Uripé Njenengan Isa Pénak

Mbiyèn, Yéhuwah tau ngandhani umaté piyé carané bèn uripé isa pénak. Dhèwèké ngomong, ”Aku wis mènèhi kowé pilihan, urip apa mati, berkah apa kutukan. . . . Kowé lan keturunanmu kudu milih urip bèn isa tetep urip.”​—Pangandharing Torèt 30:19.

Dadi kaya umaté Yéhuwah jaman mbiyèn, nèk péngin uripé pénak awaké dhéwé saiki kudu milih sing bener. Menurut Alkitab kuwi berarti awaké dhéwé kudu ’nresnani Yéhuwah, ngrungokké omongané’.​—Pangandharing Torèt 30:20.

CARANÉ PIYÉ?

SINAU ALKITAB: Nèk sinau Alkitab, njenengan isa kenal karo Yéhuwah. Njenengan isa ngerti nèk Yéhuwah kuwi apikan lan péngin njenengan bahagia. Dhèwèké ya péngin njenengan ndonga merga ”Dhèwèké perduli” karo njenengan. (1 Pétrus 5:7) Nèk njenengan terus nyedhak karo Yéhuwah, Dhèwèké ya ”bakal nyedhak” karo njenengan.​—Yakobus 4:8.

NGETRAPKÉ SING WIS DIPELAJARI: Ngrungokké Gusti Allah kuwi maksudé manut karo naséhaté sing ditulis ing Alkitab. Hasilé, ”sing mbok tindakké bakal berhasil lan kowé dadi wong sing wicaksana”.​—Yosua 1:8.