Apa sing Isa Njenengan Pelajari saka Para Sedulur sing Luwih Pengalaman?

Ing jemaat, ana akèh sedulur sing wis suwé nglayani Yéhuwah. Awaké dhéwé isa sinau saka carané sedulur-sedulur kuwi ngendelké Yéhuwah. Awaké dhéwé isa takon-takon soal sejarah organisasiné Yéhuwah lan carané Yéhuwah mbantu sedulur-sedulur kuwi ngatasi tantangan. Awaké dhéwé ya isa ngundang sedulur-sedulur kuwi ing Ibadah Keluargané awaké dhéwé bèn isa nyritakké pengalamané.

Nèk njenengan wis suwé nglayani Yéhuwah, critakna pengalamané njenengan karo sedulur-sedulur sing luwih enom. Yakub lan Yusuf nyritakké pengalamané karo keluargané. (Pd 48:21, 22; 50:24, 25) Yéhuwah ya ngongkon kepala keluarga ngajari anak-anaké soal Yéhuwah. (PT 4:9, 10; Ms 78:4-7) Saiki, para wong tuwa lan para sedulur ing jemaat isa crita karo sedulur-sedulur sing luwih enom soal apa sing wis ditindakké Yéhuwah liwat organisasiné.

DELOKEN VIDÉO TETEP BERSATU WEKTU PELARANGAN, TERUS JAWABEN PITAKONAN-PITAKONAN IKI:

• Piyé carané kantor cabang Austria mbantu sedulur-sedulur ing negara-negara sing nglarang gawéan nginjil?

• Piyé carané sedulur-sedulur ing negara-negara kuwi isa terus nduwé iman sing kuwat?

• Apa sebabé akèh sedulur ing Rumania ninggalké organisasiné Yéhuwah, lan piyé akhiré sedulur-sedulur kuwi nggabung manèh?

• Piyé pengalaman-pengalaman iki nguwatké imané njenengan?