Ille uushsho Geltaa Wodda Maa Assa Hasissa?

1-2. Heddi manni iille uushsho geltaa wodda maa kadaꞌne? Ifi maa hinee qora dandeennanno?

HEꞌNAANNEXXI butta ille uushsho birasaxxeexxen. Techchixxe yannaꞌni jirotixxe, saaliinxenna gosatixxe buutonni heddo manjoꞌni ille uushsho geltaꞌneen. Maallaqakee calla hafendaꞌneexxi dureeyye yookiini mootummatixxi baallooleeyye heddo manjoꞌni rakko geesissaꞌneen. Iitta hexxeexxi yookiin wele ille uushshotixxi hujuwwa toggichcha yookiin toggichcha kadebaake orinni noꞌoo duuchchiinga miitaꞌneen.

² Techchixxe yannaꞌni buttateꞌni hexxeexxe ille uushshotixxe hujenaaꞌni kexxeexxa heddi manni aaraaꞌnaa uudda manbe assitaaxxe yaanebaan. Noꞌo duuchchiingi nageꞌiinxenna ille uushsho hexxebaaxxe buttaꞌni hedha hansaannen. Mitti mitti manni butta duuchchaꞌni, ittan boga ifikeꞌni jijjiira idagatee woꞌlaanaan. Tenneꞌaa hinaa wodda mootummanna seera iseka morommaan, ittan bogakee jijjiirra idagaani hineeka manjo boga galchoꞌaa mellinaan. Noꞌo kinni Kirsitaana kandennaxxeꞌe, ‘buttatixxe kuta’ kandeebeꞌnoxxanna Mageniinxi muutumma buttatenaaꞌni ille uushsho balleessitaa qicoꞌni heqqedha hasissaaxxa baranteennen. (Yoh. 17:16) Kaddoolenna mitte mitte yanna wele manjo miincaaꞌnaa uundanno wodda yaandannoxxi yookiin aarrannoxxi hexxaan. Ifi iitta hine qora dandeennannon: ‘Iitta hexxeexxi yaane kaddaa wodda maa assa dandeꞌanno? Ille uushsho uuddaaxxa taꞌixxe yannaꞌni assa dandeꞌannoxxi yaane hexxee?’ Konne qortumika hiissichcho uudateꞌe manjokeꞌni ille uushsho geltaa wodda Yihowwaꞌninna Yesuusiꞌni maachchi laqemaꞌneexxa uundo.

YIHOWWANNA YESUUSI ILLE UUSHSHO EENABAAN

3. Ille uushsho manjokeꞌni geltaaꞌnaa uundanno wodda aara manbeꞌa assitaaxxe yaanebaani hinaanneki mayeete? (Isayaasi 5:7)

³ Maxaafi Qullichchi manjokeꞌni ille uushsho geltaaꞌnaa uundanno wodda yaada yookiin aara manbeꞌa assitaaxxe yaane kaddeebaaxxa haasoꞌaan. Isinna Yihowwa fakke ifixxeꞌni noꞌoo dadeexxanna ‘qullummanna dhugaate kaddeexxa yaane eeyyaaxxa’ ifisaan. (Far. 33:5; Dad. 1:26) Isi ille uushsho kaddeexxa yaane ijjenda assabaan. Ittan ayyinna ille uushsho welekeꞌni geesisoꞌaa hasaꞌnebaan! (Zed. 32:3, 4; Mik. 6:8; Zek. 7:9) Fakkeennakeꞌe, wabeekichcho Isayaasike baroꞌni, heddi Israꞌeelooti bogi insaꞌnengingi manni geesisaammake miicaminaaꞌni kexxexxa raarraammaxxa “rakkotixxa raare” Yihowwa laqeemman. (Isayaasi 5:7 yaansis.) Yihowwa Seera isika higge higgeeni ulfeessaammabaakenna manjo miicaammake mannaꞌni tarkaaffe adhdheemman.—Isa. 5:5, 13.

4. Wengeeleteꞌni hedheeki raagi, Yesuusi ille uushshotee hitta hexxeexxa uushsho afeemmaxxa leellisha? (Fakketanna uudi.)

