DITRAPKÉ WEKTU NGINJIL | TAMBAH BAHAGIA WEKTU NGINJIL
Bantunen sing Sinau Alkitab Bèn Teka ing Pertemuan Ibadah
Kanggoné umaté Yéhuwah teka ing pertemuan ibadah kuwi penting. (Mzm 22:22) Kabèh sing mèlu ngibadah karo umaté Yéhuwah bakal seneng lan éntuk akèh manfaat. (Mzm 65:4) Nèk sing sinau ajeg teka ing pertemuan ibadah, dhèwèké isa tambah cedhak karo Yéhuwah lan akhiré péngin mèlu nglayani.
Piyé carané bèn sing sinau gelem teka ing pertemuan ibadah? Ajaken terus. Setèlna vidéo Ana Acara Apa Waé ing Balé Ibadah? Jelasna apa waé manfaaté teka ing pertemuan ibadah. (lff pelajaran 10) Njenengan isa nyritakké hal-hal menarik sing tau dibahas ing pertemuan ibadah. Terus, njenengan ya isa nyritakké apa waé sing bakal dibahas ing pertemuan ibadah berikuté. Wènèhana bahan sing arep dibahas. Njenengan ya isa takon, misalé apa dhèwèké perlu dijemput. Mémang njenengan kudu berupaya. Tapi, njenengan mesthi seneng nèk akhiré sing sinau gelem teka ing pertemuan ibadah.—1Kor 14:24, 25.
DELOKEN VIDÉO MBANTU WONG SING SINAU ALKITAB KANGGO TEKA ING PAKUMPULAN IBADAH, TERUS JAWABEN PITAKONAN-PITAKONAN IKI:
Piyé critané kok Nita isa ngundang Sari teka ing pertemuan ibadah?
Ngapa kok awaké dhéwé isa seneng wektu sing sinau gelem teka ing pertemuan ibadah?
”Gusti Allah pancèn ndhukung kowé”
Piyé perasaané Sari pas pertama kali teka ing pertemuan ibadah?