Elle Uushsho Jabeenniki Dandeꞌa

Ille ushsho geltaa wodda hitta jabaante saꞌnaaxxa Yoosefike raaginaan egeꞌnateꞌe Dadatika Maxaafa 37:23-28; 39:17-23 yaansis.

Xiqsetike qarqaraꞌn hedheeka yaada baꞌla qicoꞌn qoꞌnisi. Manji Yoosefiꞌn miiccama geesisaashsha assiteexxi yaane maachcho? (Dada. 37:3-11; 39:1, 6-10) Yoosefi ille uushsho geltaaꞌnaꞌa jabaatte osseeki hittee qiciꞌaate? (Dada. 37:2; 41:46) Eettene yanna Yihowwa Yoosefiꞌa asseexxi yaane maachcho? Assebaaxxinaꞌa?—Dada. 39:2, 21; w23.01 17 ¶13.

Baꞌlisse qoꞌnisi. Phooxifaaraxxe miniinxe amaxxi kuꞌla dhariinxe kaddeexxa kokeessateꞌe, Yoosefi maa hiyyeexxa Maxaafi Qullichchi haasoꞌabaan. Buttiiꞌn hexxeexxi xiqse Yoosefi sammi hiyyeeke mayeete kaddeexxanna duuchchiinxa yaane mittenna gattebaang egeꞌna hasissaan hine heqqa gonphaanneki mayeete kaddeexxa ifissaaki hittate? (Fakke. 20:2; Yoha. 21:25; Huje 21:37) Ille uushsho geltoolenna Yoosefii jabaate ossaashsha gargaareeki hoone adabuwwa kada dandeꞌa?—Miki. 7:7; Luqa. 14:11; Yaꞌiqo. 1:2, 3.

Maa barachcho alfiteete? Ifi iitta hite qori:

• ‘Yesuusike hordofooleessa kadennexxeꞌe aneꞌn heene ille uushsho geya dandeetta?’ (Luqa. 21:12, 16, 17; Ibra. 10:33, 34.)

• ‘Ille uushsho geltoole jaabaate osse saꞌatee qophpheeffatannoki hittate?’ (Faaro 62:7, 8; 105:17-19; w19.07 2-7.)