Akèh sing risi nèk ngomongké soal sèks. Tapi ing Alkitab, carané Yéhuwah njelaské soal sèks kuwi bermartabat, lan keterangan kuwi mesthi ana manfaaté. Yéhuwah kuwi sing nyiptakké manungsa. Mulané, Dhèwèké ngerti sing paling apik kanggo awaké dhéwé. Yéhuwah ya ngandhani piyé bèn isa nggawé Dhèwèké seneng lan apa sing isa nggawé awaké dhéwé bahagia saklawasé.

1. Piyé pandhangané Yéhuwah soal sèks?

Hubungan sèks kuwi anugrah saka Yéhuwah sing isa nggawé wong sing wis nikah bahagia. Tujuané ora mung bèn nduwé anak, tapi ya bèn bener-bener ngrasa disayang. Mulané Gusti Allah ngomong, ”Muga-muga kowé seneng-seneng karo bojomu sing nikah karo kowé wektu kowé isih enom.” (Wulang Bebasan 5:​18, 19) Yéhuwah péngin wong sing wis nikah tetep setya karo bojoné lan ora laku jina.​—Wacanen Ibrani 13:4.

2. Apa maksudé hubungan sèks sing ora pantes?

Menurut Alkitab, ”Wong sing nindakké hubungan sèks sing ora pantes . . . ora bakal nampa warisan Kerajaané Gusti Allah.” (1 Korintus 6:​9, 10) Istilah ”hubungan sèks sing ora pantes” iki saka kata Yunani por·neiʹa. Kuwi termasuk (1) hubungan sèksa sing dilakoni wong-wong sing ora nikah sah, (2) hubungan sèks karo wong sing padha lanangé utawa padha wédoké (homosèks), lan (3) hubungan sèks karo kéwan. Nèk ”ora nindakké hubungan sèks sing ora pantes”, awaké dhéwé isa bahagia lan nggawé Yéhuwah seneng.​—1 Tésalonika 4:3.

SINAU LUWIH AKÈH

3. Cepet-cepet nolak hubungan sèks sing ora pantes

Yusuf ora gelem wektu dijak hubungan sèks. Wacanen Purwaning Dumadi 39:​1-​12, terus rembugen pertanyaan-pertanyaan iki:

• Ngapa kok Yusuf ora gelem dijak hubungan sèks?​—Deloken ayat 9.

• Menurut njenengan, keputusané Yusuf kuwi bener apa ora? Lha ngapa?

VIDÉO: Nyingkira saka Amoralitas Sèksual (5:​06)

Yéhuwah péngin bèn tingkah lakuné awaké dhéwé tetep bener. Wacanen 1 Korintus 6:​18, terus rembugen pertanyaan-pertanyaan iki:

• Biasané, keadaan apa waé sing marahi wong dadi kegodha kanggo hubungan sèks sing ora pantes?

• Piyé carané cepet-cepet nolak kuwi?

4. Njenengan isa nolak godhaan

VIDÉO: Wani Nolak Godhaan Merga Maca Alkitab (3:​02)

• Bar ngerti nèk sing dipikirké kuwi isa marahi dhèwèké dadi ora setya karo bojoné, sedulur lanang kuwi terus piyé?

Wong Kristen sing setya ya isih kudu berjuang bèn ora mikirké sing saru-saru. Piyé carané? Wacanen Filipi 4:​8, terus rembugen pertanyaan-pertanyaan iki:

• Apa waé sing kuduné awaké dhéwé pikirké?

• Ngapa kok maca Alkitab lan sibuk nglayani Yéhuwah isa nggawé awaké dhéwé nolak godhaan?

5. Manfaaté ngetrapké pathokané Yéhuwah

VIDÉO: Kudu Ngati-ati (9:​31)

• Apa buktiné nèk cah lanang kuwi ora nolak godhaan?​—Deloken Wulang Bebasan 7:​8, 9.

• Menurut Wulang Bebasan 7:​23, 26, hubungan sèks sing ora pantes isa marahi cilaka. Nèk tingkah lakuné bener, awaké dhéwé ora bakal ngalami apa?

• Nèk tingkah lakuné bener, awaké dhéwé isa bahagia. Kok isa?