⁴ Yesuusinna Yihowwashshanni dhugaate kaddeexxa yaane eeyyaan, ille uushsho kinni gibaan. Isi buttateꞌni ergatemaamma wodda anga naafeeka mitte manjichcho uudeen. Yesuusi konnee manjichcho fayyisateꞌe haseemman, fuggoxxa qalbe affeemmaxxi addetixxi akeekisanoole kinni, tennee yaane uudeꞌe yoꞌoshsha aarteen. Insaꞌnee irraan caala yaadissaammaxxi yaane rakkoteꞌni hedheeka manjo gargaarate kaddebaaki, Sanbatiinxe barrake seeriꞌaa anfeemmaxxe seeri beloxxe uushshon. Insaꞌne assinaammaxxe yaaneꞌaa Yesuusi maa uushsho afeemmaꞌa? ‘Qalbe insaꞌnexxi duuddexxe kaddemmaxxeꞌe’ yaadeemman.—Mar. 3:1-6.

5. Ille uushshotenaaꞌni kexxeexxa aara uuddaaxxa qalliyya hasissaaxxi yaane maachcho?

⁵ Yihowwanna Yesuusi manjokeꞌni ille uushsho geltaaꞌnaa uunda wodda aarraan. Tenneꞌaa noꞌonna aarronnole dedhakebaan. (Eff. 4:26) Kaddomaleꞌe, fedheeshshanna aarronnole buttatenaaꞌni ille uushsho balleessa dandeennabeꞌnoxxa qalliyya hasissaan. Matanga sara saxxeexxi aare yaadiki miidhemmannoshshanna ela-gonphannoshsha assitaan. (Far. 37:1, 8; Yaq. 1:20) Tenneꞌaa noꞌoꞌni ittan welekeꞌni ille uushsho geltaa wodda maa assa hasissa? Yesuusike fakkeennanaaꞌni heddo yaane barantannon.

YESUUSI WELEKEꞌNI ILLE UUSHSHO GELTAAꞌNAA UUDAAMMA WODDA MAA ASSEEMMAꞌA?

6. Yesuusi butta hedhemma wodda hitta hexxeexxe ille uushsho hujendaammaꞌa? (Fakketanna uudi.)

⁶ Yesuusi buttateꞌni hedhemma wodda buttateꞌni jabaxxi ille uushsho hujendaaꞌnaa uudeen. Addetixxi akeekisanoole insaꞌne hunda hedheeka manna miiccaꞌnaa uudeen. (Mat. 23:2-4) Roomike bogixxi baalloleeyyenna arda hittee qico eloba garinni abiddaaꞌna hubateen. Heddi Ayhuudooti Roomixxe galchake miiccamanaaꞌni fulatee hasaamman. Mitti mitti manni Ziiloote hiyyendaaxxe gamonni welti higeexxi, miiccamaakenaaꞌni fulateꞌe, Roomixxa Mootumma lolaamman. Kaddomaleꞌe, Yesuusi ardi jijjiirra idagatee assaammaxxe leleꞌmaꞌni anga uggeemmabaan yookiin kiphaammabaan. Ittan ardi isoo baallonsateꞌe, hasemmaxxa egeꞌneexxa yanna, gibeexxi gamakeꞌni higeen.—Yoh. 6:15.

7-8. Yesuusi buttateꞌni hedhemma wodda ille uushsho balleessateꞌe woꞌlaana gopheeki mayeete? (Yohaannisi 18:36)

⁷ Yesuusi buttateꞌni hedhemma wodda poletikakeꞌni eꞌyeꞌe ille uushsho balleesateꞌe woꞌlaaneemmabaan. Mayee? Buutotinna isi manjiinki belti ifiꞌaani ifi galchatixxa mabitenna dandeette afebaaxxa egeꞌneemman. (Far. 146:3; Er. 10:23) Manjiinki belti ille uushshoteꞌe buuto kaddeexxa yaane balleessa dandeꞌabaan. Butta galchaꞌneeki shiyallokenna manji ille uushsho hujaashsha assaꞌneeke Seexana Dabiloositen. (Yoh. 8:44; Eff. 2:2) Ittan heddi eloxxa uushsho afeeki manni buttatenaaꞌni ille uushsho balleessateꞌe woꞌlaanoolenna qulliyete kada gonphemmaxxeꞌe balleessa dandeenneebaan.—Mek. 7:20.

⁸ Yesuusi ille uushshoteꞌe buuto kaddeexxa yaane duuchcha balleessitaaxxi Mageniinxe Mootumma calla kaddeexxa egeꞌneemman. Isi “Mageniinxe Mootummaxxa gammachchiissaaxxa odo lassateenna [lallabateꞌe]” yannanna hunna isixxa laꞌoonfataammaki tenneꞌaaten. (Luq. 8:1) Yesuusi “Qullumma soloꞌwaakeenna dheeboꞌaake manniꞌaa” fuggoxxi yaanenna ille uushsho hexxabaaxxi yanna dagaaxxa kokesseꞌeen. (Mat. 5:6; Luq. 18:7, 8) Kaddomaleꞌe, tinni yaane kaddaashsha assitaꞌneexxi manjiinxe mootumma kaddebaaki, ‘tenne buttaxxe kuta kaddebaaxxe’ iimixxe Mageniinxe mootumman.—Yohaannisi 18:36 yaansis.

