7. Aturané Gusti Allah kuwi sing paling apik

Pemerintah nggawé aturan sing ana manfaaté kanggo rakyaté. Kerajaané Gusti Allah ya nggawé aturan sing kudu ditaati rakyaté. Wacanen 1 Korintus 6:​9-​11, terus rembugen pertanyaan-pertanyaan iki:

• Nèk kabèh manut aturané Gusti Allah,a donya iki dadi piyé?

• Menurut njenengan, apa Yéhuwah nduwé hak kanggo ngatur rakyat Kerajaané Gusti Allah? Lha ngapa?

• Apa buktiné nèk wong sing kelakuané ora sesuai karo aturané Gusti Allah akhiré isa manut karo Gusti Allah?​—Deloken ayat 11.

Akèh sing risi nèk ngomongké soal sèks. Tapi ing Alkitab, carané Yéhuwah njelaské soal sèks kuwi bermartabat, lan keterangan kuwi mesthi ana manfaaté. Yéhuwah kuwi sing nyiptakké manungsa. Mulané, Dhèwèké ngerti sing paling apik kanggo awaké dhéwé. Yéhuwah ya ngandhani piyé bèn isa nggawé Dhèwèké seneng lan apa sing isa nggawé awaké dhéwé bahagia saklawasé.

1. Piyé pandhangané Yéhuwah soal sèks?

Hubungan sèks kuwi anugrah saka Yéhuwah sing isa nggawé wong sing wis nikah bahagia. Tujuané ora mung bèn nduwé anak, tapi ya bèn bener-bener ngrasa disayang. Mulané Gusti Allah ngomong, ”Muga-muga kowé seneng-seneng karo bojomu sing nikah karo kowé wektu kowé isih enom.” (Wulang Bebasan 5:​18, 19) Yéhuwah péngin wong sing wis nikah tetep setya karo bojoné lan ora laku jina.​—Wacanen Ibrani 13:4.

2. Apa maksudé hubungan sèks sing ora pantes?

Menurut Alkitab, ”Wong sing nindakké hubungan sèks sing ora pantes . . . ora bakal nampa warisan Kerajaané Gusti Allah.” (1 Korintus 6:​9, 10) Istilah ”hubungan sèks sing ora pantes” iki saka kata Yunani por·neiʹa. Kuwi termasuk (1) hubungan sèksa sing dilakoni wong-wong sing ora nikah sah, (2) hubungan sèks karo wong sing padha lanangé utawa padha wédoké (homosèks), lan (3) hubungan sèks karo kéwan. Nèk ”ora nindakké hubungan sèks sing ora pantes”, awaké dhéwé isa bahagia lan nggawé Yéhuwah seneng.​—1 Tésalonika 4:3.

SINAU LUWIH AKÈH

3. Cepet-cepet nolak hubungan sèks sing ora pantes

Yusuf ora gelem wektu dijak hubungan sèks. Wacanen Purwaning Dumadi 39:​1-​12, terus rembugen pertanyaan-pertanyaan iki:

• Ngapa kok Yusuf ora gelem dijak hubungan sèks?​—Deloken ayat 9.

• Menurut njenengan, keputusané Yusuf kuwi bener apa ora? Lha ngapa?

VIDÉO: Nyingkira saka Amoralitas Sèksual (5:​06)

Yéhuwah péngin bèn tingkah lakuné awaké dhéwé tetep bener. Wacanen 1 Korintus 6:​18, terus rembugen pertanyaan-pertanyaan iki:

• Biasané, keadaan apa waé sing marahi wong dadi kegodha kanggo hubungan sèks sing ora pantes?

• Piyé carané cepet-cepet nolak kuwi?

4. Njenengan isa nolak godhaan

VIDÉO: Wani Nolak Godhaan Merga Maca Alkitab (3:​02)

• Bar ngerti nèk sing dipikirké kuwi isa marahi dhèwèké dadi ora setya karo bojoné, sedulur lanang kuwi terus piyé?

