URIPÉ WONG KRISTEN
Carané Bèn Tambah Yakin karo Isiné Alkitab
Kuwasané Alkitab gedhé banget kanggo uripé manungsa. (Ibr 4:12) Tapi bèn isa éntuk manfaat saka tuntunan lan naséhat ing Alkitab, kudu yakin sik nèk Alkitab kuwi ”omongané Gusti Allah”. (1Tés 2:13) Piyé carané bèn isa yakin?
Maca Alkitab saben dina. Pas maca, golèka bukti nèk sing diwaca ing Alkitab kuwi mémang omongané Yéhuwah. Misalé, gatèkna naséhat ing buku Wulang Bebasan. Terus, renungna ngapa kok naséhat kuwi isih bermanfaat nganti saiki.—WB 13:20; 14:30.
Nggawé proyèk pelajaran Alkitab. Sinaua luwih akèh soal bukti-bukti nèk Alkitab asalé mémang saka Gusti Allah. Golèka keterangan ing Panduan Riset kanggo Seksi-Seksi Yéhuwah, ing topik ”Alkitab” bagéan ”Asalé saka Gusti Allah”. Terus, njenengan ya isa maca Lampiran A3 ing Alkitab Terjemahan Donya Anyar bèn tambah yakin nèk isiné Alkitab isih padha kaya asliné.
DELOKEN VIDÉO NGAPA AWAKÉ DHÉWÉ NDUWÉ IMAN NÈK . . . OMONGANÉ GUSTI ALLAH BENER?, TERUS JAWABEN PERTANYAAN IKI:
Ngapa kok penemuan rélièf ing kuil Karnak ing Mesir isa dadi bukti nèk isiné Alkitab kuwi bener?
Apa buktiné nèk isiné Alkitab isih padha kaya asliné?
Alkitab isih ana nganti saiki. Ngapa kok kuwi bukti nèk Alkitab asalé saka Gusti Allah?—Wacanen Yésaya 40:8