Apa Kandhané Alkitab?
Apa Gusti Allah njawab kabèh donga?
APA GUSTI ALLAH NJAWAB DONGANÉ . . .
Wong kabèh
Ora kabèh wong
Ora ana sing dijawab
KANDHANÉ ALKITAB
”Yéhuwah celak karo saben wong . . . kang sesambat marang Panjenengané kalawan setya.”—Jabur 145:18.
APA MANÈH SING ISA DISINAONI SAKA ALKITAB?
Wong-wong sing ora manut marang Gusti Allah dongané ora dimirengké. (Yésaya 1:15) Ning nèk wong-wong kuwi mertobat, Gusti Allah bakal mirengké dongané.—Yésaya 1:18.
Dongané awaké dhéwé bakal dijawab nèk cocog karo kersané Gusti Allah sing dicathet ing Alkitab.—1 Yokanan 5:14.
Wektu ndonga, posisiné kudu piyé?
ANA SING PERCAYA nèk wektu ndonga kita kudu sujud, ndhingkluk, utawa tangané nggegem. Piyé nurut panjenengan?
KANDHANÉ ALKITAB
Gusti Allah nampa dongané wong sing ngadeg, jèngkèng, sujud, utawa lungguh. (1 Babad 17:16; 2 Babad 30:27; Ézra 10:1; Para Rasul 9:40) Gusti Allah ora nuntut posisi kusus wektu ndonga.
APA MANÈH SING ISA DISINAONI SAKA ALKITAB?
Gusti Allah mirengké dongané wong sing andhap asor.—Jabur 138:6.
Panjenengan isa ndonga nganggo basa apa waé, utawa malah mung dibatin.—2 Babad 6:32, 33; Néhémya 2:1-6.