PELAJARAN 13

Nduduhké Carané Ngetrapké

Yésaya 48:17

RINGKESAN: Terangna manfaat lan carané ngetrapké topik sing dirembug.

Mikirké manfaaté. Pikirna manfaaté topik sing arep dirembug kanggo sing ngrungokké lan bagéan endi saka topik kuwi sing khususé isa langsung ditrapké sing ngrungokké.
Nerangké carané ngetrapké. Saka awal, wong sing ngrungokké kudu ngerti nèk topik sing dirembug ana manfaaté kanggo dhèwèké. Wektu ngrembug gagasan utama, terangna luwih rinci carané ngetrapké.

Kudu ramah lan perduli wektu ngrembug carané ngetrapké. Aja nggawé wong sing ngrungokké rumangsa salah. Bantunen wong kuwi bèn saya tresna lan percaya karo Yéhuwah, lan bèn yakin nèk dhèwèké isa nindakké sing bener.