Kerajaané Gusti Allah Kuwi Apa?

ALKITAB KANDHA

”Gusti Allah sing nguwasani swarga bakal ngedegké kerajaan sing ora bakal dihancurké.”​—Danièl 2:44, Terjemahan Donya Anyar.

”Kerajaané Gustiné awaké dhéwé lan Kristusé saiki wis mréntah donya.”​—Wahyu 11:15.

MANFAATÉ NGERTI SOAL KUWI

Njenengan dadi ngerti nèk

• ana pamréntahan sing jujur lan adil (Yésaya 48:17, 18),

• ana harapan isa séhat terus lan urip bahagia ing donya anyar (Wahyu 21:3, 4).

SING DITULIS ING ALKITAB ISA DIPERCAYA

Alesané ana loro:

• Yésus wis nduduhké apa sing bakal ditindakké Kerajaané Gusti Allah. Yésus ngongkon murid-muridé ndonga bèn Kerajaané Gusti Allah ndang teka lan sing dikarepké Gusti Allah kelakon ing bumi. (Matius 6:9, 10) Sukmbèn, Yésus dadi raja Kerajaané Gusti Allah.

  Pas ing bumi, Yésus wis nduduhké nèk dhèwèké isa mènèhi mangan wong akèh, marèkké wong lara, lan nguripké wong mati. (Matius 15:29-38; Yohanes 11:38-44) Kuwi kabèh nduduhké nèk Kerajaané Gusti Allah isa ngatasi kabèh masalahé manungsa lan donga sing diwulangké Yésus mau bakal kelakon.​—Wahyu 11:15.

• Keadaané donya mbuktèkké nèk Kerajaané Gusti Allah ora suwé manèh bakal teka. Yésus tau ngomong nèk sakdurungé Kerajaané Gusti Allah nggawé donya iki dadi ayem tentrem, ing endi-endi bakal ana perang, kelaparan, lan gempa bumi.​—Matius 24:3, 7.

  Kuwi wis kelakon saiki. Dadi, awaké dhéwé isa yakin nèk Kerajaané Gusti Allah bakal ndang ngrampungi kabèh masalah.