PERPUSTAKAAN ONLINE Warta Penting
PERPUSTAKAAN ONLINE
Warta Penting
Jawa
é
  • é
  • É
  • è
  • È
  • ALKITAB
  • PUBLIKASI
  • PERTEMUAN IBADAH
  • w20 Mei hlm. 8-11
  • Raja-Raja sing Mungsuhan ing Wekasaning Jaman

Ora ana video ing bagéan iki.

Ana sing error.

  • Raja-Raja sing Mungsuhan ing Wekasaning Jaman
  • Warta Penting bab Kratone Yehuwah (Wulangan)—2020
  • Bahan sing Mèh Padha
  • Raja Utara ing Wekasaning Jaman
    Warta Penting bab Kratone Yehuwah (Wulangan)—2020
  • Sapa sing Dadi Raja Utara Saiki?
    Warta Penting bab Kratone Yehuwah (Wulangan)—2020
  • Ramalan ing Buku Wahyu soal Mungsuh-mungsuhé Gusti Allah
    Warta Penting bab Kratone Yehuwah (Wulangan)—2022
  • Sinau Ramalan ing Alkitab
    Warta Penting bab Kratone Yehuwah (Wulangan)—2023
Warta Penting bab Kratone Yehuwah (Wulangan)—2020
w20 Mei hlm. 8-11

Raja-Raja sing Mungsuhan ing Wekasaning Jaman

Ayat-ayat sing disebutké ing tabél iki ngramalké peristiwa-peristiwa sing bakal kelakon ing wektu sing padha. Kuwi dadi bukti nèk awaké dhéwé urip ”ing wekasaning jaman”.​—Dn. 12:4.

Tabèl iki nduduhké negara-negara sing dadi raja utara lan raja selatan lan ramalan-ramalan sing kelakon kèt taun 1870 nganti saiki.
  • Bagéan 1, nduduhké ramalan-ramalan sing kelakon ing taun 1870 nganti 1918. Wekasaning jaman dimulai kèt taun 1914. Ramalan 1: Kéwan buas sing endhasé pitu kuwi mulai ana ing bagéan awal tabèl. Pas Perang Donya I, endhasé sing kepitu luka parah. Kèt taun 1917, endhasé sing kepitu mari lan kéwan buas kuwi dadi kuwat manèh. Ramalan 2: Inggris dadi raja selatan ing taun 1870 lan Jerman dadi raja utara ing taun 1871. Ning, ing taun 1917, sing dadi raja selatan kuwi Inggris lan Amerika. Ramalan 3: Sakwisé taun 1870, Russell lan kanca-kancané dadi ’utusan’. Kèt taun 1881, liwat majalah Zion’s Watch Tower, wong-wong disemangati kanggo martakké kabar apik. Ramalan 4: Kèt taun 1914 mangsa panèn dimulai lan alang-alang dipisahké saka gandum. Ramalan 5: Kèt 1917, ramalan soal sikilé patung sing digawé saka wesi lan lempung kelakon. Gambar liyané: Ing taun 1914 nganti taun 1918, Perang Donya I kelakon. Peristiwa-peristiwa sing ana pengaruhé kanggo umaté Yéhuwah: Ing taun 1914 nganti 1918, Siswa-Siswa Alkitab ing Inggris lan Jerman dipenjara. Ing taun 1918, para sedulur ing Amerika Serikat sing mimpin gawéan nginjil dipenjara.
    Ramalan 1.

    Ayat Why. 11:7; 12:13, 17; 13:1-8, 12

    Ramalan ”Kéwan buas” wis mréntah ing bumi nganti luwih saka 3.000 taun. Ing wekasaning jaman, endhasé sing kepitu luka parah. Sakwisé lukané mari, ”kabèh wong ing bumi” dadi pengikuté. Sétan nggunakké kéwan buas kuwi kanggo ”nyerang anak-anaké wong wadon kuwi”.

    Peristiwa sing kelakon Sakwisé Banjir Gedhé, wong-wong mulai dipréntah karo pamréntahané manungsa sing dadi mungsuhé Yéhuwah. Luwih saka 3.000 taun sakwisé Banjir Gedhé, salah siji pamréntahan kuwi, yaiku Inggris, dikalahké ing Perang Donya I. Inggris dadi kuwat manèh sakwisé kerja sama karo Amerika Serikat. Ing wekasaning jaman, Sétan nggunakké pamréntahané manungsa kanggo nganiaya umaté Yéhuwah.

