Keadaan donya saiki dadi bukti nèk ora suwé manèh bumi bakal dadi Firdaus. Lukas 21:10, 11; 2 Timotius 3:1-5

Akèh ramalané Alkitab wis kelakon saiki. Alkitab kandha nèk bakal ana akèh wong sing ngutamakké harta, ora manut karo wong tuwa, kejem, lan mung nggolèk senengé dhéwé.

Saiki ya ana akèh gempa bumi, perang, kelaparan, lan wabah penyakit.

Yésus ya kandha nèk kabar apik soal Kerajaan bakal diumumké ing kabèh wilayah ing bumi.​—Matius 24:14.

Kerajaané Gusti Allah bakal nyingkirké kabèh sing jahat. 2 Pétrus 3:13

Ora suwé manèh, Yéhuwah bakal nyingkirké wong jahat.

Sétan lan para malaékat sing jahat bakal dihukum.

Kabèh wong sing ngrungokké Gusti Allah bakal slamet lan manggon ing Firdaus ing bumi. Wong-wong kuwi uripé damai lan ora wedi manèh merga kabèh padha-padha nresnani.

Wong mati bakal diuripké manèh ing bumi. Kisah 24:15

Bayangna akèh berkah sing bakal njenengan nikmati nèk gelem ngrungokké Gusti Allah. Njenengan bakal bener-bener séhat, ora lara utawa cacad. Wong jahat wis ora ana manèh, lan kabèh wong isa dipercaya.

Ora bakal ana manèh kesusahan, tangisan, lan rasa lara. Wong ora bakal dadi tuwa lan mati.

Njenengan isa ketemu manèh karo keluarga lan kanca-kanca. Urip ing Firdaus kuwi nyenengké banget.

Kabèh wong bakal urip ayem tanpa ngrasa wedi.

Kerajaané Gusti Allah bakal nyingkirké kabèh kesusahan. Wahyu 21:3, 4