URIPÉ WONG KRISTEN
Bukti Katresnan ing Kebaktian
Apa sebabé mèlu kebaktian kuwi nyenengké banget? Kaya wong Israèl jaman mbiyèn, pas kebaktian awaké dhéwé isa ngibadah bareng para sedulur sing jumlahé atusan, utawa malah nganti éwonan. Ing kebaktian, akèh sing isa dipelajari kanggo nguwatké iman. Awaké dhéwé mesthi ya seneng merga isa kumpul karo kanca-kanca lan keluarga. Merga kebaktian kuwi penting lan nyenengké, awaké dhéwé mesthi dadi péngin mèlu kabèh acarané.
Pas kebaktian awaké dhéwé ya kudu nresnani lan nggatèkké wong liya. (Gal 6:10; Ibr 10:24, 25) Misalé, awaké dhéwé isa mbukakké lawang kanggo wong liya, utawa nèk nggolèkké kursi ya sakperluné waé. Kuwi bukti nèk awaké dhéwé ora mung mikirké kepentingané dhéwé. (Flp 2:3, 4) Kebaktian ya isa dadi kesempatan nambah kanca. Misalé sakdurungé acarané mulai, sakwisé acarané rampung, utawa pas istirahat, awaké dhéwé isa kenalan karo wong akèh. (2Kor 6:13) Wong-wong kuwi isa dadi kancané awaké dhéwé nganti saklawasé. Wektu ndelok awaké dhéwé karo para sedulur padha-padha nresnani, wong liya isa waé dadi péngin mèlu nglayani Yéhuwah.—Yoh 13:35.
DELOKEN VIDEO KEBAKTIAN INTERNASIONAL ”KATRESNAN BAKAL ANA SAKTERUSÉ”, TERUS JAWABEN PITAKONAN-PITAKONAN IKI:
Piyé perasaané para sedulur saka luar negri pas disambut ing kebaktian internasional 2019?
Apa buktiné nèk umaté Yéhuwah padha-padha nresnani lan bersatu?
Pas ceramah, apa waé sing disampèkké Pengurus Pusat soal katresnan?
Piyé carané mbuktèkké katresnan pas kebaktian?
Apa buktiné para sedulur ing Jerman lan Korea Selatan padha-padha nresnani?
Apa sing kuduné dadi tékadé awaké dhéwé?