  • Ramalan 2.

    Ayat Dn. 11:25-45

    Ramalan Raja utara lan raja selatan padha saingan merga péngin dadi negara sing paling kuwat.

    Peristiwa sing kelakon Jerman mungsuhan karo Inggris lan Amerika. Ing taun 1945, Uni Soviet lan negara-negara sing dadi balané dadi raja utara sing anyar. Ning, sakwisé Uni Soviet bubar ing taun 1991, sing dadi raja utara yaiku Rusia lan negara-negara sing dadi balané.

  • Ramalan 3.

    Ayat Yé. 61:1; Ml. 3:1; Luk. 4:18

    Ramalan Yéhuwah ngirim ’utusan’ sing ”ngrata dalan” sakdurungé Kratoné Gusti Allah mulai mréntah. Wong-wong kuwi diutus kanggo ”martakaké kabar kabungahan marang para wong kang nandhang sangsara”.

    Peristiwa sing kelakon Kèt taun 1870, Sedulur Russell lan kanca-kancané sinau Alkitab bareng-bareng merga péngin ngerti wulangan sing bener saka Alkitab. Ing taun 1881, wong-wong kuwi sadhar nèk umaté Yéhuwah kudu nginjil. Wong-wong kuwi nerbitké artikel sing judhulé ”Butuh 1.000 Penginjil” lan ”Dilantik kanggo Nginjil”.

  • Ramalan 4.

    Ayat Mat. 13:24-30, 36-43

    Ramalan Ana mungsuh sing nyebarké winih alang-alang ing antarané gandum. Akibaté, gandum lan alang-alang dadi angèl kanggo dibédakké. Ing mangsa panèn, alang-alang dipisahké saka gandum.

    Peristiwa sing kelakon Kèt taun 1870, awaké dhéwé isa ngerti sapa sing dadi umaté Yéhuwah lan sapa sing dadi wong Kristen sing palsu. Ing wekasaning jaman, umaté Yéhuwah diklumpukké ing jemaat Kristen lan ora dadi bagéan saka wong Kristen palsu.

  • Ramalan 5.

    Ayat Dn. 2:31-33, 41-43

    Ramalan Patung sing digawé saka logam sing béda-béda, nduwé sikil sing digawé saka campuran wesi lan lempung.

    Peristiwa sing kelakon Lempung nggambarké wong-wong sing manggon ing dhaérah kekuasaané Inggris lan Amerika, ning wong-wong kuwi ora setuju karo keputusané pamréntah-pamréntah kuwi. Akibaté, pamréntah Inggris lan Amerika dadi ora isa bébas wektu nggunakké kekuasaané.

  • Bagéan 2, nduduhké ramalan-ramalan sing kelakon ing taun 1919 nganti 1945. Inggris lan Amerika dadi raja selatan lan Jerman dadi raja utara nganti taun 1945. Ramalan 6: Ing taun 1919, wong-wong Kristen sing diurapi roh suci diklumpukké ing jemaat lan umaté Yéhuwah saya semangat lan terus martakké injil. Ramalan 7: Ing taun 1920, Liga Bangsa-Bangsa dibentuk lan terus ana nganti Perang Donya II dimulai. Gambar liyané: Ramalan 1, kéwan buas sing endhasé pitu kuwi isih ana. Ramalan 5, sikilé patung sing digawé saka wesi lan lempung kuwi isih ana. Ing taun 1939 nganti taun 1945, Perang Donya II kelakon. Peristiwa-peristiwa sing ana pengaruhé kanggo umaté Yéhuwah: Ing taun 1939 nganti taun 1945, ana luwih saka 11.000 Seksi Yéhuwah ing Jerman sing dipenjara. Ing taun 1939 nganti taun 1945, kira-kira 1.600 Seksi Yéhuwah ing Inggris dipenjara. Ing taun 1940 nganti taun 1944, Seksi-Seksi Yéhuwah ing Amerika Serikat dianiaya nganti luwih saka ping 2.500.
    Ramalan 6.

