Pengalaman

Nduwé Rasa Mesakké

Ing Selandia Baru, ana sedulur wédok sing nonton vidéo Ayo Padha-Padha Nggatèkké ing jw.org. Ing vidéo kuwi dibahas nèk Yéhuwah ora mung mesakké tapi ya gelem ngekèki bantuan. (Yés. 63:​7-9) Sedulur wédok kuwi dadi péngin niru Yéhuwah kanggo mbantu wong liya. Pas lagi blanja, dhèwèké ketemu karo wong wédok gelandhangan. Dhèwèké nawani arep nukokké panganan, lan wong wédok kuwi gelem. Pas ngekèkké panganané, dhèwèké nyritani wong wédok kuwi soal Yéhuwah, terus ngekèki selebaran Apa Kesusahan Bakal Ana Terus?

Wong wédok kuwi langsung nangis. Dhèwèké crita nèk sakjané dhèwèké ya digedhèkké ing keluarga Seksi Yéhuwah. Tapi, wis bertaun-taun dhèwèké adoh saka Yéhuwah. Nah, akhir-akhir iki dhèwèké ndonga bèn isa akrab manèh karo Yéhuwah. Mula bar dikèki Alkitab lan ditawani sinau Alkitab, dhèwèké gelem.a

Kaya Yéhuwah, awaké dhéwé ya kudu nduwé rasa mesakké karo wong liya. Kuwi termasuk karo keluarga lan para sedulur ing jemaat. Nèk nduwé rasa mesakké, awaké dhéwé ya bakal berupaya ngandhani wong liya soal Yéhuwah.