Kitab Suci Harta saka Yéhuwah

1. Ana buku sing akèh manfaaté

kanggo wong-wong sing tulus atiné.

Nèk isiné buku kuwi ditrapké,

Manungsa isa pénak uripé.

Buku kuwi jenengé Kitab Suci,

Ditulis para abdiné Gusti,

Sing dituntun Allah liwat roh suci,

Bèn omongané Yah tekan ati.

2. Ing Kitab Suci ya wis dicritakké,

Yah nyiptakké bumi sak isiné.

Adam, Hawa ora manut préntahé,

Manungsa dadi susah uripé.

Ana malaékat sing nglawan Allahé,

Ora setya lan dadi mungsuhé.

Manungsa dadi akèh masalahé,

Tapi Yéhuwah mesthi menangé.

3. Lan saiki wis wektuné martakké

soal Huwah lan Kerajaané.

Anaké sing bakal dadi Rajané,

Sing bakal mréntah kabèh umaté.

Wong-wong isa ngrasakké manfaaté,

Ngerti soal Huwah lan berkahé.

Alkitab harta sing akèh gunané,

Kudu t’rus diwaca lan ditrapké.