ILLE UUSHSHO GELTAA WODDA YESUUSIKA FAKKEENNA HORDOFFE

9. Ille uushsho balleessitaaxxi Mageniinxe Mootumma calla kaddeexxa addattattoshsha assiteexxi yaane maachcho?

⁹ Heꞌnaanneki Yesuusi buttateꞌni hedhemmake bari irra ille uushsho bira saxxeeke baroꞌniten. Seexaninna fuggoki manni tenne “muuxamiinxe barruwwaꞌni” ille uushsho bira saxxaashsha assa ittin sunfeen. (2 Xi. 3:1-5, 13; Lel. 12:12) Noꞌonna Yesuusishshanni ille uushshoteꞌe, buuto kaddeexxa yaane duuchcha balleessitaaxxi Mageniinxe mootumma kaddeexxa egenneennen. Buutotinna Mageniinxa Mootumma woꞌma qalbenni kinphaannaxxeꞌe, tenne buttaxxa mootumma addantabeꞌnon ittan morommabeꞌnon. Isitansia hiyyendaaxxe dayyoxxa hedhotixxa baranno uundo. Ise dhugaa barattebaa edi darre ardakee jijjiirra idangannoni hiyyaꞌneeke manninni googeessa fuldaamman. Kaddomaleꞌe, heenoxxe yanna uduma ise assitaꞌneexxi yaane ardiinxa rakko tikkaaxxe kaddeebaaxxa hubatteen. Isenna iitta hiteen: “Fulleꞌe mootumma morommaannaxxa yanna ‘assaannexxi yaane seeriinxe?’ hiyyaꞌni ifi qoraannan. Taꞌa Mageniinxe mootumma kiphaannen, assaannexxi yaanenna seeriinxe kaddeexxa egeꞌneennen. Ani assannoxxe yaane irra Yihowwa buttatenaaꞌni fuggoxxa yaane balleessaaxxa egeꞌneennen.”—Far. 72:1, 4.

10. Matwoosi 5:43-48 xxe hundaayyeshsha mootummatanna seera iseka moromatee woꞌlaana hasissaꞌnebaaki mayeete? (Fakketanna uudi.)

¹⁰ Techchixxe yannaꞌni heddi ardakee jijjiirra idangannoni hiyyaꞌni mootumma moromaꞌneeki manni, tenne yaane assaꞌneeki aareti, seerakee ajajema gibatinna wele manjo miidhaꞌniten. Tinni yaane kinni Yesuusi barsiiseexxe barachchonni welti qabbaaxxebaan. (Eff. 4:31) Jeefiri hiyyemaaki mitti dayyi: “Mootumma moromateꞌe fulaaki manni, keekkatebaangi aareexxi, lola safaaxxa, karra manjiinxa saamaaxxanna weliꞌaani weli miidhaaxxa hubateennen” hiyyeen. Kaddomaleꞌe, Yesuusi noꞌoo eeyyaꞌneekanna kadi, noꞌoo gibaꞌneeke yookiin noꞌoꞌni shorrichcho geesisaꞌneeka duuchchiinga manjo eenannoshsha barsiiseen. (Matwoosi 5:43-48 yaansis.) Noꞌo Kirsitaana kandennaxxeꞌe, Yesuusi barsiiseexxe barachchonni weli qabbabaaxxa heenee yaanenna assa gophatee dandeennennexxa yaane duuchcha assinannon.