Ana sing nganggep nèk larangan ing Alkitab soal homosèks kuwi kejem. Tapi, Yéhuwah péngin bèn awaké dhéwé bahagia merga Dhèwèké sayang karo awaké dhéwé. Bèn isa bahagia, kudu ngetrapké pathokané. Wacanen 1 Korintus 6:​9-​11, terus rembugen pertanyaan iki:

• Menurut Alkitab, apa sing ora disenengi Gusti Allah kuwi mung homosèks thok?

Bèn isa nggawé Gusti Allah seneng, kudu terus berusaha manut pathokané. Apa kuwi ana manfaaté? Wacanen Mazmur 19:​8, 11, terus rembugen pertanyaan-pertanyaan iki:

• Menurut njenengan, pathokané Yéhuwah soal tingkah laku kuwi isa ditrapké apa ora? Lha ngapa?

KESIMPULAN

Hubungan sèks kuwi anugrah saka Yéhuwah kanggo wong lanang karo bojoné.

Jawaben

• Apa maksudé hubungan sèks sing ora pantes?

• Piyé carané bèn isa nolak hubungan sèks sing ora pantes?

• Apa manfaaté nèk manut pathokané Yéhuwah soal tingkah laku?

BAHAN TAMBAHAN

Ngapa kok Gusti Allah péngin wong lanang lan wong wédok nikah dhisik sakdurungé manggon bareng?

”Apa Pandhangané Alkitab soal Kumpul Kebo?” (Artikel ing jw.org)

Meskipun ing Alkitab ana larangan soal homosèks, tapi kuwi ora berarti sengit karo wongé. Lha ngapa?

”Apa Homosèks Kuwi Salah?” (Artikel ing jw.org)

Apa manfaaté pathokané Gusti Allah soal sèks?

”Apa Sèks Oral Kuwi Salah?” (Artikel ing jw.org)

Ana wong sing mauné homosèks, tapi akhiré bahagia merga nglayani Gusti Allah. Wacanen pengalamané ing crita sing judhulé ”Wong-Wong Kuwi Nganggep Aku Berharga”.

”Kuwasané Alkitab” (Warta Penting 1 April 2011)

Ana sing ngomong nèk wong kudu nikah bèn isa bahagia. Tapi kenyataané, sing nikah ya ana sing ora bahagia. Terus, sing ora nikah ya ana sing bahagia. Menurut Alkitab, nikah apa ora, kabèh ana manfaaté.

1. Apa manfaaté nèk ora nikah?

Menurut Alkitab, ”Wong sing nikah éntuk manfaat, ning wong sing ora nikah éntuk manfaat luwih akèh.” (Wacanen 1 Korintus 7:​32, 33, 38.) Kok isa? Wong sing ora nikah ora perlu mikirké bojo sing kudu diopèni, dadi isa luwih bébas. Misalé, ana luwih akèh sing isa dilakoni kanggo Yéhuwah. Contoné, dhèwèké isa nginjil ing panggonan sing adoh, terus ya nduwé akèh wektu kanggo Yéhuwah.

2. Apa waé manfaaté nèk nikah sah?

Wong sing nikah ya isa éntuk manfaat. Menurut Alkitab, ”Wong loro bareng-bareng luwih apik timbang dhèwèkan.” (Pengkhotbah 4:9) Wong sing nikah isa éntuk manfaat, terutama nèk manut karo pathokané Alkitab. Wong sing nikah sah wis janji nèk bakal terus sayang lan ngajèni bojoné. Hasilé, isa dadi ngrasa luwih aman timbang nèk mung kumpul kebo. Anak-anaké ya dadi luwih ngrasa dilindhungi.

3. Menurut Yéhuwah, perkawinan kuwi kudu piyé?

Wektu pertama kali nikahké manungsa, Yéhuwah ngomong, ”Wong lanang bakal ninggalké bapak ibuné, terus bakal urip bareng karo bojoné”. (Purwaning Dumadi 2:​24) Yéhuwah péngin wong lanang karo bojoné terus sayang lan urip bareng nganti seumur hidup. Mung éntuk cerai nèk bojoné laku jina. Menurut Yéhuwah, pihak sing ora salah sing éntuk nentokké arep cerai apa ora.a (Matius 19:9) Yéhuwah nglarang wong Kristen poligami.​—1 Timotius 3:2.