    Ayat Mat. 13:30; 24:14, 45; 28:19, 20

    Ramalan ”Gandum” diklumpukké ”ing gudhang” lan ”budhak sing setya lan wicaksana” dilantik karo ”majikané”. ’Kabar apik bab Kratoné Gusti Allah’ mulai diwartakké ”ing saklumahing bumi”.

    Peristiwa sing kelakon Ing taun 1919, budhak sing setya dilantik kanggo ngurusi kebutuhané umaté Yéhuwah. Hasilé, umaté Yéhuwah dadi saya semangat kanggo martakké injil. Saiki, Seksi-Seksi Yéhuwah nginjil ing luwih saka 200 negara lan nyedhiakké publikasi sing dhasaré Alkitab ing luwih saka 1.000 basa.

  • Ramalan 7.

    Ayat Dn. 12:11; Why. 13:11, 14, 15

    Ramalan Kéwan buas sing sunguné loro ngongkon wong-wong ing bumi kanggo nggawé ”patungé kéwan buas” lan mènèhi ”napas marang patung” kuwi.

    Peristiwa sing kelakon Inggris lan Amerika kerja sama kanggo mbentuk Liga Bangsa-Bangsa sing didhukung karo negara-negara liya. Saka taun 1926 nganti 1933, raja utara ya dadi anggotané Liga Bangsa-Bangsa. Wektu kuwi, wong-wong percaya nèk Liga Bangsa-Bangsa isa nggawé donya iki dadi ayem lan tentrem. Saiki, akèh wong ya mikir sing padha soal PBB. Padahal, mung Kratoné Gusti Allah sing isa nindakké kuwi.

  • Bagéan 3, nduduhké ramalan-ramalan sing kelakon ing taun 1945 nganti 1991. Inggris lan Amerika dadi raja selatan. Uni Soviet lan negara-negara sing dadi balané dadi raja utara nganti taun 1991. Sakwisé kuwi, sing dadi raja utara yaiku Rusia lan negara-negara sing dadi balané. Ramalan 8: Ledakan bom atom sing nggambarké kerusakan sing disebabké karo Inggris lan Amerika. Ramalan 9: Ing taun 1945, PBB dibentuk kanggo ngganti Liga Bangsa-Bangsa. Gambar liyané: Ramalan 1, kéwan buas sing endhasé pitu kuwi isih ana. Ramalan 5, sikilé patung sing digawé saka wesi lan lempung kuwi isih ana. Ramalan 6: Ing taun 1945, jumlahé penginjil ana luwih saka 156.000 wong. Ing taun 1991, jumlahé penginjil luwih saka 4.278.000 wong. Peristiwa-peristiwa sing ana pengaruhé kanggo umaté Yéhuwah: Ing taun 1945 nganti 1951, éwonan Seksi Yéhuwah sing ana ing Uni Soviet dibuwang menyang Siberia.
    Ramalan 8.

    Ayat Dn. 8:23, 24

    Ramalan Raja sing wajahé medèni nyebabké ”karusakan kang nggegirisi”.

    Peristiwa sing kelakon Inggris lan Amerika matèni akèh wong lan nyebabké akèh kerusakan. Misalé, pas Perang Donya II, Amerika Serikat nggunakké bom atom kanggo ngalahké mungsuhé Inggris lan Amerika. Kerusakan sing disebabké karo bom atom kuwi bener-bener parah lan durung tau kelakon sakdurungé.

  • Ramalan 9.

    Ayat Dn. 11:31; Why. 17:3, 7-11

    Ramalan Kéwan buas sing sunguné sepuluh lan ”wernané abang mbranang” metu saka jurang sing jero banget. Dhèwèké kuwi raja sing kewolu. Ing ramalané Danièl, raja iki disebut ”kang ora pantes kang ngrerusak”.

    Peristiwa sing kelakon Pas Perang Donya II, Liga Bangsa-Bangsa ora nindakké apa-apa. Sakwisé perang, bangsa-bangsa ”nganakaké”, utawa mbentuk PBB. Kaya Liga Bangsa-Bangsa, akèh wong ya nganggep nèk PBB isa nindakké apa sing bakal ditindakké karo Kratoné Gusti Allah. PBB bakal nyerang agama palsu.

