Yaansisalluwwiinka Qortumuwwa
Faaro 12:7 keꞌn “Ati insaꞌnee gollitatton” hitaꞌneexxi hiyya “cuqurtoꞌeeka manna” (laakkoossa 5 keꞌn) yookiin “Yihowwaxxa hiyya” (laakkoossa 6 keꞌn) ifissaaxxee?
Qarqarakeꞌn hedheeki yaadi xiqse tinni manjo ifisaaka yaada abiddeexxa kulaaken.
Faaro 12:1-4, qicoꞌn ‘manji giddiiꞌni addatemeeki manji baꞌeexxa’ haasoꞌaꞌneeka yaada yaansinsannon. Faaro 12:5-7, qicoꞌni maa hiyyeexxa hubatte.
“‘Cuqurtoꞌeeki manni miicematenaaꞌn kexxeexxa,
Hiyyeeyyetinna xekkanatenaaꞌni kexxeexxa,
Tarkaaffe adhdhonnaa keꞌannon hiyyaꞌneen Yihowwa.
‘Tuffetixxe illenni haꞌnoo uudaꞌneeke duuchchanaaꞌni gargaarannon.’
Yihowwaxxi hiyya qullootteexxen;
Faariki giisineeke midiijjaꞌni qulloondeexxe birreshsha, torbaanele caꞌa hiteexxen.
Yihowwaa ati insaꞌnee gollitatton;
Tenne ilanaaꞌni isaꞌnee mitte mittenga heqqitatton.”
Laakkoossi 5 ssoki cuqurtoꞌeeke manniꞌa Mageni maa hiyyeexxa ifisaan. Isi insaꞌnee gargaaraan.
Laakkoossi 6 ittan lebeexxi ‘qulloondeexxe birreshsha Yihowwaxxi hiyya, caꞌa hiteexxen’ hiyyaan. Yihowwaaꞌa hedhaꞌneeki Kirsitaani konne yaada qalbe mitten addataaken.—Faaro 18:30; 119:140.
Faaro 12:7 keꞌn “Yihowwaa ati insaꞌnee gollitatton; tenne ilanaaꞌni insaꞌnee mitti mittiinga baro barokee heqqitatton” hiyyaꞌneeka yaada hubatte. “Insaꞌnee” hitaꞌneexxi hiyya ayyeemanna ifissaaxxe?
Laakkoosi 7 ssoki “Yihowwaxxi hiyya” hiyye safaammaxxee mitti mitti manni “insaꞌnee” hitaaxxi hiyya mageniinxa hiyya ifissaaxxen hiyye hedaaxxinna hexxaan. Ittan Mageno moromaꞌneeki heddi manni Maxaafi Qullichchi manjiinxe angaꞌni geyabaashsha kutateenna balleessatee jabaxxa woꞌlaancho assoolenna Mageni heqqeexxa egenneennen.—Isa. 40:8; 1 Pheexi. 1:25.
Kaddolenna laakkoosi 5 soki haasoꞌaneeki yaadi dhugaatingen. Yihowwa ‘cuqurtoꞌeekanna miicemeeka manna’ gargaaranna fayyisa ittin ediꞌaa sufaan.—Iyyo. 36:15; Faaro 6:4; 31:1, 2; 54:7; 145:20.
Iittate kaddoole laakkoossi 7 soki “insaꞌnee” hiyyaꞌneeki ayyeete?
Tenne faaro hubante uundennexxe kaddoole “insaꞌnee” hitaꞌneexxi hiyya manjo ifissaaxxen.
Faaro 12:1 keꞌn Daawit fuggoke manninni sobendeexxa addatendeexxa Yihowwa ergantoole uuddaaxxa haasoꞌeen. Ittanni, arrabo ifika seeriki laꞌoonfatabaaka manna Yihowwa balleesatee keꞌaaxxa haasoꞌaaka yaada anfanonnon. Yihowwa hiyya isixxi qullittete kaddemmaxxee arda isikee hiyyaa wodda tarkaaffe adhdhaaxxa faaro tinni addantannoshsha assitaan.
Tenneꞌa laakkoosi 7 soki Yihowwa “insaꞌnee” gollaan yookiin heqqaan hiyyaꞌneeki fuggoki manni geesisaꞌneeke miicamanaaꞌni kexxeexxa yaadoti cuqurtoꞌeeke mannan.
Faaro 12:7 keꞌn hedheeki yaadi Mageniinxa hiyya ifisaakebaan. Tinni “insaꞌnee” hitaaxxi hiyya Ibraysixetixxe Maasoorete borroꞌninna afendaan. Giriketixxe Septujeenteꞌn cuqurtoꞌeekanna miicemeeka addatemeeka manna ifisaaki yaadi, laakkoossa 7 keꞌn “noꞌoꞌo” hiyyaaki hiyyichchi lamele afemaan. Laakkoossi 7 muuxamakeꞌn ‘mitti mitti’ addatemeeki manni tenne ilanaaꞌn yookiin elobaaxxa yaane ballisaꞌneeke mannanaaꞌn gargaaremaaxxa haasoꞌaan. (Faaro 12:7, 8) Laakkoossi 7 ki Armayetixxe Targumetixxe tikaꞌni iitta hiyyaan: “Gootta ati qulliyye heqqitatton, tenne fuggoxxe ilanaaꞌni ati insaꞌnee bara barokee golletatton. Munde manjiinxa dundammaxxe ulaa ullashsha fuggaaleeyye duuchchinii darrenaaꞌni meꞌitaan.” Tinni tikanna Faaro 12:7 keꞌn hedheeki yaadi laakkoossa ondekeꞌn hedheeka manna ifissaaxxe maleꞌe, laakkoossa jaanekeꞌn hedheeki yaadi Yihowwaxxa hiyya ifisaake kadebaaxxa addachchiisaaxxen.
Tenneꞌaa tinni xiqse ‘addatemeeke manna’ hiyyaa wodda mageni tarkaaffe adhdhaaxxa tasfa uutaaxxen.