SINAU LUWIH AKÈH

4. Wong sing ora nikah isa éntuk luwih akèh manfaat

Menurut Yésus, ora nikah kuwi anugrah. (Matius 19:​11, 12) Wacanen Matius 4:​23, terus rembugen pertanyaan iki:

• Yésus ora nikah. Apa buktiné nèk kesempatan kuwi dienggo nglayani Yéhuwah lan mbantu wong liya?

Wong Kristen sing ora nikah ya isa bahagia kaya Yésus. Setèlen VIDÉONÉ, terus rembugen pertanyaan iki:

VIDÉO: Wong Legan sing Setya (3:​11)

• Apa waé sing isa dilakoni wong sing ora nikah bèn isa bahagia?

Keterangan

Ing Alkitab ora ana keterangan umur pira wong éntuk nikah. Tapi, nèk péngin nikah kudu nunggu sik nganti ”wis cukup umur”. Kuwi maksudé ora nikah wektu rasa péngin kanggo hubungan sèks lagi kuwat-kuwaté merga kuwi isa marahi wong nggawé keputusan sing ora bener.​—1 Korintus 7:​36.

5. Ngati-ati wektu arep milih bojo

Kudu dipikir tenanan wektu arep milih bojo. Wacanen Matius 19:​4-6, 9, terus rembugen pertanyaan iki:

• Ngapa kok ora éntuk kesusu nikah?

Liwat Alkitab, awaké dhéwé isa ngerti sifaté calon bojo sing apik. Sing paling penting dhèwèké kudu sayang Yéhuwah.b Wacanen 1 Korintus 7:​39 lan 2 Korintus 6:​14, terus rembugen pertanyaan-pertanyaan iki:

• Ngapa kok kudu nikah mung karo sing seiman?

• Menurut njenengan, piyé perasaané Yéhuwah nèk ana sing nikah karo wong sing ora sayang Yéhuwah?

6. Niru pandhangané Yéhuwah soal perkawinan

Ing Israèl mbiyèn, ana wong lanang sing megat bojoné sak senengé dhéwé. Wacanen Maléakhi 2:​13, 14, 16, terus rembugen pertanyaan iki:

• Ngapa kok Yéhuwah sengit nèk ana sing megat bojoné tapi alesané ora sesuai karo pathokané Alkitab?

Setèlen VIDÉONÉ, terus rembugen pertanyaan iki:

VIDÉO: Perkawinan​—Ikatan sing Permanèn (4:​30)

• Nèk saiki bojoné njenengan durung sayang karo Yéhuwah, njenengan isa tetep bahagia. Tapi njenengan kudu piyé?

7. Manut pathokané Yéhuwah soal perkawinan

VIDÉO: Manut Pathokané Yéhuwah soal Perkawinan (4:​14)

Wacanen Ibrani 13:​4, terus rembugen pertanyaan-pertanyaan iki:

• Menurut njenengan, pathokané Yéhuwah soal perkawinan kuwi isa ditrapké apa ora? Lha ngapa njenengan njawab ngono?

Yéhuwah péngin perkawinan lan perceraian kudu sah soalé ing akèh negara, kuwi sing diwajibké pemerintah. Wacanen Titus 3:​1, terus rembugen pertanyaan iki:

• Nèk wis nikah, apa njenengan yakin perkawinan kuwi wis sah menurut hukum pemerintah?

KESIMPULAN

Nikah apa ora, kabèh ana manfaaté lan isa bahagia nèk manut Yéhuwah.

Jawaben

• Piyé bèn wong sing ora nikah isa éntuk luwih akèh manfaat?

• Menurut Alkitab, ngapa kok kudu nikah mung karo sing seiman?

• Menurut Alkitab, éntuk pegatan mung merga apa?

BAHAN TAMBAHAN

Apa maksudé mung nikah karo sing ”padha-padha muridé Gusti”?

”Pitakonané sing Maca” (Warta Penting 1 Juli 2004)

Ana naséhat sing apik soal pacaran lan nikah. Deloken vidéoné.

Persiapan Nikah (12:01)

Ana pengalamané wong lanang sing ngrasa nèk berkah saka Yéhuwah luwih akèh timbang sing dhèwèké korbanké. Deloken vidéoné.

Aku Berharap Dhèwèké Gelem Sinau Alkitab (1:​56)

Apa waé sing kudu dipikirké nèk arep pisahan utawa pegatan?

”Nganggep Berharga ’Apa sing Wis Didadèkké Siji karo Gusti Allah’” (Warta Penting Desember 2018)