PELAJARAN 11

Semangat

Roma 12:11

RINGKESAN: Kudu semangat wektu ngomong bèn sing ngrungokké dadi péngin ngetrapké sing dirembug.

Mikirké tenanan bahané. Wektu persiapan, pikirna tujuané topik kuwi dirembug. Nèk ngerti tenan bahané, awaké dhéwé isa njelaské nganggo kata-katané dhéwé.
Mikirké manfaaté topik kuwi lan carané nyampèkké. Pikirna manfaaté topik sing arep dirembug kanggo sing ngrungokké. Awaké dhéwé ya kudu mikirké carané nyampèkké katrangan kuwi bèn gampang dingertèni lan ditrapké.
Kudu semangat lan wajar wektu ngomong. Kudu semangat wektu ngomong. Perasaané awaké dhéwé isa kétok saka gerakan sing wajar lan wajahé awaké dhéwé.

Aja mbolan-mbalèni gerakan sing padha merga kuwi isa nggawé wong liya mung nggatèkké gerakan kuwi. Pikirna gerakan apa sing cocog digunakké wektu njelaské topik sing dirembug. Kudu semangat wektu nyampèkké gagasan utama lan wektu ngejak sing ngrungokké bèn gelem ngetrapké. Ning, aja terlalu semangat nganti sing ngrungokké ngrasa ora nyaman.