Wong Kristen sing setya ya isih kudu berjuang bèn ora mikirké sing saru-saru. Piyé carané? Wacanen Filipi 4:​8, terus rembugen pertanyaan-pertanyaan iki:

• Apa waé sing kuduné awaké dhéwé pikirké?

• Ngapa kok maca Alkitab lan sibuk nglayani Yéhuwah isa nggawé awaké dhéwé nolak godhaan?

5. Manfaaté ngetrapké pathokané Yéhuwah

VIDÉO: Kudu Ngati-ati (9:​31)

• Apa buktiné nèk cah lanang kuwi ora nolak godhaan?​—Deloken Wulang Bebasan 7:​8, 9.

• Menurut Wulang Bebasan 7:​23, 26, hubungan sèks sing ora pantes isa marahi cilaka. Nèk tingkah lakuné bener, awaké dhéwé ora bakal ngalami apa?

• Nèk tingkah lakuné bener, awaké dhéwé isa bahagia. Kok isa?

Ana sing nganggep nèk larangan ing Alkitab soal homosèks kuwi kejem. Tapi, Yéhuwah péngin bèn awaké dhéwé bahagia merga Dhèwèké sayang karo awaké dhéwé. Bèn isa bahagia, kudu ngetrapké pathokané. Wacanen 1 Korintus 6:​9-​11, terus rembugen pertanyaan iki:

• Menurut Alkitab, apa sing ora disenengi Gusti Allah kuwi mung homosèks thok?

Bèn isa nggawé Gusti Allah seneng, kudu terus berusaha manut pathokané. Apa kuwi ana manfaaté? Wacanen Mazmur 19:​8, 11, terus rembugen pertanyaan-pertanyaan iki:

• Menurut njenengan, pathokané Yéhuwah soal tingkah laku kuwi isa ditrapké apa ora? Lha ngapa?

KESIMPULAN

Hubungan sèks kuwi anugrah saka Yéhuwah kanggo wong lanang karo bojoné.

Jawaben

• Apa maksudé hubungan sèks sing ora pantes?

• Piyé carané bèn isa nolak hubungan sèks sing ora pantes?

• Apa manfaaté nèk manut pathokané Yéhuwah soal tingkah laku?

BAHAN TAMBAHAN

Ngapa kok Gusti Allah péngin wong lanang lan wong wédok nikah dhisik sakdurungé manggon bareng?

”Apa Pandhangané Alkitab soal Kumpul Kebo?” (Artikel ing jw.org)

Meskipun ing Alkitab ana larangan soal homosèks, tapi kuwi ora berarti sengit karo wongé. Lha ngapa?

”Apa Homosèks Kuwi Salah?” (Artikel ing jw.org)

Apa manfaaté pathokané Gusti Allah soal sèks?

”Apa Sèks Oral Kuwi Salah?” (Artikel ing jw.org)

Ana wong sing mauné homosèks, tapi akhiré bahagia merga nglayani Gusti Allah. Wacanen pengalamané ing crita sing judhulé ”Wong-Wong Kuwi Nganggep Aku Berharga”.

”Kuwasané Alkitab” (Warta Penting 1 April 2011)

Akèh wong nduwé pendapat sing béda-béda soal ngombé minuman keras. Ana sing seneng ngombé pas kumpul-kumpul. Ana sing babar blas ora gelem ngombé. Ana manèh sing seneng ngombé nganti mabuk. Nèk menurut Alkitab piyé?

1. Éntuk apa ora ngombé minuman keras?

Yéhuwah ora nglarang wong ngombé minuman keras. Malah, ”anggur sing marakké atiné manungsa dadi seneng” kuwi termasuk anugrah saka Gusti Allah. (Mazmur 104:​14, 15) Ing Alkitab ya disebutké nèk ana abdiné Gusti Allah sing ngombé minuman keras.​—1 Timotius 5:​23.

