Apa Panjenengan Ngerti?

Kenapa masuk akal nèk wong Israèl éntuk milih arep mènèhké manuk derkuku utawa manuk dara?

NURUT Hukum Musa, wong Israèl sing arep mènèhi persembahan éntuk milih arep mènèhi manuk derkuku utawa manuk dara. (Km. 1:14; 12:8; 14:30) Aturan iki masuk akal merga ing Israèl ora selalu ana manuk derkuku. Kok isa?

Manuk derkuku biasané ana ing Israèl pas musim panas. Tapi pas sasi Oktober, manuk derkuku bakal mabur ngidul kanggo nggolèk panggonan sing luwih panas. Terus sakwisé musim dingin rampung, manuk derkuku lagi mulih ing Israèl. (Kid. 2:11, 12; Yér. 8:7) Dadi nèk pas musim dingin, mesthiné angèl nèk wong Israèl arep mènèhké manuk derkuku dadi persembahan.

Ning manuk dara ora kaya ngono. Manuk dara selalu ana ing Israèl sepanjang taun. (Bandhingna karo Yohanes 2:14, 16.) Buku Bible Plants and Animals nyebutké nèk ”ing Palestina akèh sing ngingu manuk dara. Biasané, ing saben omah ana bolongan ing témboké kanggo sarang manuk dara”. Dadi merga nggolèké gampang, wong Israèl ora kangèlan nèk arep mènèhké manuk dara dadi persembahan.​—Bandhingna karo Yésaya 60:8.

Dadi apa kesimpulané? Nèk ora ana manuk derkuku, wong Israèl isa mènèhké manuk dara dadi persembahan. Iki bukti nèk Yéhuwah kuwi Gusti Allah sing ora kaku lan apikan.