11. Mitte mitte wodda Yesuusika fakkeenna hordofa haꞌurtaaki mayeete kada dandeetta?

¹¹ Mageniinxi Mootumma baro barokeꞌe ille uushsho balleessitaaxxa egennonnolenna, ille uushsho noꞌoꞌni geltaa wodda Yesuusika fakkeenna hordofa haꞌurtaaxxi hexxaan. Bifa isexxenaaꞌni kexxeexxa manji isee fojaammaxxe Jaaniyaka fakkeenna uundo. Jaaniya iitta hiteen: “Yoꞌoshsha aaraannan. Qalbe anxinna miidhendeemmman, ittan ille uushsho aneꞌni geesisaammake mannaꞌni halo hiissedhonnaa hasaannan. Okkooꞌni gosuntenna miiccama gatisateꞌe leleꞌma assitaꞌneexxa mitte gollo kiphatee hedennen. Aare fulateꞌe kunni ori aneꞌni eloke fakkaateemman.” Udumiiꞌni Jaaniya tinni elobaaxxe hedino kaddeexxa hubatteen. Isenna “Yihowwaꞌni addatati irra manjo addatati hedino anxa manji akeekoꞌaa waaleennan. Kaddoolenna ettene gollonni mittooma waalennen” hiteen. Noꞌoꞌni yookiin wele manjoꞌni ille uushsho geltaa wodda aarrannoxxi hexxaan, kaddomleꞌe aare quba saxxeꞌe buttatixxe gamo kandannoshsha assitabaashsha xexxeꞌata hasissaan.—Yoh. 15:19.

12. Yaansinsannoxxa, uundannoxxanna caqansannoxxa yaanuwwa mella eloxxe kaddeeki mayeete?

¹² Ille uushsho geltaa wodda ifi hirrannoshsha noꞌoo gargaartaaxxi yaane maachcho? Heddi manni yaansisaaxxa, uudaaxxanna caqasaaxxa yaanuwwa mella eloxxe kaddeexxa hubateen. Mitti mitti miidiyuwwi ille uushshoti abidendeexxa arda dammassitaaxxanna ardi mootumma moromaashsha assitaaxxa yaanuwwa saꞌissaan. Heddo gaazexaꞌni dhugaati kaddeexxe yaane kaddebaaki ifiꞌaa hendeexxa yaane dhariki borreessinaan. Miidiyuwwakenaaꞌni lanqennexxi yaane dhugaate kaddoolenna ettenee yaane duchchinii wodda heda noꞌaa laꞌo affee? Iitta hedheeka tarjuwwa duuchchinii wodda heda aarraꞌninna adde wonxaꞌni menannoshsha assitaan. (Fak. 24:10) Matanga butta duchchanaaꞌni ille uushsho balleessitaaxxi Mageniinxe Mootumma kaddeexxa deenannoxxinna hexxaan.

13. Ille uushshotee toggitte kaddeexxa uushsho anfannoshsha Maxaafa Qullichcha duuchchinii wodda yaansisatixxi eloxxi aada gargaartaaki hittate?

¹³ Maxaafa Qullichcha duuchchinii wodda yaansisatixxi eloxxi aadanna yaansinsennexxa yaane alalcha, ille uushsho dandeenne heꞌnannoshsha gargaartaan. Aliya hiyyendaꞌneexxi dayyo gosa isexxeꞌni geyaꞌneeke miiccaminaaꞌni kexxeexxa yoꞌoshsha aartaamman. Gosa isexxeꞌni miiccama geesisaammaki manni asseexxe yaaneꞌaa qoremaammachcho iseꞌni fakkaattaammabaan. Isenna iitta hiteen: “Ofoꞌlennexxi, ‘Yihowwa duuchchiinxa rakko balleessaaxxa dhugaandinni addataanne?’ hiyye ifi qorennen. Iitti yanna Iyyoob 34:22-29 yaansiseennaxxen. Tinni xiqse Yihowwaxxe illenaaꞌni shooma dandeꞌaaki ayyinna hedhebaaxxa qalli hiyyannoshsha assiteen. Dhugaa dassabaaki isoon calla kademmaxxeꞌe, butta duuchchanaaꞌni ille uushsho balleessa dandeꞌaaki isoon callan.” Mageniinxi Mootumma buttatenaaꞌni ille uushsho balleessitaa qicoꞌni, taꞌa ille uushsho geltaaꞌnaanni jabaate ossa hasissaan. Hitta?

TAꞌIXXE YANNAꞌNI ILLE UUSHSHO GELTAA WODDA MAA ASSA DANDEENNANNO?

14. Ille uushsho geltaa wodda maa assa dandeennanno? (Qolaasiysi 3:10, 11)

¹⁴ Wele manjoꞌni ille uushsho geltabaashsha assa dandeꞌa gonphonnolenna, ille uushsho beloxxa yaane assa kinni dandeennannon. Iimiiꞌni uundennashshanni, welekee jaalala anfeennexxa leellishshati Yesuusika fakkeenna hordonfannon. Tinni jaalala wele manjo, matanga noꞌoꞌni dhiibbe geesisaꞌneenga ulfinniki abindannoshsha tirtirsitaan. (Mat. 7:12; Rom. 12:17) Yihowwa noꞌoꞌni gammadaaki wele manjo baꞌluntetinna ille uushsho belo abindanno woddaten.—Qolaasiysi 3:10, 11 yaansis.

