URIPÉ WONG KRISTEN

Nèk Percaya karo Yéhuwah Kuduné Piyé?

Daud isa ngalahké Goliat soalé dhèwèké percaya karo Yéhuwah. (1Sam 17:45) Yéhuwah péngin mbantu umaté. (2Bb 16:9) Nah, awaké dhéwé percaya karo Yéhuwah apa ora? Nèk percaya karo Yéhuwah, awaké dhéwé kuduné piyé?

Kerep ndonga. Aja mung ndonga njaluk ngapura pas nggawé kesalahan, tapi kuduné ya ndonga bèn ora nganti nggawé kesalahan. (Mat 6:12, 13) Aja mung ndonga njaluk diberkahi sakwisé nggawé keputusan, tapi kuduné ya ndonga njaluk arahan sakdurungé nggawé keputusan.—Yak 1:5
Rajin sinau Alkitab. Maca Alkitab saben dina. (Mzm 1:2) Terus, sing diwaca kuwi dipikirké tenanan lan ditrapké. (Yak 1:23-25) Sakdurungé nginjil kudu persiapan dhisik, meskipun wis kerep nginjil. Sakdurungé ngibadah ya kudu persiapan dhisik bèn éntuk manfaat
Manut karo organisasiné Yéhuwah. Nèk ana arahan sing anyar saka organisasi, ya kudu digatèkké lan ndang ditrapké. (Wi 9:17) Awaké dhéwé ya kudu nggatèkké naséhaté para pinituwa lan manut arahané.—Ibr 13:17

Sedulur lanang dicekel polisi karo dideloki wartawan lan sedulur liya.

DELOKEN VIDÉO ORA PERLU WEDI DIANIAYA, TERUS JAWABEN PERTANYAAN-PERTANYAAN IKI:

• Apa sing nggawé sedulur-sedulur iki wedi?

• Sedulur-sedulur iki ora wedi manèh merga apa?