Nglatih Penginjil sing Isih Anyar

Para penginjil sing isih anyar kudu dilatih saka wiwitan bèn semangat lan ajeg nginjil. Para penginjil sing wis dilatih kuwi biyasané isa dadi penginjil sing trampil. (WB 22:6; Fp 3:16) Gatèkna cara-carané mbantu sing sinau Alkitab bèn isa dadi penginjil sing trampil:

• Panjenengan isa langsung nglatih sing sinau, sakwisé dhèwèké disetujoni dadi penginjil. (km-IN 8/15 1) Bantunen sing sinau bèn ngerti nèk ajeg nginjil kuwi penting. (Fp 1:10) Panjenengan kudu mènèhi koméntar sing positif bab dhaérah dinas. (Fp 4:8) Panjenengan isa nganjurké sing sinau supaya nginjil bareng karo pengawas kelompok lan sedulur liya bèn isa éntuk paédah saka pengalamané para sedulur kuwi.​—WB 1:5; km-IN 10/12 6 ¶3

  

• Panjenengan kudu terus nguwatké lan nglatih sing sinau sakwisé dhèwèké dibaptis, kususé nèk durung ngrampungké sinau buku ”Kasih Allah”.​—km-IN 12/13 7

  

• Wektu nginjil bareng karo penginjil sing isih anyar, wènèhana conto nganggo kata pengantar sing sedherhana. Pujinen sakwisé dhèwèké nyampèkké kata pengantaré. Wènèhana saran sing isa mbantu dhèwèké bèn dadi luwih trampil.​—km-IN 5/10 7