi piyé?

VIDÉO: Yéhuwah sing Ngopèni (5:​13)

• Piyé nèk kanca utawa keluarga nglarang njenengan nglayani Yéhuwah?

Wacanen Mazmur 27:10 lan Markus 10:​29, 30, terus rembugen pertanyaan iki:

• Piyé carané ngetrapké ayat kuwi nèk keluarga utawa kanca nglarang njenengan nglayani Yéhuwah?

5. Terus ngibadah meskipun dianiaya

VIDÉO: Kendel Meskipun Dianiaya (6:​27)

• Bar ndelok vidéo kuwi, apa njenengan dadi ngrasa dikuwatké? Coba critakna.

Wacanen Kisah 5:​27-​29 lan Ibrani 10:​24, 25, terus rembugen pertanyaan iki:

• Ngapa kok kudu terus nginjil lan ngibadah meskipun dilarang pemerintah?

6. Yéhuwah isa nguwatké njenengan bèn isa terus setya

VIDÉO: Yéhuwah Isa Nguwatké Aku (3:​40)

• Apa sing nggawé para sedulur kuwi tetep setya?

Wacanen Roma 8:​35, 37-​39 lan Filipi 4:​13, terus rembugen pertanyaan iki:

• Menurut ayat kuwi, ngapa kok njenengan mesthi isa tetep setya meskipun dianiaya?

Wacanen Matius 5:​10-​12, terus rembugen pertanyaan iki:

• Ngapa kok isa tetep bahagia meskipun dianiaya?

KESIMPULAN

Yéhuwah menghargai upayané awaké dhéwé nglayani Yéhuwah meskipun dianiaya. Awaké dhéwé isa tetep setya nèk dibantu Yéhuwah.

Jawaben

• Ngapa kok ora perlu kagèt nèk dianiaya?

• Apa waé carané bèn tetep setya pas dianiaya?

• Ngapa kok njenengan yakin nèk mesthi isa terus nglayani Yéhuwah meskipun dianiaya?

BAHAN TAMBAHAN

Ana cah lanang sing crita pengalamané pas dipenjara tapi tetep setya merga dibantu Yéhuwah. Deloken vidéoné.

Tetep Setya Meskipun Dianiaya (2:​34)

Ngapa kok sedulur lanang karo bojoné iki tetep setya nglayani Yéhuwah nganti suwé, meskipun wektu kuwi Seksi Yéhuwah dilarang pemerintah?

Tetep Nglayani Yéhuwah Meskipun Dilarang (7:​12)

Piyé bèn isa kendel pas mengko dianiaya?

”Siap-Siap Ngadhepi Penganiayaan” (Warta Penting Juli 2019)

Nèk keluarga ora seneng awaké dhéwé nglayani Yéhuwah, awaké dhéwé kudu piyé?

”Wulangan saka Alkitab Ora ’Nggawa Pirukun Nanging Pedhang’” (Warta Penting Oktober 2017)