  • Bagéan 4, nduduhké ramalan-ramalan sing kelakon ing jaman saiki nganti Armagédon. Inggris lan Amerika dadi raja selatan. Rusia lan negara-negara sing dadi balané dadi raja utara. Ramalan 10: Bangsa-bangsa ngumumké ’tentrem lan aman’. Sakwisé kuwi, sengsara gedhé dimulai. Ramalan 11: Bangsa-bangsa nyingkirké kabèh organisasi sing ana hubungané karo agama palsu. Ramalan 12: Bangsa-bangsa bakal nyerang umaté Yéhuwah. Wong-wong sing bakal dadi raja karo Yésus dikumpulké ing swarga. Ramalan 13: Armagédon. Sing nunggang jaran putih bakal ngrampungké perangé. Kéwan buas sing endhasé pitu kuwi dihancurké; patung sing sikilé digawé saka wesi lan lempung dihancurké. Gambar liyané: Ramalan 1, kéwan buas sing endhasé pitu kuwi isih ana nganti Armagédon. Ramalan 5, sikilé patung sing digawé saka wesi lan lempung kuwi isih ana nganti Armagédon. Ramalan 6, saiki jumlahé penginjil luwih saka 8.580.000 wong. Peristiwa-peristiwa sing ana pengaruhé kanggo umaté Yéhuwah: Ing taun 2017, Seksi-Seksi Yéhuwah ing Rusia dipenjara lan bangunan-bangunan duwèké kantor cabang disita.
    Ramalan 10 lan 11.

    Ayat 1 Tés. 5:3; Why. 17:16

    Ramalan Bangsa-bangsa ngumumké ”tentrem lan aman”. Terus, ”sepuluh sungu” lan ”kéwan buas” nyerang lan nyirnakké ”pelacur kuwi”. Sakwisé kuwi, bangsa-bangsa bakal dihancurké.

    Peristiwa sing kelakon Bangsa-bangsa bakal nganggep nèk dhèwèké wis berhasil nggawé ndonya iki dadi ayem lan tentrem. Terus, bangsa-bangsa sing dadi bagéan saka PBB bakal nyingkirké kabèh organisasi sing ana hubungané karo agama palsu. Kuwi dadi tandha nèk sengsara gedhé wis dimulai. Sengsara gedhé bakal rampung sakwisé Yésus nyirnakké bagéan-bagéan liyané saka donyané Sétan pas Armagédon.

  • Ramalan 12.

    Ayat Yk. 38:11, 14-17; Mat. 24:31

    Ramalan Gog bakal nyerang umaté Yéhuwah. Terus, para malaékat bakal nglumpukké ”wong-wong pilihané” Gusti Allah.

    Peristiwa sing kelakon Raja utara lan bangsa-bangsa liyané bakal nyerang umaté Yéhuwah. Sakwisé serangan kuwi kelakon, wong-wong sing bakal dadi raja karo Yésus diklumpukké ing swarga.

  • Ramalan 13.

    Ayat Yk. 38:18-23; Dn. 2:34, 35, 44, 45; Why. 6:2; 16:14, 16; 17:14; 19:20

    Ramalan ’Sing nunggang jaran putih’ bakal ”ngrampungké perangé” sakwisé dhèwèké ngalahké Gog lan pasukané. Terus, ”kéwan buas . . . kuwi dicemplungké urip-urip menyang danau geni sing mulad-mulad” lan patung sing digawé saka logam sing béda-béda kuwi akhiré ya mèlu hancur.

    Peristiwa sing kelakon Umaté Yéhuwah bakal dislametké karo Yésus sing wis dadi raja Kratoné Gusti Allah. Yésus, wong-wong sing dadi raja bareng karo dhèwèké, lan para malaékat bakal nyirnakké bangsa-bangsa sing nyerang umaté Yéhuwah. Akhiré, donya iki wis ora dikuwasani karo Sétan manèh.

    Wacan Basa Jawa (2013-2025)
    Metu
    Mlebu
    • Jawa
    • Kirim
    • Pengaturan
    • Copyright © 2025 Watch Tower Bible and Tract Society of Pennsylvania
    • Syarat Penggunaan
    • Kebijakan Privasi
    • Pengaturan Privasi
    • JW.ORG
    • Mlebu
    Kirim