Bèn Alkitab Bermanfaat Kaya Cermin

Yakobus madhakké Alkitab kaya cermin. Kaya pas lagi ngaca, wektu maca Alkitab, mengko isa ngerti awaké dhéwé iki wong sing kaya apa. (Yak. 1:​22-25) Nah, bèn Alkitab isa bermanfaat kaya cermin, pas maca Alkitab kudu piyé?

Ngematké tenanan. Nèk ngacané mung sekilas, mengko mungkin dadi ora ngerti nèk ana sing reged. Padha kaya ngono, nèk Alkitabé mung diwaca thok tapi ora direnungké tenanan, mengko dadi ora ngerti apa sing kudu diperbaiki.

Ndelok diri sendiri, aja wong liya. Pas ngaca, kadhang awaké dhéwé isa ndelok bayangané wong liya ing cermin kuwi. Nah, aja nganti malah fokus karo sing kurang saka penampilané wong kuwi. Padha kaya ngono, wektu maca Alkitab, aja malah nggolèki salahé wong liya. Soalé, mengko dadi ora ngerti apa sing kudu diperbaiki saka diri sendiri.

Kudu seimbang. Nèk pas ngaca sing didelok èlèké thok, mengko isa dadi cilik ati. Padha kaya ngono, wektu maca Alkitab, nèk sing didelok mung kelemahan thok, mengko ya isa dadi cilik ati. Padahal, Yéhuwah waé ora nuntut awaké dhéwé kudu sempurna.—Mzm. 103:14.