Sing Aja Ditindakké Wektu Mulang Alkitab

Kakèhan Nerangké: Aja rumangsa nèk kabèh kudu panjenengan terangké. Yésus nggunakké pitakonan kanggo mbantu wong bèn isa mikir lan ngerti sing bener. (Mt 17:24-27) Pitakonan-pitakonan isa nggawé sinau Alkitab dadi nyenengké, lan mbantu panjenengan ngerti apa sing wis dingertèni lan dipercaya wong sing sinau. (be-IN kaca 253 ¶2-3) Wektu nakoni, kudu sabar ngentèni jawabané. Nèk jawabané salah, aja langsung dibenerké, ning gawéa pitakonan manèh nganti dhèwèké isa mènèhi jawaban sing bener. (be-IN kaca 238 ¶2-3) Bèn sing sinau ngerti, aja cepet-cepet ngomongé wektu nerangké katrangan sing anyar.​—be-IN kaca 230 ¶4.

Nggawé Bingung sing Sinau: Aja nerangké kabèh sing panjenengan ngertèni saka bab sing lagi dirembug. (Yo 16:12) Rembugen bab sing utama saka paragraf kuwi. (be-IN kaca 226 ¶4–227 ¶1) Senajan wongé péngin ngerti, ning nèk awaké dhéwé kakèhan mènèhi katrangan, bab utamané dadi ora cetha manèh. (be-IN kaca 235 ¶3) Nèk sing sinau wis ngerti bab utamané, isa langsung ngrembug paragraf sakbanjuré.

Mung Waton Mulang: Tujuané awaké dhéwé mulang yaiku bèn isa mlebu ati, ora mung waton mulang. (Lk 24:32) Terangna ayat-ayat utama ing wulangan sing dirembug. (2Kr 10:4; Ib 4:12; be-IN 144 ¶1-3) Gunakna gambaran lan conto sing gampang. (be-IN kaca 245 ¶2-4) Pikiren masalah sing diadhepi wong sing sinau lan agamané, lan terangna carané ngetrapké wulangan sing disinaoni. Takonana, ”Nurut panjenengan, piyé wulangan iki?” ”Apa sing isa disinaoni bab Yéhuwah?” ”Apa paédahé nèk wulangan iki ditrapké?”​—be-IN 238 ¶4-6; 259 ¶1.