Tambah Trampil Anggoné Nginjil—Nawakké Buku Alkitab Ajarkan

Apa Sebabé Kuwi Penting: Buku Alkitab Ajarkan kuwi buku utama kanggo mbantu wong sinau Alkitab. Ning, sakdurungé dinggo sinau, kudu ditawakké dhisik. Awaké dhéwé kudu ngupaya trampil nawakké buku Alkitab Ajarkan. (WB. 22:29) Ana cara werna-werna kanggo nawakké, lan penginjil kudu nganggo cara-cara kuwi.

Carané:

Wènèhana pitakonan sing cocog karo sing dikabari, bèn dhèwèké péngin ngerti nèk jawabané dirembug ing buku kuwi. Duduhna pitakonan sing ana ing saben wiwitan bab, banjur wong kuwi kon njawab pitakonan mau. Sakwisé dijawab, wacanen ayat sing cocog banjur duduhna paragraf sing ngrembug bab kuwi, lan mbokmenawa isa dirembug sedhéla.
Cara liyané yaiku nduduhké kaca 3-7, bèn sing nduwé omah péngin ngerti isiné buku kuwi, lan duduhna bab endi sing ana hubungané karo kaca-kaca mau. Contoné, nèk ngomongké musibah sing ana ing berita TV utawa koran, panjenengan isa nerangké nèk kuwi ana hubungané karo pitakonan ing kaca 3, lan akèh wong sing éntuk jawabané. Nèk panjenengan nginjil bab uripé awaké dhéwé mbésuk, duduhna gambar ing kaca 4-5, banjur takon, ”Janji endi sing panjenengan arep-arep bèn isa kelakon?” Lan, nèk ngrembug pitakonan penting bab urip, panjenengan isa nduduhké pitakonan-pitakonan sing ana ing kaca 6, lan takona pitakonan endi sing disenengi.
Tawanana langsung sinau Alkitab. Panjenengan isa ngomong, ”Aku seneng nduduhké buku kanggo mbantu sinau Alkitab. Apa panjenengan wis tau ngerti buku iki? [Rungokna jawabané.] Tak duduhké sedhéla waé carané nganggo buku iki lan mbukak Alkitab panjenengan dhéwé.”

Sesasi Iki Cobanen Cara Iki:

Lakonké carané nawakké buku kuwi ing ibadah sak keluarga.
Wektu nginjil, critakna karo penginjil liya apa sing arep panjenengan omongké pas nawakké buku iki. (WB. 27:17) Nèk cara kuwi ora cocog, gèk ndang diganti cara liyané.