HAFUURA ADHDHA 10
Yihowwaxxe Naqaashexxa Bukkii Mara Atiꞌa maa Laꞌo Affee?
Yihowwaxxe Naqaashexxe bukkiiꞌni afendattoshsha yeꞌendee egendette? Konneechchi edi darre tenne bukkii marte egeꞌna gophphottole, taakkaa martattoxxa yanna sodaattattoxxi hexxaan. Dedha iitta hite qortattoxxi hexxaan: ‘Bukkii akeekendaꞌneeki hittate? Tenne bukkiinxi laꞌo maachcho? Ani okkoo mara hasisseeki mayeete?’ Konne hafuura adhdhaꞌni weliki bukki hiyya Mageniinbaa shiqqattoshsha gargaartaaki hittate kaddeexxanna ataa maa laꞌo affeexxa uundannon.
1. Yihowwaxxi Naqaashe mitteba bukki hitaꞌneeki mayeete?
Mitti Maxaafi Qullichchiinki borreessalli bukkiiteꞌn afematixxa laꞌo haasoꞌaa wodda: “lumoxxe bukkii giddo, Yihowwaa jajannon” hiyyeen. (Faaro 26:12) Iittan weli fakkaattaanxa Yihowwaxxi Naqaashshenna bukkihitaa afendaa wodda gammaddaan. Butta duuchchaꞌn torba torbandeꞌn faarotinna kadhati Mageno jajatee bukki hinaan. Wogga woggandeꞌn lumolla bukkiiꞌn afemmeꞌe Mageno mageneeffantaan.
2. Bukkii noꞌoxxeꞌn afendatto wodda maachcho barattatto?
Bukki hinanno wodda miꞌlachcho assinaanneki Qaale Mageniinxeꞌniten, ‘qaaletinna tikendaa woddanna ifisendaa wodda caqansannon.’ (Nehmiya 8:8 yaansis.) Atinna bukkiiteꞌni afendatto wodda Yihowwaa uuddaaxxanna manbeꞌa assaaka adaba isika barattatton. Isi atee eeyyaꞌnee qico egendaꞌn metattoshshanni, isibaa haranga shiqqaꞌni metatton. Ittan isi eloxxa hedho akeekkattoshsha gargaaraa qico barattatton.—Isayaasi 48:17, 18.
3. Bukkiiteꞌn weliki bukki hiyya atiꞌaa maa laꞌo affee?
Yihowwa ‘weliꞌaan weli jaalalateenna eloxxe hujeꞌaa dadammassa dandeettinaashsha, mitti welekee miꞌlachcho uwwe, bukki hiyyanna bashshi hitinoqqe’ hiyaaka gorsa uwween. (Ibraawiyaane 10:24, 25) Bukkii noꞌoxxeꞌn afendatto wodda weliꞌaan weli qalbeti eeyyaꞌneekenninna atishshanni Yihowwaa uuddaaxxa baratatixxa halcha afeeke manninni afendatton. Insaꞌnenna Maxaafa Qullichchakenaaꞌn jajjabeessaaka yaada haasoonna wodda laqqatton. (Roome 1:11, 12 yaansis.) Ittan rakko injifatee saꞌeeke aadheekenna aadhebaake manninni yanna saꞌissa dandeettatton. Kunni yaaduwwinna Yihowwa bukkiiteꞌn duuchchinii wodda afemmonnaa hasaꞌneeki mayeete kaddeexxa ifisaaken!
BAꞌLAXXA QOꞌNE
Yihowwaxxe Naqaashexxi bukkii maa fakkaattaaxxanna bukkiiteꞌn afema maa laꞌo affeexxa hubat.
4. Yihowwaxxe Naqaashexxa bukkii
Keꞌitiinke dhibbeesso bariki Kirsitaani, Yihowwaa mageneeffatatee duuchchinii wodda mitteba bukki hiyyaamman. (Roome 16:3-5) Qolaasiysi 3:16 yaansis, okkooꞌni qortumakeꞌn mariꞌatte:
Ediki Kirsitaani Yihowwaa mageneeffataammaki hittate?
Taꞌixxe yannaꞌninna Yihowwaxxi Naqaashe Mageneeffachchotee, duuchchcinii wodda mageneeffachchotike galmaꞌn bukkitaan. Bukkii maa fakkaattaaxxa egeꞌnatee, VIIDIYO uudde. Okkooꞌni bukkii leellishshaꞌneexxa fakke uudde, ittan buttiiꞌn hedheeke qortumuwwaꞌn mariꞌatte.
Bukkii akeekendaꞌnee garinna Qolaasiyaasi 3:16 keꞌn yaansissetteki yaadi weli fakkaataꞌneeki hittate?
