PELAJARAN 4

Nggunakké Ayat Alkitab

Matius 22:41-45

RINGKESAN: Kudu ana kata pengantar sakdurungé macakké ayat.

Terangna alesané macakké ayat. Wektu arep macakké ayat, awaké dhéwé isa mbantu sing ngrungokké bèn ngerti hubungané ayat kuwi karo topik sing dirembug.

Terangna latar belakangé ayat kuwi. Wektu nerangké sapa sing ngomong ing ayat kuwi utawa sapa sing nulis ayat kuwi, katrangané kudu bener.
Duduhna nèk penjelasané awaké dhéwé saka Alkitab. Wektu ngomong karo wong sing percaya karo Gusti Allah, wacakna Alkitab bèn wong kuwi ngerti pandhangané Gusti Allah.
Duduhna manfaaté ayat sing diwaca. Gunakna pitakonan sing jawabané ana ing ayat sing arep diwaca, sebutna masalah sing jalan keluaré ana ing ayat kuwi, utawa terangna pathokan Alkitab sing ana ing ayat kuwi.

Pikirna apa waé sing wis dipahami wong sing ngrungokké soal topik lan ayat sing arep dirembug. Topik utawa ayat Alkitab sing wis kerep dirembug isa dijelaské luwih cetha manèh.