2. Nèk arep ngombé minuman keras, menurut Alkitab kuduné piyé?

Sing dilarang kuwi nèk ngombéné kakèhan utawa nganti mabuk. (Galatia 5:​21) Menurut Alkitab, ”Aja kakèhan ngombé anggur.” (Wulang Bebasan 23:20) Dadi nèk arep ngombé, aja nganti kakèhan soalé awaké dhéwé dadi ora isa mikir, ora sadhar karo sing diomongké lan dilakoni, utawa malah badané dadi ora séhat. Nèk ora isa ngatur sepira akèhé sing isa diombé, mendhing babar blas ora usah ngombé.

3. Apa buktiné nèk awaké dhéwé menghargai keputusané wong liya?

Arep ngombé minuman keras apa ora kuwi keputusané dhéwé-dhéwé. Nèk ana sing péngin ngombé sak cukupé, ya wis bèn waé. Nèk ana sing ora gelem, ya aja dipeksa. (Roma 14:10) Malah, nèk kuwi isa marahi hati nuraniné wong liya dadi ora pénak, mendhing awaké dhéwé ora usah ngombé waé. (Wacanen Roma 14:21.) Awaké dhéwé ”kudu mikirké kepentingané wong liya, dudu kepentingané dhéwé”.​—Wacanen 1 Korintus 10:​23, 24.

SINAU LUWIH AKÈH

4. Milih arep ngombé apa ora

Soal ngombé minuman keras, menurut Yésus piyé? Ayo ngrembug mukjijaté Yésus sing pertama. Wacanen Yohanes 2:​1-​11, terus rembugen pertanyaan-pertanyaan iki:

• Nèk ana sing ngombé, Yésus piyé?

• Yésus waé ora nglarang ngombé minuman keras. Dadi nèk ana sing ngombé, awaké dhéwé kuduné piyé?

Meskipun ora dilarang ngombé minuman keras, kadhang-kadhang luwih apik ora ngombé. Wacanen Wulang Bebasan 22:​3, terus pikirna apa njenengan bakal ngombé nèk . . .

• arep nyopir utawa nganggo mesin.

• lagi meteng.

• dokter nglarang njenengan ngombé minuman keras.

• ora isa ngatur sepira akèhé sing isa diombé.

• kuwi dilarang pemerintah.

• lagi karo wong sing mbiyèné kecanduan, tapi saiki lagi berusaha bèn ora kecanduan manèh.

Nèk pas acara mantènan utawa kumpul-kumpul péngin nyuguhi minuman keras piyé? Setèlén VIDÉONÉ.

VIDÉO: Apa Éntuk Nyuguhi Minuman Keras? (2:​41)

Wacanen Roma 13:13 lan 1 Korintus 10:​31, 32. Bar maca ayat-ayaté, rembugen pertanyaan iki:

• Nèk ngetrapké pathokan kuwi, njenengan isa nggawé keputusan sing marahi Yéhuwah seneng. Kok isa?

5. Nentokké sepira akèhé sing arep diombé

Nèk arep ngombé minuman keras kuwi Yéhuwah ora nglarang. Sing dilarang nèk ngombéné kakèhan. Lha ngapa? Wacanen Hoséa 4:​11, 18, terus rembugen pertanyaan iki:

• Apa akibaté nèk ngombéné kakèhan?

Bèn ora ngombé nganti kakèhan, kudu ngerti sepira kuwaté ngombé. Wacanen Wulang Bebasan 11:​2, terus rembugen pertanyaan iki:

• Ngapa kok kudu nentokké sepira akèhé sing arep diombé?

6. Carané bèn ora kecanduan manèh

VIDÉO: ’Aku Gething karo Uripku’ (6:​32)

• Pas mabuk, Dmitry dadi piyé?

• Apa kecanduané langsung isa mari?

• Piyé critané kok dhèwèké akhiré bener-bener dadi ora kecanduan manèh?

