Tambah Trampil Anggoné Nginjil—Nginjil ing Panggonan Nyambut Gawéné Wong-Wong

Apa Sebabé Kuwi Penting: Merga akèh wong padha sibuk kerja, kadhang kala cara sing cocog kanggo nginjil, yaiku nemoni wong ing panggonan nyambut gawéné. Kuwi cara sing pas lan ana paédahé, merga wong-wong sing ditemoni ing kono luwih grapyak lan sopan karo wong sing teka. Bèn wong-wong gelem nampa, para penginjil kudu ngerti kahanan lan nganggo pakaian sing pantes. (2 Kr. 6:3) Pinituwa sing ngawasi gawéan nginjil kudu ngerti dhaérah kuwi kerep digarap apa ora, lan ngerti sapa sing nggarap.

Carané:

Kudu latihan carané ngajak omong-omongan. Aja kakèhan utawa kesuwèn ngomong, merga mengko nèk mrono manèh wongé wegah nemoni.
Kudu ngerti wektu sing cocog kanggo mara, pas ora répot. Contoné, pas lagi waé bukak.
Kudu omong dhisik karo wong sing tanggung jawab ing kono. Ngomongé kudu grapyak lan nyenengké. Isa ngomong ngéné, ”Aku seneng ketemu wong ing kéné, merga angèl ketemu ing omah.” Ajaken omong sedhéla waé, banjur tawanana selebaran, majalah, utawa wacan liyané. Ora usah ngomongké bab sumbangan, bèn ora diarani sales. Isa ngomongké sumbangan, nèk ana sing takon saka ngendi biaya kanggo nyétak wacan kuwi.
Nèk wong sing tanggung jawab ing kono pénak diajak omong, isa takon sisan apa isa ngomong karo pegawé liyané. Uga isa takon karo wong kuwi, apa isa ninggal wacan ing panggonan kanggo ngaso para pegawé.
Kudu nduwé tepa slira lan aja kaku. Contoné, nèk wongé lagi omong-omongan karo wong liya, aja nyelani. Kudu ngentèni nganti rampung omongan, lagi awaké dhéwé ngajak omong.

Sesasi Iki Cobanen Cara Iki: