Kaya Apa Donya Iki Sukmbèn?
Apa donya iki bakal . . .
tetep kaya ngéné waé?
tambah rusak?
dadi luwih apik?
ALKITAB KANDHA
”Gusti Allah bakal ngusapi air matané wong-wong kuwi. Ora bakal ana manèh kesusahan, tangisan, lan rasa lara. Malah, kematian ya ora bakal ana manèh. Kabèh sing mbiyèn nyebabké awaké dhéwé sedhih wis ora ana manèh.”—Wahyu 21:3, 4, Terjemahan Donya Anyar.
MANFAATÉ NGERTI SOAL KUWI
Njenengan bakal
ngrasa puas wektu nyambut gawé lan wektu ngrasakké hasilé (Yésaya 65:21-23),
ora susah lan ora lara manèh (Yésaya 25:8; 33:24),
urip seneng saklawasé bareng keluarga lan kanca-kanca (Mazmur 37:11, 29).
SING DITULIS ING ALKITAB ISA DIPERCAYA
Alesané ana loro:
Gusti Allah nduwé kuwasa kanggo nepatijanjiné. Yéhuwah kuwi Mahakuwasa merga nduwé kuwasa sing ora ana entèké. (Wahyu 15:3) Mula, Dhèwèké isa nggawé keadaan ing donya iki dadi luwih apik. Alkitab ya kandha nèk ”kanggoné Gusti Allah ora ana sing mustahil.”—Matius 19:26.
Gusti Allah pancèn péngin bèn janjiné kuwi kelakon. Contoné, Yéhuwah péngin banget nguripké manèh wong-wong sing wis mati.—Ayub 14:14, 15.
Ing Alkitab ya disebutké nèk Yésus nambani wong lara merga kepénginané dhéwé. (Markus 1:40, 41) Persis kaya Yéhuwah, Yésus péngin banget mbantu sapa waé sing mbutuhké.—Yohanes 5:19.
Mula, awaké dhéwé isa yakin nèk Yéhuwah péngin bèn awaké dhéwé isa urip bahagia sukmbèn.—Mazmur 72:12-14; 145:16; 2 Pétrus 3:9.
KANGGO DIPIKIRKÉ
Piyé carané Gusti Allah nggawé keadaan ing donya iki dadi luwih apik?
Jawabané ana ing MATIUS 6:9, 10 lan DANIÈL 2:44.