Wacanen 1 Korintus 6:​10, 11, terus rembugen pertanyaan-pertanyaan iki:

• Apa pandhangané Gusti Allah soal mabuk-mabukan?

• Apa buktiné nèk sing mauné kecanduan isa dadi ora kecanduan manèh?

Wacanen Matius 5:​30, terus rembugen pertanyaan iki:

• Nugel tangan kuwi maksudé gelem berkorban bèn isa nggawé Yéhuwah seneng. Nèk saiki lagi berusaha bèn ora kecanduan manèh, njenengan kuduné piyé?a

Wacanen 1 Korintus 15:​33, terus rembugen pertanyaan iki:

• Apa akibaté nèk bergaul karo wong sing senengané mabuk?

KESIMPULAN

Yéhuwah ora nglarang awaké dhéwé ngombé minuman keras, soalé Dhèwèké péngin awaké dhéwé seneng. Sing ora éntuk kuwi nèk ngombéné kakèhan utawa nganti mabuk.

Jawaben

• Menurut Alkitab, ngombé minuman keras kuwi éntuk apa ora?

• Apa akibaté nèk kakèhan ngombé minuman keras?

• Apa buktiné nèk awaké dhéwé menghargai keputusané wong liya?

BAHAN TAMBAHAN

Ana naséhat apa soal minuman keras kanggo cah-cah enom?

Bahayané Ngombé Alkohol (2:​31)

Apa waé sing isa dilakoni bèn ora kecanduan minuman keras manèh?

”Pandhangan sing Bener soal Minuman Keras” (Warta Penting 1 Januari 2010)

Apa wong Kristen éntuk bersulang?

”Pitakonané sing Maca” (Warta Penting 15 Februari 2007)

Ana wong sing mauné seneng banget ngombé minuman keras. Wacanen pengalamané ing crita sing judhulé ”Aku Kuwat Banget Ngombé”.

”Kuwasané Alkitab” (Warta Penting 1 Mei 2012)

Meskipun sayang Yéhuwah lan ora péngin nggawé Yéhuwah sedhih, isa waé awaké dhéwé nggawé kesalahan. Malah, isa waé nggawé dosa sing gedhé. (1 Korintus 6:​9, 10) Tapi meskipun kaya ngono, Yéhuwah tetep sayang karo awaké dhéwé. Terus, péngin ngampuni lan péngin mbantu bèn awaké dhéwé ora dosa manèh.

1. Piyé bèn isa diampuni Yéhuwah?

Nèk ngerti wis nggawé dosa gedhé mesthi rasané sedhih banget. Tapi, Yéhuwah ngomong, ”Senajan dosamu abang banget kaya getih, kuwi bakal dadi putih kaya salju.” (Yésaya 1:​18) Nèk bener-bener mertobat, Yéhuwah gelem ngampuni. Mertobaté piyé? Kudu ngrasa gela, ora mbalèni manèh dosané, lan kudu njaluk ampun karo Yéhuwah. Kuwi ya berarti aja nganti mikir utawa nglakoni kebiasaan sing isa marahi nggawé dosa manèh. Bar kuwi, kudu terus manut pathokané Yéhuwah.​—Wacanen Yésaya 55:​6, 7.

2. Piyé carané pinituwa mbantu wong sing nggawé dosa?

Nèk wis nggawé dosa gedhé, awaké dhéwé kudu ”ngundang para pinituwa ing jemaat”. (Wacanen Yakobus 5:​14, 15.) Para pinituwa sayang Yéhuwah lan umaté. Para pinituwa kuwi isa mbantu bèn wong sing dosa isa cedhak manèh karo Yéhuwah.​—Galatia 6:1.