15. Ille uushsho geltaꞌneeke manniꞌaa Maxaafi Qullichchiinxa dhugaa kula maa laꞌo affee?

¹⁵ Ille uushsho geltaꞌneeka manjo gargaarrannoki haranga laꞌo afeeki mitti ori Maxaafi Qullichchiinxa dhugaa barsiissaten. Iitta hinaanneki mayeete? Buutotinna edo fuggoxxa yaane assaammakinna jallichchake kadeemmaki manji Yihowwaa egeꞌnaa wodda jiijjiremeꞌe arja, nageellichchanna jaalala afeeke manjo kada dandeꞌaan. (Isa. 11:6, 7, 9) Jemaalite hiyyemaaki mitti dayyi dhugaa baratebaa edi darre, poletikiinxi mootumma ardakeꞌni miiccama gesissaꞌneechcho isoꞌni labbeemmaxxeꞌe mitte gamonni welti higeexxi mootumma moromaamman. Jemaali iitta hiyyeen: “Hunnati manjo jijjiira dandeettaaxxon. Ani jijjiiremenneki hunnatitebaan, anee jijjiirteexxi baratennexxe Maxaafi Qulichchiinxe dhugaan.” Jemaali barateexxi yaane mootummati lolemabaashsha gargaarteen. Maxaafi Qullichchiinxe dhugaanni jijjiiremaake manjiki laakoossi lebaꞌni meꞌaa wodda ille uushsho baꞌlisaꞌneeke manniki laakkoosi henoꞌmaꞌni meꞌaan.

16. Mageniinxe mootummaka tasfa mannakee kula hansaanneki mayeete?

¹⁶ Noꞌonna Yesuusishshanni, ille uushsho buttatenaaꞌni baro barokee balleessitaaxxi Mageniinxe mootumma calla kaddeexxa mannake kulatee hansaannen. Kunni tasfi miiccami geyaꞌneeka manna jajjabeessaan. (Er. 29:11) Iimiiꞌni uundeennaxxi Isitansi iitta hiteen: “Dhugaa barata ille uushsho aneꞌninna wele manjoꞌni geltaaꞌnaa uudaꞌninni dandeꞌe hedhannoshsha gargaarteen. Yihowwa manjo jajjabeessaꞌneeki Maxaafi Qullichchi giddo hexxeexxe erganniten.” Ille uushsho gelteeke manjiꞌaa Maxaafi Qullichchi giddiiꞌni jajjabeessaaka yaada kulateꞌe edinseen ifi adda qophpheeffata hasissaan. Taꞌixxe yannaꞌni hexxeexxa rakko uuddaaxxa Maxaafi Qullichchi maa hiyyaaxxa adda egendottole, Yihowwa rakko balleessaaxxa atinni welti hujaꞌneeke yookiin barataꞌneeke manjiꞌaa qalbe mittenni kula dandeettatton.b

17. Ille uushsho geltaaꞌnaanni dandeenne heꞌnannoshsha Yihwwa noꞌoo gargaaraꞌneeki hittate?

¹⁷ Seexani ‘tennee buttake galchanjo’ kadeꞌe hedhee qicoꞌni ille uushsho noꞌoꞌni geltaaxxa egenneennen. Kaddomeleꞌe, Seexani ‘shorremaaxxa’ egenneennaxxeꞌe, gargaarisi belonna tasfi belo heꞌnenneshsha assinne heda hasissabaan. (Yoh. 12:31) Yihowwa Maxaafa Qullichchakeꞌni ille uushsho birasaxxeeki mayeete kaddeexxa calla kadebaaki, ille uushsho noꞌoꞌni geltaa wodda maachchi isoꞌni laqemaꞌneexxanna kuleꞌeen. (Far. 34:17-19) Yihowwa belti isiki darreeꞌni ille uushsho geltaa wodda maa assinannoxxanna isi Mootumma isixxenni shiqonni ille uushsho baro barokee balleessaaxxa barsiiseꞌeen. (2 Ph. 3:13) Tenneꞌaa ediꞌaa butta duuchchi ‘dhugaatinna qullummati’ woꞌmitaaxxa yanna halchati heqqeꞌnaꞌni, Mageniinxe Mootummaxxa gammachchiissaaxxa odo hinaaffetinna halchati lassa ittin ediꞌaa sunfo.—Isa. 9:7.