URIPÉ WONG KRISTEN
Manut Yéhuwah Kuwi Bukti Sayang
Yéhuwah mréntahké bèn wong dosa sing ora mertobat ditokké saka jemaat bèn ora mengaruhi liyané. (1Kor 5:6, 11) Pancèn kuwi isa nggawé sedhih wong liya termasuk keluargané lan panitia pengadilan. Ning, nèk manut karo préntahé Yéhuwah mau, sakjané kuwi bukti nèk awaké dhéwé sayang karo Yéhuwah lan wong liya. Kok isa?
Kuwi bukti nèk sayang karo Yéhuwah merga awaké dhéwé manut karo pathokané soal apa sing suci lan ora nggawé èlèk jenengé. (1Ptr 1:14-16) Kuwi ya bukti nèk sayang karo wong sing ditokké saka jemaat. Senajan dhèwèké sedhih, ning kuwi isa ”ngasilké katentreman lan nggawé wong dadi nindakké apa sing bener”. (Ibr 12:5, 6, 11) Nèk bergaul karo wong sing ditokké saka jemaat utawa karo sing ora gelem dadi Seksi Yéhuwah manèh, kuwi artiné awaké dhéwé ora manut karo préntahé Yéhuwah. Awaké dhéwé kudu yakin nèk hukumané Yéhuwah kanggo umaté kuwi mesthi ”adil”. (Ym 30:11, Basa Jawa Padintenan) Awaké dhéwé mesthi péngin wong kuwi isa mertobat lan dadi abdiné Yéhuwah manèh, ning sing penting saiki awaké dhéwé kudu terus cedhak karo Yéhuwah lan ora bergaul karo wong sing ditokké saka jemaat.—Yé 1:16-18; 55:7.
DELOKEN VIDÉO BENER-BENER MANUT KARO YÉHUWAH, TERUS JAWABEN PITAKONAN-PITAKONAN IKI:
Piyé perasaané wong tuwa sing anaké ninggalké Yéhuwah?
Piyé jemaat isa mbantu?
Critakna conto saka Alkitab sing luwih ngutamakké Yéhuwah timbang keluarga.
Piyé carané luwih ngutamakké Yéhuwah timbang keluarga?