2. Ing Alkitab ana keterangan apa waé soal Yéhuwah?

Menurut Alkitab, meskipun ana akèh sing disembah manungsa, ning Gusti Allah sing bener kuwi mung Yéhuwah. Apa waé buktiné? Yéhuwah kuwi kuwasané paling gedhé, mung Dhèwèké ”sing Mahaluhur ing bumi”. (Wacanen Mazmur 83:18.) Dhèwèké disebut ”Sing Mahakuwasa” merga apa waé sing dipéngini mesthi kelakon. Dhèwèké ”sing nyiptakké kabèh” termasuk langit karo bumi sak isiné. (Wahyu 4:​8, 11) Mung Yéhuwah sing ana saklawasé.​—Mazmur 90:2.

Mung Yéhuwah thok sing kudu disembah soalé Dhèwèké sing nyiptakké sak kabèhé. (Wahyu 4:​11) Kuwi artiné awaké dhéwé ora éntuk nganggo patung wektu ngibadah.​—Wacanen Yésaya 42:8.

Ibadahé awaké dhéwé kudu ”suci” lan ”pantes ditampa” Yéhuwah. (Roma 12:1) Kuwi artiné awaké dhéwé kudu manut préntahé, contoné pathokan soal perkawinan. Awaké dhéwé ya manut pathokan soal nganggo tembakau, nganggo narkoba, karo ngombé minuman keras.a