3. Apa tugas utamané wong Kristen?

Yésus ngekèki tugas murid-muridé bèn ”ngumumké soal Kerajaané Gusti Allah”. (Lukas 9:2) Murid-muridé Yésus jaman mbiyèn ngumumké ora mung ing panggonan kanggo ngibadah tapi ya ing panggonan-panggonan umum lan ing omah-omah. (Wacanen Kisah 5:​42; 17:17.) Murid-muridé Yésus jaman saiki ya seneng nyritakké isiné Alkitab karo wong liya. Wong-wong kuwi seneng nyritakké kabar apik ing Alkitab merga sayang karo wong liya.​—Markus 12:31.

Ora suwé manèh, Kerajaané Gusti Allah bakal ngatasi kabèh masalahé manungsa. Kabèh mesthi seneng krungu kabar iki. Mulané, Yésus ngongkon murid-muridé martakké kabar apik iki. (Matius 28:​19, 20) Apa buktiné nèk Seksi-Seksi Yéhuwah manut karo Yésus?

1. Apa buktiné nèk ramalan ing Matius 24:14 saiki kelakon?

Yésus ngramalké, ”Kabar apik soal Kerajaan bakal diumumké ing kabèh wilayah ing bumi.” (Matius 24:14) Seksi-Seksi Yéhuwah seneng martakké kabar apik nganggo luwih saka 1.000 basa. Mulané, gawéan iki kudu diatur lan diarahké. Gawéan iki mung isa kelakon nèk didhukung Yéhuwah.

2. Piyé carané Seksi-Seksi Yéhuwah martakké kabar apik?

Kaya muridé Yésus jaman mbiyèn, Seksi-Seksi Yéhuwah martakké kabar apik ”saka omah menyang omah”. (Kisah 5:​42) Hasilé, ana akèh wong sing isa ditemoni. Seksi-Seksi Yéhuwah ya nginjil ing panggonan umum. Seksi-Seksi Yéhuwah berusaha bèn isa ngandhani kabèh wong soal Yéhuwah lan sing Dhèwèké karepké.

3. Sapa sing dikèki tugas martakké kabar apik?

Kabèh muridé Yésus kudu martakké kabar apik. Seksi-Seksi Yéhuwah berusaha terus nginjil bèn kabèh wong isa dislametké. (Wacanen 1 Timotius 4:​16.) Ing Alkitab ana keterangan, ”Kowé nampa tanpa mbayar, mula wènèhna tanpa njaluk bayaran.” Mulané, Seksi-Seksi Yéhuwah nginjil ora dibayar. (Matius 10:​7, 8) Seksi-Seksi Yéhuwah manut karo Yéhuwah lan péngin nggawé Dhèwèké seneng, mulané terus nginjil meskipun ora kabèh wong gelem ngrungokké.

SINAU LUWIH AKÈH

4. Martakké kabar apik karo kabèh wong

VIDÉO: Nginjil ing Dhaérah Terpencil (7:​38)

• Sakwisé ngerti upayané Seksi-Seksi Yéhuwah martakké kabar apik, piyé kesané njenengan?

Wacanen Matius 22:39 lan Roma 10:​13-​15, terus rembugen pertanyaan-pertanyaan iki:

• Ngapa kok nginjil kuwi bukti Seksi-Seksi Yéhuwah sayang karo wong liya?

• Piyé perasaané Yéhuwah ndelok wong-wong sing martakké kabar apik?​—Deloken ayat 15.

5. Dibantu Yéhuwah martakké kabar apik

Akèh pengalaman mbuktèkké nèk Yéhuwah ngarahké umaté wektu martakké kabar apik. Contoné, pengalamané sedulur sing jenengé Paul ing Selandia Baru. Pas nginjil saka omah ing omah, Paul ketemu karo wong wédok. Wong wédok kuwi bar ndonga nyebut jeneng Yéhuwah lan njaluk bèn ana wong sing teka ing omahé. Paul ngomong, ”Telung jam bar kuwi, aku teka ing omahé.”

Wacanen 1 Korintus 3:​9, terus rembugen pertanyaan iki:

• Bar maca pengalaman mau, apa buktiné nèk Yéhuwah ngarahké umaté wektu martakké kabar apik?

Wacanen Kisah 1:​8, terus rembugen pertanyaan iki:

• Ngapa kok perlu bantuané Yéhuwah wektu martakké kabar apik?

Keterangan

Saben minggu, ing pertemuan ibadah tengah pekan, ana acara latihan nginjil. Nèk njenengan wis tau teka, apa waé manfaaté acara kuwi kanggo njenengan?

6. Terus nginjil merga manut Gusti Allah

Mbiyèn, murid-muridé Yésus dimungsuhi merga nginjil. Malah, para rasul nganti maju ing pengadilan bèn isa ”mbéla kabar apik”. (Filipi 1:7) Seksi-Seksi Yéhuwah saiki ya ngono.a

VIDÉO: Maju ing Pengadilan kanggo Mbéla Kabar Apik (2:​28)

Wacanen Kisah 5:​27-​42, terus rembugen pertanyaan iki:

• Ngapa kok Seksi-Seksi Yéhuwah terus nginjil?​—Deloken ayat 29, 38, lan 39.

KESIMPULAN

Yésus ngongkon murid-muridé martakké kabar apik karo kabèh wong. Yéhuwah ndhukung umaté wektu martakké kabar apik.

Jawaben

• Sapa sing martakké kabar apik lan piyé carané?

• Ngapa kok nginjil kuwi bukti Seksi-Seksi Yéhuwah sayang karo wong liya?

• Menurut njenengan, apa nginjil isa marahi bahagia? Ngapa kok njenengan njawab ngono?

BAHAN TAMBAHAN

Deloken piyé Seksi-Seksi Yéhuwah nginjil ing kutha.

Nginjil ing Kutha Paris (5:​11)

Piyé carané Seksi-Seksi Yéhuwah nginjil karo para pengungsi?

Mènèhi Kebutuhan Rohani Para Pengungsi (5:​59)

Deloken pengalamané sedulur wédok sing bahagia merga dadi utusan injil.

Bahagia Isa Dadi Utusan Injil (6:​29)

Wacanen pengalamané para sedulur sing maju ing pengadilan bèn isa terus nginjil.

”Penginjil Kratoné Allah Maju ing Pengadilan” (Kratoné Allah Wis Mréntah, bab 13)