Viidiyotenaaꞌn yookiin fakketenaaꞌn uuddettexxe yaanenaaꞌn, atee gammachchiisseexxi heente?
Langaka Qorontoosi 9:7 yaansis, okkooꞌni qortumuwwakeꞌn mariꞌatte:
Yihowwaxxe Naqaashexxe bukkiiꞌn maallaqa qora gonphaꞌneeki mayeete?
Barsiisanjo atika tenne torbaꞌn maachcho barantaꞌneexxa qori.
Bukkiiteꞌni shiqqaꞌneexxe barachchonaaꞌn haranga eeteettexxi yookiin atiꞌaa laꞌo affeexxi heente?
Tenne egendeettaꞌa?
Jw.org tenaaꞌn ,butta duuchchaꞌn bukkiitixxi bakka haba afendaaxxanna bukkii akeekendaꞌneeki haanote kaddeexxa egeꞌna dandeettatton.
Bukki noꞌoxxi ardiinka haasoꞌa, ergatenshatixxa leenjo, ittan viidiyuwwat shiqqaaxxa kuta affeexxen. Bukkii saffe muuxendaꞌneeki faarotinna kadhatiten
Mitte mitte bukkiitixxi kuta ardi yaada uwwaaxxen
Mini hadi, bulii afebaaki manji, geedhe ittan oosenna kadde ayinna bukkiiteꞌn afema dandeꞌaan
Bukkii noꞌoxxeꞌn maallaqi qocemabaan. Yihowwaxxi Naqaashe bukkiitibaa eꞌyinaa wodda maallaqa laqqabaan yookiin maremmaꞌn qoncabaan
5. Bukkiiteꞌn afematee woꞌlaancho assa hasissaan
Bukkiiteꞌn afemati Yesuusiki hadi leellisheeka fakkeenna uundo. Insaꞌnenna wogga woggandeꞌn, 100 kiilomeetirebaa geyaaka tarbatika ora Naaziretiiꞌni Iyyerusaalemiꞌaa mageneeffachchotee menaamman. Luqqaasi 2:39-42 yaansisse, okkooꞌni qortumuwwakeꞌni mariꞌatte:
Ora konne duuchcha meꞌa shollaxxebaan hinaanneki mayeete?
Bukkiiteꞌn afendottaa woꞌlaancho assa hasissaꞌneeki mayeete?
Tinni laꞌo affeechcho fakkaattaꞌnee? Mayee?
Maxaafi Qullichchi bukkiiteꞌn afema laꞌo affeexxa haasoꞌaan. Ibraawiyaane 10:24, 25 yaansisse, okkooꞌni qortumakeꞌn mariꞌatte:
Bukkiiteꞌn duuchchinii wodda afema hasissaaki mayeete?
MITTI MITTI MANNI IITTA HIYYAAN: “Manjiki mitteba bukki hiyya hasissabaan. Maxaafa Qullichcha mine ifiꞌaanni qoꞌnissottole gelteꞌeen.”
Yihowwa bukki hinonnaa hasaꞌneexxa leellishshaaxxi Maxaafi Qullichchiinxi xiqse yookiin fakkeenni hoonte?
BUKKASSA
Bukkiiteꞌn afensha Yihowwa uuddaaxxa adda egendattoshsha, isinni affeettexxa firunte adda jabeessexxattoshshanna weliki isoo mageneeffattattoshsha gargaartaan.
Hige Qalliyya
Yihowwa mitteba bukki hinannoshsha jajjabeessaꞌneeki mayeete?
Yihowwaxxe Naqaashexxe bukkiiꞌn maa barattatto?
Bukkiiteꞌn afendatto wodda alfitattoxxi wele laꞌo hexxee?
FIRFIRSI
Bukkiiteꞌn afema sodaattaate? Mitte yanna sodaataammaki manjichchi yannati uduma bukkii eeyyaꞌni meꞌee qico uudi.
Mitti dargaggeessi bukkiiteꞌni afema eeyyaammaki mayeete kaddeexxanna afema ittin sufatee maa asseexxa uundi.
Mitti mitti manji bukkiiteꞌn afema uuddaaxxa maa hiyyeexxa yaansis.
“Bukkiitike Galmaꞌni Bukki Hinaanneki Mayeete?” (Websayateteꞌn fuleeka yaada)
Mitti jalliyyetixxe gamoxxe una kadeemmaki manjichchi, Yihowwaxxe Naqaashexxe bukkiiꞌni afema, hedho isixxa jijjiirteeki hittate kaddeexxa uudi.
“Massaari Haanonna Anga Anxenaaꞌn Gophemaammabaan” (Heqqecatixxa Xellepho, Hageyya 1, 2014)