Piyé carané pinituwa mbantu? Ana pinituwa loro utawa telu sing bakal ngandhani nèk menurut Alkitab perbuatan kuwi salah. Terus, para pinituwa ya bakal ngekèki naséhat lan saran bèn ora mbalèni kesalahan kuwi manèh. Nèk ana sing nggawé dosa gedhé tapi ora mertobat, bakal ditokké saka jemaat bèn sedulur liyané ora mèlu-mèlu.

SINAU LUWIH AKÈH

3. Kudu ngakoni dosa bèn isa dibantu

Nggawé dosa kuwi marahi Yéhuwah sedhih. Mulané, kudu njaluk ampun karo Dhèwèké. Wacanen Mazmur 32:​1-5, terus rembugen pertanyaan iki:

• Apa manfaaté nèk ora nutup-nutupi, tapi ngakoni dosa karo Yéhuwah?

VIDÉO: ”Yéhuwah Maringi Disiplin marang Kabèh sing Ditresnani” (3:​01)

• Piyé para pinituwa mbantu Canon bèn isa nglayani Yéhuwah manèh?

Kudu jujur lan nyritakké kabèh karo para pinituwa, soalé para pinituwa kuwi pénginé mbantu. Wacanen Yakobus 5:​16, terus rembugen pertanyaan iki:

• Pinituwa isa luwih gampang mbantu nèk sing dosa gelem jujur. Kok isa?

4. Yéhuwah nduduhké rasa mesakké karo sing nggawé dosa

Nèk nggawé dosa gedhé lan ora gelem manut pathokané Yéhuwah, bakal ditokké saka jemaat. Sedulur liyané ora éntuk bergaul karo dhèwèké. Wacanen 1 Korintus 5:​6, 11, terus rembugen pertanyaan iki:

• Kaya ragi sithik isa nyebar ing kabèh adonan, apa akibaté nèk wong dosa sing ora mertobat tetep bergaul karo sedulur-sedulur ing jemaat?

Saka carané Yéhuwah memperlakukan wong sing nggawé dosa, ngapa kok kuwi bukti nèk Yéhuwah adil, gampang mesakké, lan sayang karo umaté?

5. Nèk mertobat, diampuni Yéhuwah

Piyé perasaané Yéhuwah nèk ana sing mertobat? Wacanen Lukas 15:1-7, terus rembugen pertanyaan iki:

• Saka perumpamaané Yésus kuwi, awaké dhéwé isa ngerti apa soal Yéhuwah?

Wacanen Yèhèzkièl 33:11, terus rembugen pertanyaan iki:

• Apa buktiné nèk bener-bener mertobat?

KESIMPULAN

Meskipun wis nggawé dosa sing gedhé, nèk bener-bener mertobat lan ora mbalèni manèh dosané, Yéhuwah gelem ngampuni.

Jawaben

• Apa manfaaté nèk ngakoni dosa karo Yéhuwah?

• Bèn dosané diampuni kudu piyé?

• Nèk wis nggawé dosa gedhé, ngapa kok kudu njaluk bantuané para pinituwa?

BAHAN TAMBAHAN

Ana sing wis ngrasakké dhéwé nèk Yésaya 1:​18 kuwi bener. Deloken vidéoné.

Aja Ragu karo Welas Asihé Yéhuwah (5:​02)

Piyé carané para pinituwa mbantu wong sing nggawé dosa gedhé?

”Piyé Para Pinituwa Nduduhké Rasa Mesakké karo Wong sing Nggawé Dosa Gedhé?” (Warta Penting Agustus 2024)

Piyé carané nduduhké rasa sayang lan rasa mesakké karo wong dosa sing ora mertobat?

”Carané Para Pinituwa Mbantu Wong sing Ditokké saka Jemaat” (Warta Penting Agustus 2024)

Ana wong lanang sing ngrasa nèk Yéhuwah péngin akrab manèh karo dhèwèké. Wacanen pengalamané ing crita sing judhulé ”Aku Kudu Nglayani Yéhuwah Manèh”.

”Kuwasané Alkitab” (Warta Penting 1 April 2012)